ساتىبالدى اقىن تابيعاتى كوركەم اقسۋ بويىنداعى مادەني اۋىلىندا ومىرگە كەلىپ, ولەڭ ولكەسىنە ەرتە قادام باسقان. ۇجىمشاردى باسقارىپ, ەلدى مەكەننىڭ وركەندەپ, دامۋىنا اتسالىسقان. جاۋاپتى قىزمەتتەردى ابىرويلى اتقارعان ازامات مەملەكەتتىك قىزمەتتە جۇرسە دە شىعارماشىلىعىنان قول ۇزبەي, حالىق اقىنى اتاندى. كوپتەگەن اقىندار ايتىسىنا قاتىسىپ, زەردەلى وي, ۇتىمدى پىكىرىمەن جۇلدەلى ورىنداردان كورىنگەن. اعا بۋىن بۇگىندە اقىنعا ەل ەركىندىگى مەن وي ەركىندىگى قانات ءبىتىرىپ, ءونىمدى ەڭبەك ەتىپ, كوپتەگەن ماراپاتقا يە بولعانىن ايتادى.
«سايراعان وڭتۇستىكتىڭ بۇلب ۇلى ەدى» تاقىرىبىنداعى ادەبي ساز كەشىندە قالامگەردىڭ ءومىر جولى جونىندە بايانداما وقىلىپ, شىعارمالارى مەن اقىن جايىندا باسپاسوزدە جارىق كورگەن ماقالالار تانىستىرىلدى. شىعارمالارىنىڭ ليريكالىق كوركەمدىگىمەن قازاق پوەزياسىنداعى الار ورنى ەرەكشە اقىننىڭ 140 جىلدىعىنا وراي وبلىستىق اقىندار ايتىسى ۇيىمداستىرىلىپ, جىر دوداسىندا ونەر كورسەتكەندەر كوپشىلىك قاۋىمنىڭ ىستىق ىقىلاسىنا بولەندى. جىر الامانىنا قاتىسقان 10 اقىنعا دەمەۋشىلەر ەسەبىنەن سىيلىقتار تابىس ەتىلىپ, يىقتارىنا شاپان جابىلدى. سونداي-اق ەسكە الۋ ءىس-شاراسى اياسىندا كيىز ۇيلەر تىگىلىپ, قوناقتار قىمىز ءىشىپ, قۇرت پەن باۋىرساقتان ءدام تاتتى. اۋىل تۇرعىندارىنىڭ قولونەر بۇيىمدارى قويىلعان كورمە ۇيىمداستىرىلىپ, جاستار ۇلتتىق سپورت تۇرلەرىنەن كۇش سىناستى.
اۋىل تۇرعىندارىنا كەرەمەت رۋحاني دەمالىس سىيلاعان اۋقىمدى ءىس-شارانى ۇيىمداستىرعان اقىننىڭ ۇرپاقتارى مەن اۋىل تۋماسى, مەتسەنات باتىربەك كوشەرباي حالىقتىڭ ىستىق ىقىلاسى مەن اق باتاسىن الدى.
تۇركىستان وبلىسى
