جايىق وزەنى جاعاسىندا تۇرعىندارعا ارزان بالىق ساتىلا باستادى
اتىراۋدا العاش رەت جايىق وزەنىندە جۇزبەلى ساۋدا نۇكتەسى اشىلىپ, بالىق پەن بالىق ونىمدەرىن ۇسىنا باستادى. ءوڭىر جۇرتشىلىعىنا ارزان باعامەن «سۋ مارجانىن» ساتۋعا «امانگەلدى» وندىرىستىك كووپەراتيۆى وڭ قادام جاساپ وتىر. بالىق اۋلاپ, بىرنەشە ءتۇرلى بالىق ونىمدەرىن شىعاراتىن كووپەراتيۆ باسشىسى مۇرات امىرعاليەۆتىڭ ايتۋىنشا, ءتىرى بالىق تۇرلەرىن ساتۋعا «كازاحرىبحوز» قاۋىمداستىعى ۇسىنىس جاساپتى. بۇل ۇسىنىسقا جەرگىلىكتى اكىمدىك قولداۋ ءبىلدىرىپتى.
جايىق وزەنى ۇستىندەگى جۇزبەلى ساۋدا نۇكتەسى تاڭعى ساعات 10-نان كەشكە دەيىن جۇمىس جاسايدى. مۇندا ساتىلاتىن بالىقتىڭ باعاسى قالا بازارلارىنداعىدان الدەقايدا, ءتىپتى ەكى ەسەگە جۋىق ارزان دەۋگە بولادى. ماسەلەن, ءتىرى سازاننىڭ ءبىر كيلوسى 300 تەڭگەدەن ساۋدالانادى. ءتىرى بالىقتىڭ تۇرىنە قاراي باعا دا ءارتۇرلى, ەڭ ارزانى 80 تەڭگە بولسا, ەڭ قىمباتىنىڭ باعاسى 350 تۇرادى. بۇعان تۇرعىندار دا ريزاشىلىعىن العاشقى كۇننەن بىلدىرە باستادى.
– بازارداعى بالىقتى 500 تەڭگەدەن الىپ جۇرسەم, ەندى سونداي بالىقتى 250 تەڭگەگە ساتىپ الدىم. باعاسى ارزان, بازارداعىداي ەمەس, شورشىپ جاتقان ءتىرى بالىقتىڭ ءدامى دە وزگەشە بولادى, – دەيدى قالا تۇرعىنى قاراشاش احمەتجانوۆا. – ەڭ باستىسى, قاي كەزدە كەلسەڭ دە مۇندا قالاعان بالىعىڭدى الۋعا تاڭداۋ بار.
«امانگەلدى» وندىرىستىك كووپەراتيۆى تەك ءىرى بالىقتى عانا ساتپايدى. سونىمەن ءبىرگە, كەپتىرىلگەن, ىستالعان بالىق ونىمدەرىن قوسقاندا, «سۋ مارجانىنىڭ» جيىرمادان استام ءتۇرىن ۇسىنادى. مۇنداي بالىق ءونىمدەرىنىڭ باعاسى بازارداعىداي ەمەس, جۇرتشىلىق كوڭىلىنەن شىعىپ وتىر. «جاقىن ارادا تاعى دا وسىنداي ەكى جۇزبەلى ساۋدا نۇكتەسىن اشۋ جوسپارىمىزدا بار. ويتكەنى, العاشقى كۇننەن ءتىرى بالىقتارعا, سونداي-اق, بالىق ونىمدەرىنە سۇرانىستىڭ مولدىعىنا كوزىمىز جەتتى», دەيدى كووپەراتيۆ باسشىسى مۇرات امىرعاليەۆ.
سۇرانىس دەمەكشى, اتالعان كووپەراتيۆتىڭ جۇزبەلى ساۋدا نۇكتەسىندە ءبىر كۇندە 3 تونناعا جۋىق ءتىرى بالىق تۇرلەرى ساتىلدى. ايتپاقشى, تۇتىنۋشىعا دەلدالسىز «سۋ مارجانىن» ۇسىنعان وندىرىستىك كووپەراتيۆ باسشىلىعى ەندى بالىقتان تەز تاعام تۇرلەرىن دايىندايتىن شاعىن كافەلەر اشۋدى قولعا العالى وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتەردى تۇسىرگەن
راحىم قويلىباەۆ.
جايىق وزەنى ۇستىندەگى جۇزبەلى ساۋدا نۇكتەسى تاڭعى ساعات 10-نان كەشكە دەيىن جۇمىس جاسايدى. مۇندا ساتىلاتىن بالىقتىڭ باعاسى قالا بازارلارىنداعىدان الدەقايدا, ءتىپتى ەكى ەسەگە جۋىق ارزان دەۋگە بولادى. ماسەلەن, ءتىرى سازاننىڭ ءبىر كيلوسى 300 تەڭگەدەن ساۋدالانادى. ءتىرى بالىقتىڭ تۇرىنە قاراي باعا دا ءارتۇرلى, ەڭ ارزانى 80 تەڭگە بولسا, ەڭ قىمباتىنىڭ باعاسى 350 تۇرادى. بۇعان تۇرعىندار دا ريزاشىلىعىن العاشقى كۇننەن بىلدىرە باستادى.
– بازارداعى بالىقتى 500 تەڭگەدەن الىپ جۇرسەم, ەندى سونداي بالىقتى 250 تەڭگەگە ساتىپ الدىم. باعاسى ارزان, بازارداعىداي ەمەس, شورشىپ جاتقان ءتىرى بالىقتىڭ ءدامى دە وزگەشە بولادى, – دەيدى قالا تۇرعىنى قاراشاش احمەتجانوۆا. – ەڭ باستىسى, قاي كەزدە كەلسەڭ دە مۇندا قالاعان بالىعىڭدى الۋعا تاڭداۋ بار.
«امانگەلدى» وندىرىستىك كووپەراتيۆى تەك ءىرى بالىقتى عانا ساتپايدى. سونىمەن ءبىرگە, كەپتىرىلگەن, ىستالعان بالىق ونىمدەرىن قوسقاندا, «سۋ مارجانىنىڭ» جيىرمادان استام ءتۇرىن ۇسىنادى. مۇنداي بالىق ءونىمدەرىنىڭ باعاسى بازارداعىداي ەمەس, جۇرتشىلىق كوڭىلىنەن شىعىپ وتىر. «جاقىن ارادا تاعى دا وسىنداي ەكى جۇزبەلى ساۋدا نۇكتەسىن اشۋ جوسپارىمىزدا بار. ويتكەنى, العاشقى كۇننەن ءتىرى بالىقتارعا, سونداي-اق, بالىق ونىمدەرىنە سۇرانىستىڭ مولدىعىنا كوزىمىز جەتتى», دەيدى كووپەراتيۆ باسشىسى مۇرات امىرعاليەۆ.
سۇرانىس دەمەكشى, اتالعان كووپەراتيۆتىڭ جۇزبەلى ساۋدا نۇكتەسىندە ءبىر كۇندە 3 تونناعا جۋىق ءتىرى بالىق تۇرلەرى ساتىلدى. ايتپاقشى, تۇتىنۋشىعا دەلدالسىز «سۋ مارجانىن» ۇسىنعان وندىرىستىك كووپەراتيۆ باسشىلىعى ەندى بالىقتان تەز تاعام تۇرلەرىن دايىندايتىن شاعىن كافەلەر اشۋدى قولعا العالى وتىر.
جولداسبەك شوپەعۇل,
«ەگەمەن قازاقستان».
اتىراۋ وبلىسى.
سۋرەتتەردى تۇسىرگەن
راحىم قويلىباەۆ.
