بوس جاتقان جەر مەملەكەت مەنشىگىنە قايتارىلدى

مال باسىنىڭ كو­بەيۋى وڭىردە حالىقتى جايى­لىم­دىق جەرلەرمەن قامتا­ما­سىز ەتۋ ماسەلەسىن شەشۋ ماقساتىندا يگەرىلمەي جات­قان جەرلەردى مەملەكەت مەن­شىگىنە قايتارۋ ماسەلەسىن تۋىنداتتى. وسى ورايدا وبلىستا اۋىل شارۋاشىلىعى ماقساتىنداعى جەرلەردى پايدالانۋدى قاداعالايتىن جۇمىس توبى قۇرىلعان ەدى. الدىن الا جۇرگىزىلگەن ساراپ­تاما قورىتىندىسى بويىن­شا ماڭعىستاۋ وبلىسىندا 973 مىڭ گەكتار اۋىل شارۋاشىلىعى جەرى انىقتالىپ, 2022 جى­لى وسى جەر كولەمىنىڭ 356 مىڭ گەكتاردان استامى مەم­لەكەت مەنشىگىنە قايتا­رىلعان. ناقتىراق ايتساق, تۇپقاراعان اۋدانى بويىن­شا – 85,3, مۇنايلى اۋدانىنان – 26,09, بەينەۋ اۋدانىنان – 33,8, قاراقيا اۋدانى بويىنشا – 171,8, ماڭ­عىستاۋ اۋدانىنان – 39,6, ال جاڭاوزەن قالاسى بويىن­شا 10 گا جەر مەملەكەت مەنشىگىنە وتكىزىلدى. سونداي-اق جوسپاردان تىس تەكسەرۋ تۋرالى حابارلامادان كەيىن جەرىنىڭ جالپى كولەمى 67 787 گا بولاتىن 85 جەر پايدالانۋشى قولدا بار مالىن يسج بازاسىنا تىركەدى.

– مەملەكەتتىك قوردا 8 ملن 667 مىڭ گەكتار جايى­لىمدىق جەر بار. وڭىردە اۋىل تۇرعىندارى بوسالقى جەرلەر, سونداي-اق جاقىن ماڭداعى اۋىل شارۋاشىلىعى ۇيىمدارىنىڭ ەسەبىنەن مال جايىلىمىمەن قامتاماسىز ەتىلگەن. ەلدى مەكەندەردى جايىلىمدىق جەرلەرمەن قامتۋدا وتكىر پروبلەمالار جوق, دەگەنمەن اۋىل-ايماقتاردىڭ اۋماعىن كەڭەي­تۋ ارقىلى قوسىمشا جايى­لىمدىق جەرلەرمەن قامتاماسىز ەتۋ جوسپاردا بار. قازىرگى تاڭدا الىستاعى جايىلىمدىق جەرلەردى دە اۋىل شارۋاشىلىعى اينالىمىنا تارتۋ, حالىققا پايدالانۋ ماسەلەلەرى پىسىقتالۋدا, – دەيدى ماڭعىستاۋ وبلىسى جەر رەسۋرستارىن باسقارۋ دەپارتامەنتىنىڭ باسشىسى قاحارمان باعىنوۆ.

قايتارىلعان بارلىق جەر­ ەندى اۋىل شارۋا­شى­­لىعى مينيسترلىگى مەن تسيفر­لىق دامۋ, يننوۆاتسيالار جانە اەروعارىش ونەر­كاسىبى مينيسترلىگى بىرلەسىپ ازىرلەگەن گەوسەرۆيستە كورسە­تىلەدى. ينتەراكتيۆتى كارتا ازاماتتارعا كەز كەلگەن ۋاقىت­تا قايتارىلعان اۋىل شارۋاشىلىعى جەرلەرى بو­يىنشا مونيتورينگتى جۇزەگە اسىرۋعا مۇمكىندىك بەرەدى جانە وسى ۋچاسكەلەردى الۋ ماقساتىندا جەرگىلىكتى ات­قا­رۋشى ورگاندارعا ءوتى­نىش بەرۋ ءۇشىن باعدار بو­لادى. بۇل جىلدار بويى پايدالانىلماعان اۋىلشا­رۋاشىلىق جەرلەرىن اينا­لىم­عا تارتۋعا, سونداي-اق تۇرعىنداردى اۋىل شارۋا­شىلىعى ءۇشىن قاجەتتى الاڭ­دارمەن قامتاماسىز ەتۋگە مۇمكىندىك بەرەدى.

ماڭعىستاۋ وبلىسى