ءسوز جوق, اسسامبلەيا – ءبىزدىڭ قوعامدى بىرىكتىرۋشى ەرەكشە ۇيىم. مۇنى مەملەكەت باسشىسى دا ۇدايى ايتىپ كەلەدى. قۇرىلعان كەزدەن بەرى قحا ۋاقىت سىنىنان سۇرىنبەي ءوتىپ, كوپەتنوستى قوعامعا قاجەتتى ينستيتۋت ەكەنىن داۋسىز دالەلدەدى. اسسامبلەيانىڭ بۇعان دەيىنگى سەسسيالارىندا دا وسى قوعامدىق ۇيىمنىڭ ۇلكەن الەۋەتىن سەرگەك سەزىندىرە الاتىن كوپتەگەن باستاما كوتەرىلدى. ونىڭ بارلىعى ەلىمىزدەگى تاتۋلىق پەن دوستىقتىڭ سالتانات قۇرۋىنا قالتقىسىز قىزمەت ەتىپ كەلەدى.
اسسامبلەيا باسشىلىعى وكىلدەرىمەن كەشەگى كەزدەسۋ كەزىندە پرەزيدەنت قحا-نىڭ قوعامداعى بىرلىك پەن تاتۋلىق بارلىق رەفورمانىڭ ناتيجەلى بولۋىنىڭ العىشارتى ەكەنىن اتاپ ءوتتى. قازىرگىدەي الەمدەگى الاساپىران وقيعالار مەن الپاۋىت مەملەكەتتەر اراسىندا ءتۇرلى تەكەتىرەس ورىن الىپ وتىرعان كەزدە ەلىمىز تىنىش, جۇرتىمىز امان بولعانعا نە جەتسىن؟! سوندىقتان بارىمىزدى, بەرەكە-بىرلىگىمىزدى باعالاي بىلەيىك.
سەسسيا كەزىندە جاڭا ارىپتەستەرىمىزبەن تانىسىپ, پىكىرلەر الماستىق. رەسپۋبليكانىڭ بارلىق وڭىرىنەن جينالعان دەلەگاتتاردىڭ ويلارى مەن ۇسىنىستارىن تىڭداۋ دا تاجىريبە الماسۋدا ۇلكەن سەپتىگىن تيگىزەدى. وسىنداي ىرگەلى جيىندارعا قاتىسۋدىڭ ماڭىزى ەرەكشە.
ينديرا راۆان,
«اسسامبلەيا جاستارى» رقب
وكىلدىگىنىڭ توراعا ورىنباسارى
