وقۋ ورنىنىڭ رەكتورى سالامات ءيدريسوۆتىڭ ايتۋىنشا, سول جىلدان بەرى ۋنيۆەرسيتەتتىڭ ۇزدىك ستۋدەنتتەرىنە ازەربايجان رەسپۋبليكاسىنىڭ ءبىرىنشى پرەزيدەنتى گەيدار اليەۆ اتىنداعى حالىقارالىق ستيپەنديا بەرىلىپ كەلەدى. بيىلعى حالىقارالىق ستيپەندياعا وقۋدا جانە قوعامدىق جۇمىستا بەلسەندىلىگىمەن تانىلعان بەس ستۋدەنت يە بولدى. ولار – جانسەزىم قۋاندىقوۆا, ەرلان بايمۇحانوۆ, گەوگوري شاپوشنيكوۆ, اسەل ايۋپوۆا مەن سانجار تەمىربولاتوۆ. اتىراۋلىق ستۋدەنتتەرگە ستيپەنديانى تاپسىرۋ ءىس-شاراسىنا ازەربايجان رەسپۋبليكاسىنىڭ اقتاۋ قالاسىنداعى باس كونسۋلدىعىنىڭ باسشىسى ەلچين مامەدوۆ پەن مادەنيەت جانە ءبىلىم جونىندەگى كەڭەسشى يلكين ورۋدجوۆ قاتىستى.
– جاقىندا ازەربايجان رەسپۋبليكاسىنىڭ تاۋەلسىزدىگىن نىعايتىپ, ەكونوميكاسىن وركەندەتۋگە, باۋىرلاس جانە وزگە دە مەملەكەتتەرمەن ارىپتەستىك بايلانىسىن ورىستەتۋگە ۇلەس قوسقان گەيدار اليەۆتىڭ تۋعانىنا 100 جىل تولدى. وسىعان وراي اتىراۋداعى ۋنيۆەرسيتەت ستۋدەنتتەرى اراسىندا شىعارماشىلىق كونكۋرس ءوتتى. ونىڭ قورىتىندىسىمەن ۇزدىك ستۋدەنتتەرگە حالىقارالىق ستيپەنديا بەرىلىپ وتىر. بۇل – باۋىرلاس ەلدەر اراسىنداعى بەرىك بايلانىستىڭ دالەلى, – دەيدى ەلچين مامەدوۆ.
اتىراۋ وبلىسى
