جالپى جاڭادان قابىلدانعان الەۋمەتتىك كودەكستىڭ بەس باستى جاڭالىعى بار. سولاردىڭ ءبىرى - الەۋمەتتىك تاۋەكەلدەردىڭ الدىن الاتىن اتاۋلى ءىس-شارا. تامارا دۇيسەنوۆا وسى شارا نەگىزىندە مەملەكەت جۇمىسىنان ايىرىلعان ادامدارعا قارجىلاي ەمەس, قايتا جۇمىسقا تۇرۋىنا جاردەمدەسەتىنىن ايتتى.
«جاڭا پاراديگماعا سايكەس مەملەكەتتىك قولداۋ الدىمەن الەۋمەتتىك تاۋەكەلدەردىڭ الدىن الاتىن اتاۋلى ءىس-شارا, ودان كەيىن عانا اتاۋلى الەۋمەتتىك كومەك رەتىندە قاراستىرىلادى. تۇسىنىكتى بولۋى ءۇشىن مىسال كەلتىرە كەتەيىن. وتباسىنىڭ تسيفرلىق كارتاسى جىل باسىندا الەۋەتى جوعارى بولعان وتباسىنىڭ 5 ايدان سوڭ الەۋەتى تومەن وتباسى كاتەگورياسىنا وتكەنىن كورسەتتى. تالداۋ نەسيەنى العان ادامعا 3 ايدان بەرى زەينەتاقى جارناسىنىڭ تۇسپەگەنىن, ياعني جۇمىسسىز قالعانىن ايقىندادى. سوندىقتان ءبىز ول ازاماتتىڭ ماماندىعىن ەسكەرە وتىرىپ, جۇمىسقا تۇرۋ مۇمكىندىگى تۋرالى SMS حابارلاما جىبەردىك. قازىر بۇل ازامات جۇمىسقا تۇردى, نەسيەنى قايتارۋعا قاتىستى دا پروبلەماسى جوق. كورىپ وتىرعانىڭىزداي, مەملەكەت قارجىلاي كومەك ەمەس, اتاۋلى ءىس-شارانى قولدانا وتىرىپ, الەۋمەتتىك تاۋەكەلدىڭ الدىن الدى. مۇنداي مۇمكىندىكتى بيىل وتباسىنىڭ تسيفرلىق كارتاسى ارقىلى تاجىريبەگە ەنگىزدىك. سوندىقتان الداعى ۋاقىتتا وتباسىلاردىڭ الەۋەتى جونىندەگى تالداۋ جۇمىستارى كۇشەيتىلىپ, مەملەكەتتىك ورگاندار مەن وتباسىلار اراسىنداعى بايلانىس جاڭا دەڭگەيگە كوتەرىلەدى دەگەن ۇمىتتەمىن», دەدى مينيستر.
سونداي-اق تامارا قاسىمقىزى اتالعان الەۋمەتتىك كومەكتىڭ جويىلمايتىنىن, قارجىلاي كومەك تەك جۇمىسقا جارامسىز وتباسى مۇشەلەرىنە بەرىلەتىنىن اتاپ ءوتتى. ال كەدەيلىك شەگىن ەسەپتەۋ جۇيەسىنە وزگەرىستەر ەنگىزىلەدى.
«ەگەر وتباسى قيىن جاعدايدا بولسا, وندا اتاۋلى الەۋمەتتىك كومەك اتاۋلى ءىس-شارامەن ءبىر مەزگىلدە بەرىلەدى. مىسالى, وتباسىنا اي سايىن اتاۋلى الەۋمەتتىك كومەك, ال وتباسىنىڭ جۇمىسقا جارامدى مۇشەلەرىنە وقۋ, جۇمىس, گرانت جانە جەڭىلدەتىلگەن نەسيە سياقتى مەملەكەتتىك قولداۋ ءىس-شارالارى كورسەتىلەدى.
وسى باعىتتاعى تاعى ءبىر ماڭىزدى وزگەرىس اتاۋلى الەۋمەتتىك كومەك بەرۋ ءۇشىن كەدەيلىك شەگى بۇگىنگى كۇنكورىس دەڭگەيى ارقىلى ەمەس, مەدياندىق كىرىس دەڭگەيى ارقىلى انىقتالادى», دەدى تامارا دۇيسەنوۆا Egemen Qazaqstan» گازەتىنە بەرگەن سۇحباتىندا.
