وتكەندە تۇركىستان وبلىسى تورتكول اۋىلىنىڭ تۇرعىندارى كىسى قولىنان قازا تاپتى دەلىنگەن ارۋجان ورىنباەۆانى سوڭعى ساپارعا شىعارىپ سالدى. ورىمدەي قىزدىڭ ءولى دەنەسى اۋىلداعى كانال بويىنداعى جاساندى بوگەتتەن تابىلدى. تۋىستارىنىڭ ايتۋىنشا, وقيعا ءۇي ارتىنداعى كانال ماڭىندا ورىن العان. قاس قارايا تەلەفونمەن سويلەسىپ جۇرگەن قىزدىڭ بەينەسى سول ماڭايداعى كامەراعا ءتۇسىپ قالعان. كەيىننەن وبەكتيۆىن ورمەكشىنىڭ اۋى تورلاپ, كورىنبەي قالىپتى. اجەسى قۇرمانكۇل سالقىنبەكوۆا ءۇيدىڭ ىرگەسىندەگى ارىقتىڭ ماڭى ابدەن قان بولعانىن, كۇدىكتىلەر قىلمىسىن جاسىرۋ ءۇشىن قىزدى سۋعا تاستاعانىن ايتادى.
قايعىلى وقيعا مەكتەپ ۇجىمىن دا ويعا قالدىرىپ وتىر. مۇعالىمدەر قازا تاپقان قىزدىڭ دا, ونى ءولتىردى دەپ ايىپتالىپ وتىرعان سول مەكتەپتە وقيتىن ۇلدىڭ دا وعاش ارەكەتى مەن ءوزارا كەرىسكەنىن كورمەگەندەرىن, كۇدىكتىنىڭ جۋاس بولعانىن ايتادى. «ول بالانىڭ بويىنان ەشقانداي اۋتودەسترۋكتيۆتى مىنەز-ق ۇلىق تابىلماعان. ساۋالداما قورىتىندىسى بويىنشا ول ءوزى ءسال قورقاقتاۋ بالا, ودان ءبىر قىلمىس شىعادى دەپ ءبىز مۇلدەم ويلامادىق», دەيدى تورتكۇل ورتا مەكتەبى ديرەكتورىنىڭ تاربيە ءىسى جونىندەگى ورىنباسارى قانات قوسپانوۆ. ال ارۋجاننىڭ تۋىستارى تەرگەۋ ءادىل جۇرگىزىلگەنىن, ورىمدەي قىزدى ولتىرگەندەر زاڭ جۇزىندە ءتيىستى جازاسىن العانىن قالايدى. كۇدىكتىلەر جازادان جالتارىپ كەتە مە دەپ قورقاتىنىن دا جاسىرمايدى. سەبەبى ۇستالعانداردىڭ ءبىرى ەكس-اكىمنىڭ ۇلى ەكەن.
سوڭعى كەزدەرى جاسوسپىرىمدەر اراسىندا جيىلەگەن الىمجەتتىك, بۋللينگ, كەمسىتۋ, ءتىپتى سوڭى اۋىر قىلمىسپەن اياقتالىپ جاتقان وقيعالار كوپشىلىكتى الاڭداتىپ وتىرعانى انىق.
تۇركىستان وبلىسى
