قونىس تويى

اتىراۋدا 54 وتباسىنا جاڭا پاتەر بەرىلدى استانا كۇنى قارساڭىندا مۇ­نايلى وڭىردە 54 پاتەرلىك جاڭا تۇر­عىن ءۇي پايدالانۋعا بەرىلدى. «بۇل كوپ پاتەرلى ءۇي «قولجەتىمدى باس­پانا-2020» مەملەكەتتىك باع­دارلاماسى اياسىندا بوي كوتەردى. جاڭا تۇرعىن ءۇي از قامتىلعان وتبا­سىلارعا, بالالار ءۇيى مەن ينتەرنات تۇلەكتەرىنە, مەملەكەتتىك قىز­مەتكەرلەرگە بەرىلىپ وتىر», دەپ ءمالىم ەتتى اتىراۋ قالاسىنىڭ اكىمى نۇرلىبەك وجاەۆ. ناقتىلاي ايتقاندا, جاڭا ءپا­تەرگە يە بولعانداردىڭ دەنى ۇزاق جىل كەزەكتە تۇرعاندار ەكەن. ماسەلەن, جاس وتاعاسى سەرگەي ۋليا­نوۆتىڭ جارى مارينا يجەرس­كايا بالالار ۇيىندە اتا-انا قامقور­لىعىنسىز ءتار­بيەلەن­گەندەردىڭ ءبىرى بولعانمەن, 2006 جىلدان بەرى پاتەر الۋ كەزەگىندە تۇرىپتى. بۇدان بى­لاي جاس وتباسى ەكى بولمەلى پاتەر­دىڭ جىلۋىن سەزىنەتىن بولادى. سول سەكىلدى بيۋدجەتتىك سالا قىز­مەتكەرى قانزيبا قايىردى دا باسپانالى بولۋ باقىتىن ۇزاق كۇت­كەن جانداردىڭ قاتارىندا دەۋگە بولادى. ول 1999 جىلى اتى­راۋ­عا قىزىلقوعا اۋدانىنان كوشىپ كەلگەننەن بەرى ءۇش ۇلىنىڭ وتباسىلارىمەن جاتاقحانانىڭ اياداي بولمەسىن پانالاپ كەلىپتى. باسىبايلى باسپانانى زارىعا كۇتكەن ۇلكەن اۋلەت ەندى ءۇش بولمەلى پاتەردى يەلەندى. – جىل اياعىنا دەيىن اتىراۋدا تاعى دا ءبىر مىڭنان اسا جالدامالى پاتەر بەرىلەتىنى جوسپارلانىپ وتىر, – دەپ مالىمدەدى نۇرلىبەك وجاەۆ. جولداسبەك شوپەعۇل, «ەگەمەن قازاقستان». سۋرەتتى تۇسىرگەن  راحىم قويلىباەۆ. اتىراۋ وبلىسى.