«EcoJer» قاۋىمداستىعىنىڭ ماڭعىستاۋ وبلىسى بويىنشا وڭىرلىك ەكولوگيالىق كەڭەسىنىڭ مۇشەسى ادىلبەك قوزىباقوۆ جاساندى شىعاناقتىڭ قۇرىلۋىنا بايلانىستى تەڭىز جاعالاۋىندا بالدىرلار مەن شىرىكتەردىڭ پايدا بولۋ پروبلەماسىن كوتەردى.
– تەڭىز جاعالاۋىندا جاعىمسىز ءيىس مۇڭكىپ تۇر. بۇل تۋريستىك سالانىڭ دامۋىنا تەرىس اسەر ەتەدى. ەگەر جاعداي قازىر تۇزەلمەسە, وندا جازدا ول سانيتارلىق-ەپيدەميولوگيالىق سيپاتقا يە بولا الادى. ويتكەنى بۇل جەر جەرگىلىكتى تۇرعىندار اراسىندا وتە تانىمال, – دەدى ول.
ءا.قوزىباقوۆ ساۋدا جانە تۋريزم سالالىق كەڭەسىنىڭ مۇشەلەرىنە, جەرگىلىكتى اتقارۋشى ورگانداردىڭ وكىلدەرىنە قاراكول مارتەبەسىن جەرگىلىكتى مارتەبەگە وزگەرتۋ تۋرالى ۇسىنىسپەن جۇگىندى. ونىڭ پىكىرىنشە, بۇل سۋلى-باتپاقتى جەرلەردە ەكولوگيالىق ءتۋريزمدى دامىتۋ ءۇشىن قاراجات تارتۋدى جەڭىلدەتەدى.
تۋريزم سالاسىنداعى مەملەكەتتىك قولداۋ شارالارىنا قاتىستى كاسىپكەر ق.ىزتىلەۋوۆا ماڭعىستاۋ وبلىسىنىڭ تۋريزم باسقارماسى كاسىپكەرلىك سۋبەكتىلەرىنىڭ جول بويىنداعى سەرۆيس سالۋ بويىنشا شىعىندارىنىڭ ءبىر بولىگىن وتەۋدەن باس تارتۋ ماسەلەسىن كوتەردى. ءوز كەزەگىندە ماڭعىستاۋ وبلىسى تۋريزم باسقارماسىنىڭ ءتۋريزمدى ىلگەرىلەتۋ جانە دامىتۋ ءبولىمىنىڭ باسشىسى گ.جاريەۆا تۋريزم سالاسىن مەملەكەتتىك قولداۋ قاعيدالارىنا ەنگىزىلەتىن وزگەرىستەرگە بايلانىستى بۇل باس تارتۋعا تۇسىنىكتەمە بەردى. سونداي-اق تۋريزم باسقارماسىنىڭ سايتىندا مەملەكەتتىك قولداۋدىڭ ىسكە اسىرىلىپ جاتقان شارالارى, تالاپ ەتىلەتىن قۇجاتتاما, سونداي-اق ءوتىنىم بەرۋ تەتىكتەرى تۋرالى اقپارات الۋعا بولاتىنىن حابارلادى.
كاسىپكەرلەر پالاتاسىندا وڭىردەگى تۋريزم سالاسىن دامىتۋعا كەرى اسەرىن تيگىزەدى دەگەن نەمەسە شەشىمىن تاپپاي جۇرگەن ماسەلەلەر تالقىلاندى. اۋقىمدى ىستەر شاعىن ماسەلەلەردى شەشۋدەن باستالاتىنى بەلگىلى.
ماڭعىستاۋ وبلىسى
