قورعانىس ۆەدومستۆوسى اسكەري شەرۋدى وتكىزۋ «بيۋدجەت قاراجاتىن ۇنەمدەۋ ەسەبىنەن, سونداي-اق باسقا دا مىندەتتەردى شەشۋ قاجەتتىلىگىنە بايلانىستى» جوسپارلانباعانىن ءتۇسىندىردى.
«اتاپ ايتقاندا, قازاقستان قارۋلى كۇشتەرى بولىمشەلەرىنىڭ جاۋىنگەرلىك ازىرلىگى مەن ۇتقىرلىعىنىڭ تالاپ ەتىلەتىن دەڭگەيىن قولداۋ باسىم بولىپ سانالادى», دەلىنگەن مينيسترلىك حابارلاماسىندا.
قازىرگى ۋاقىتتا قورعانىس ۆەدومستۆوسى اسكەري-پاتريوتتىق ءىس-شارالاردى, ەرەكشە كوزگە تۇسكەن اسكەري قىزمەتشىلەردى قۇرمەتتەۋدى, سوعىستا قازا تاپقان قازاقستان جاۋىنگەرلەرىن ەسكە الۋ شارالارىن باق-تا جاريالاۋدى جوسپارلاپ, وتكىزۋدە.
«7 جانە 9 مامىرعا وراي ۇيىمداستىرىلاتىن ءىس-شارالاردى وتكىزۋ تۋرالى اقپارات مينيسترلىكتىڭ اقپاراتتىق رەسۋرستارىندا جاريالانادى», دەپ قوستى مينيسترلىك وكىلدەرى.
