ىقپالداستىققا ىقىلاستىلىق

كەشە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ توراعاسى ءاليحان باي­مە­­نوۆ ەلورداعا ارنايى ساپارمەن كەلگەن تايلاند كورول­دىگىنىڭ مەملەكەتتىك قىزمەت ىستەرى جونىندەگى كو­ميس­سيا ءوفيسى باس حاتشىسىنىڭ ورىنباسارى ۆيسووت پراسيتسيريۆونگسەمەن كەزدەستى. كەزدەسۋ بارىسىندا تا­راپ­تار قازاقستان مەن تاي­لاند اراسىنداعى ەكىجاق­تى جانە كوپجاقتى ىنتى­ماق­تاستىقتىڭ قىرلارىن تالقىعا سالىپ, مەملەكەتتىك قىزمەت سالا­سىنداعى ماسە­لەلەر جايىن ءسوز ەتتى. ءاسى­رەسە, ءوزارا ءىس-قي­مىلدى ودان ءارى نىعايتۋعا  قىزىعۋشىلىق تانىتىلدى. بۇل باعىتتاعى ارەكەتتى بەل­سەن­دىلەندىرە ءتۇسۋ ءۇشىن مەم­لەكەتتىك قىز­مەت سالاسىنداعى ىقپال­داستىق جونىندەگى ءوزارا تۇسىنىستىك تۋرالى مەموراندۋم قابىلداندى. قازاقستان تاراپىنان وعان قازاقستان رەسپۋبليكاسى مەملەكەتتىك قىزمەت ىستەرى اگەنتتىگى ءتورا­عاسىنىڭ ورىنباسارى ءالي كومەكباەۆ, ال تايلاند كورولدىگى تاراپىنان مەم­لەكەتتىك قىزمەت ىستەرى ءجو­نىن­دەگى كوميسسيا ءوفيسى باس حات­شى­سىنىڭ ورىنباسارى ۆيسووت پراسيتسيريۆونگسە قول قويدى. اتالعان شاراعا قا­تىس­قان ءا.باي­مەنوۆ بىلاي دەدى: «مەم­لە­كەت­تىك قىزمەت سالا­سىن­داعى قازاق­ستاندا جۇرگى­زىلىپ جاتقان رەفورمالار الەمدە كوپتەگەن ەلدەردىڭ قى­زىعۋشىلىعىن تۋعىزۋدا. سول سەبەپتەن دە, تايلاند دەلەگاتسياسى ارنايى كەلىپ, بىزبەن مەموراندۋمعا قول قويدى. بۇل مەموراندۋم مەملەكەتتىك قىزمەت سالاسىندا بىرلەسكەن زەرتتەۋلەر جۇرگىزۋگە, مەملەكەتتىك قىزمەتشىلەردى وقىتۋ سالا­سىنداعى ىقپالداستىق پەن ءوزارا اقپارات الماسۋ ارقىلى ءبىر ەلدىڭ ءتا­جى­ريبەسىن ەكىنشى ەلدە زەرتتەپ پايدالانۋعا ءمۇم­كىندىك بەرەدى». ءا.بايمەنوۆ تايلاندتى وزىندىك ەرەكشەلىكتەرى بار ەل ەكەنىن ايتا كەلىپ, ولاردىڭ مەملەكەتتىك قىزمەتشىلەرگە جالاقى تولەۋ, الەۋمەتتىك قولداۋ جانە جەكە سەكتوردان مامانداردى تارتۋ سياقتى تاجىريبەلەرى قىزىعۋشىلىق تۋدىرىپ وتىرعاندىعىن اتاپ كورسەتتى. جالپى, تايلاند تاراپى اس­تا­ناداعى مەملەكەتتىك قىزمەت سالا­سىنداعى وڭىرلىك حابتىڭ جۇمىسىنا ەرەكشە قىزىعۋشىلىق تانىتۋدا ەكەن. ءتىپتى, اتالعان حابتىڭ جۇمىسىنا قاتىسۋ ءۇشىن ءوز وتىنىشتەرىن دە بەرىپ ۇلگەرىپتى. سونىمەن, تايلاندتى قوسا العاندا, قازىر وڭىرلىك حابتىڭ جۇمىسىنا 29 مەملەكەت قاتىساتىن بولادى. ءوز كەزەگىندە ۆ.پراسيت­سي­ري­ۆونگسە 28 مۇشە-ەلدىڭ رەفورماسى ءار دەڭگەيدە, ولاردىڭ ءتاجىري­بە­لەرىن زەرتتەۋ اسا قاجەتتى ەكەندىگىن العا تارتتى.  اسىرەسە, ول ءوز ەلىن قازاقستاندا ەنگىزىلگەن «ا» كورپۋسى تۋرالى باستاما قاتتى قىزىقتىرىپ وتىرعانىن العا تارتتى. بۇل جۇيە قالاي قۇرىلعاندىعى جانە ونىڭ قانداي باعىتتا دامىپ جاتقاندىعى ەرەكشە نازارعا يە. ولاي بولسا, ەكى ۆەدومستۆو اراسىندا قول قويىلعان مەموراندۋم بىرلەسە عىلىمي ىزدەنىستەر مەن مەملەكەتتىك قىزمەتشىلەردى وقىتۋ جۇمىستارىن جۇرگىزۋ, اقپارات, ءبىلىم مەن تاجىريبە جانە دە رەفورمانى ناتيجەلى جۇرگىزۋ ءۇشىن ساراپشىلار الماسۋ سياقتى ىنتىماقتاستىقتى قامتيدى. تايلاند وكىلى «ا» كورپۋسىن قۇرۋ جاقسى ۇلگى بولا الارىن العا تارتىپ, ءوز ەلىندە مەم­لەكەت­تىك قىزمەتشىلەرگە دەگەن تالاپ جوعارى ەكەندىگىن دە تىلگە تيەك ەتە كەتتى. ونىڭ ايتۋىنشا, مەملە­كەت­تىك بيلىكتە تۇراقتىلىق بولما­عانىمەن, مەملەكەتتىك قىزمەت­شى­لەر تۇراقتى جۇمىس ىستەپ كەلەدى. اسقار تۇراپباي ۇلى, «ەگەمەن قازاقستان».