بۇل نەنى بىلدىرەدى؟ پرەزيدەنت قاسىم-جومارت توقاەۆ قازىرگى كۇنى كرەاتيۆتى يندۋسترياعا باسىم كوڭىل ءبولۋ كەرەكتىگىن ايتقان بولاتىن. قوعامدا ءتۇرلى پروبلەمالار, توسىن جاعدايلار بولىپ جاتادى. ءبىز ولاردى شەشۋگە اتسالىسىپ قانا قويماي, بۇكىل قوعام, سونىڭ ىشىندە جاستار, ءبارىمىز جۇمىلۋ كەرەكتىگىن قاراپايىم ءارى تارتىمدى تىلمەن حالىققا جەتكىزە ءبىلۋىمىز كەرەك.
بۇرىن سەناتتا قحا اتىنان 9 دەپۋتات بار ەدى, رەفەرەندۋم مەن رەفورمالار ناتيجەسىندە بۇل سان 5 ادامعا دەيىن قىسقاردى. كوپ ادام نەلىكتەن بۇلاي بولعانى تۋرالى سۇراپ جاتىر. مەنىڭ ايتاتىنىم, بۇل اسسامبلەيانىڭ ۇستانىمى السىرەپ قالدى دەگەن ءسوز ەمەس. ءبىز, ەڭ بىرىنشىدەن, سەناتقا وتتىك, ياعني كەرىسىنشە ۇلكەن مارتەبەگە يە بولدىق. ماجىلىستە دە قحا اتىنان سايلانعان 10 دەپۋتات بار. ءبىر سوزبەن ايتقاندا, اسسامبلەيا بارلىق مايداندا بەرىك بەكىنىستى ۇستاپ وتىر جانە ەلىمىزدەگى بىرلىك پەن كەلىسىمدى ساقتاۋدىڭ الدىڭعى شەبىندە تۇر.
ارينە, قوعامدا قوردالانعان ماسەلەلەر بار. اسسامبلەيادان سايلانعان 5 دەپۋتات باس قوسىپ, بۇل ماسەلەلەردى تالقىلاپ وتىرامىز. كەيدە وڭىرلەرگە شىعامىز. الداعى شىلدە ايىندا سەسسيا اياقتالعاننان كەيىن دە ايماقتارعا ىسساپارعا بارامىز. ەتنو بىرلەستىكتەردىڭ ۇجىمدارىمەن كەزدەسىپ, ولاردىڭ پروبلەمالارىن تالقىعا سالامىز. جوعارىدا ايتقانىمداي, سەناتتاعى جانە ماجىلىستەگى قحا مۇشەلەرى وسى باعىتتاعى جۇمىستاردى تىزە قوسىپ جالعاستىرا بەرمەكپىز.
گەننادي شيپوۆسكيح,
سەنات دەپۋتاتى
