ءبىر شاڭىراق استىندا, ءبىر ماقسات اياسىندا, ءبىر مۇددە جولىندا تىزە قوسقان ەلدىڭ المايتىن قامالى جوق. سونداي ساۋاپتى جولدا جۇمىس ىستەپ كەلە جاتقان قۇرىلىمداردىڭ ءبىرى – انالار كەڭەسى. قازىرگى كۇنى ءبىزدىڭ كەڭەسىمىز قاناتىن كەڭگە جايىپ, وبلىستىق ءارى رەسپۋبليكالىق دەڭگەيدە ىزگى ىستەرگە باستاماشى بولىپ كەلەدى.
جالپى, اسسامبلەيا تۋرالى ايتار بولساق, ول ەلىمىزدەگى ۇلتارالىق جانە كونفەسسياارالىق قاتىناستاردىڭ بەتكە ۇستار كوشباسشىسىنا اينالعانى ءمالىم. سەبەبى قحا جاساپ جاتقان رەفورمالار مەن باسقا جۇمىستار بەيبىتشىلىكتى, تىنىشتىقتى ساقتاۋعا باعىتتالعان, ال بۇل ءوز كەزەگىندە ەلىمىزدەگى بىرلىك پەن كەلىسىمنىڭ نىعايۋىنا ىقپال ەتەدى.
جيىن بارىسىندا اسسامبلەيانىڭ قوعامداعى ءرولىن ارتتىرۋعا قاتىستى بىرقاتار ۇسىنىس ايتىلدى. ءوز تاراپىمنان بىرىنشىدەن, ەتنوسارالىق قاتىناستار ماسەلەلەرى بويىنشا مەملەكەتتىك قىزمەتشىلەردىڭ, سونداي-اق ەتنومادەني ورتالىقتار وكىلدەرىنىڭ بىلىكتىلىگىن ارتتىرۋ جۇيەسىن جەتىلدىرۋ, ەكىنشىدەن, وڭىرلىك اسسامبلەيالار اراسىندا مەدياتسيا, ۆولونتەرلىك, قايىرىمدىلىق جانە قوعامدىق باقىلاۋ بويىنشا تاجىريبە الماسۋدى قامتاماسىز ەتۋدى ۇسىنار ەدىم.
ءبىر جاعادان باس, ءبىر جەڭنەن قول شىعارۋ ارقىلى جاڭا قازاقستاننىڭ مىزعىماس تاتۋلىعىن ساقتاۋ – ەل حالقىنا امانات!
گۇلسارا تولەبەكقىزى,
تۇركىستان وبلىستىق انالار كەڭەسىنىڭ توراعاسى
