كەلەلى ماسەلە قارالدى

اقتاۋ قالاسىندا مۇناي-گاز ونەركاسىبى ۇلتتىق كلاستەرى اكتيۆىنىڭ كونگرەسى ءوتتى. وندا سالانىڭ جانە كلاستەرلىك باستاما قۇرامىنىڭ دامۋى تۋرالى ءىس-ارەكەتى تالقىلاندى. كونگرەستى ماڭعىستاۋ وبلىسىنىڭ اكىمدىگى مەن قازاقستان رەسپۋبليكاسىنىڭ ۇلتتىق كاسىپكەرلەر پالاتاسى ۇيىمداستىردى. كونگرەسس جۇمىسىنا ماڭعىستاۋ وبلىسىنىڭ اكىمى اليك ايدارباەۆ, مۇناي جانە گاز ءمينيسترىنىڭ ورىنباسارى ماعزۇم مىرزاعاليەۆ, «سامۇرىق-قازىنا» ءال-اۋقات قورى» اق مۇناي-گاز اكتيۆى ديرەكتسياسىنىڭ باسقارۋشى ديرەكتورى مالىك سالىمگەرەەۆ, «KAZENERGY» «مۇناي-گاز جانە ەنەرگەتيكالىق كەشەن ۇيىمدارىنىڭ قازاقستاندىق اسسوتسياتسياسى» زتب ادامي كاپيتالىن دامىتۋ جونىندەگى اتقارۋشى ديرەكتورى توعجان قوجاليەۆا, ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى ەكاتەرينا نيكيتينسكايا, «قازمۇنايگاز» ۇك» اق, «قازاقستان مۇناي جانە گاز ينستيتۋتى» اق, سونداي-اق, ەلىمىزدىڭ مۇناي-گاز سەكتورىنىڭ قۇرامىنا كىرەتىن كاسىپورىندار وكىلدەرى قاتىستى. بيىلعى جىلدىڭ مامىر ايىندا بولعان ۇكىمەت وتىرىسىندا قازاقستان رەسپۋبليكاسىنىڭ 2015-2019 جىلدارعا ارنالعان ۇدەمەلى يندۋستريالىق-يننوۆاتسيالىق دامۋىنىڭ مەملەكەتتىك باعدارلاماسى ماقۇلدانعان بولاتىن. وسى باعدارلاما اياسىندا اتىراۋ, ماڭعىستاۋ جانە باتىس قازاقستان وبلىستارى اۋماعىندا مۇناي-گاز ءوندىرۋ جانە قايتا وڭدەۋ, مۇناي-گاز حيمياسى, ماشينا جاساۋ مەن مۇناي-گاز ونەركاسىبى ءۇشىن قىزمەت كورسەتۋ بويىنشا ۇلتتىق كلاستەرىنىڭ دامۋىنا مەملەكەتتىك قولداۋ كەڭىنەن كورسەتىلمەك. ەكونوميكانى قالىپتاستىرۋداعى كلاستەرلىك ءتاسىل اۋماقتار دامۋىنىڭ باسەكەگە قابىلەتتىلىگىن ارتتىرۋ ءۇشىن ەڭ ءتيىمدى تەتىك بولىپ تابىلادى. ال ۇلتتىق كلاستەر كەڭەسىنە مۇناي جانە گاز مينيسترلىگى, ۇلتتىق كاسىپكەرلەر پالاتاسى جانە «سامۇرىق-قازىنا» ءال-اۋقات قورى» اق كىرەدى. كلاستەر ينتەگراتورىنىڭ مىندەتىن «قاز­مۇنايگاز» ۇك» اق قامتاماسىز ەتىپ, «ءباي­تەرەك» ۇلتتىق باسقارۋشى حولدينگى» اق قارجى­لىق اگەنتى قىزمەتىن اتقارادى. كونگرەستى وتكىزۋدەگى ماقسات – سان سالالى ونەركاسىپتىڭ مۇددەلى قاتىسۋشىلارىمەن ۇلت­تىق كلاستەر جۇمىسىنىڭ نەگىزگى اسپەكتىلەرىن انىقتاۋ ءۇشىن ۇنقاتىسۋ الاڭىن قۇرۋ بولاتىن. تالقىلانعان باسىمدى ماسەلەلەر قاتارىندا قازاقستاندىق مازمۇن مەن قىزمەتتىڭ, ساتىپ الۋ بويىنشا سەرۆيستىك كومپانيالاردىڭ, ءىرى جوبالاردىڭ وپەراتورلارى (كاسپيدەگى تەڭىز, قاراشىعاناق, قاشاعان جانە ت.ب وففشورلىق جوبالار) ۇلەسىن, مۇناي سەرۆيستىك كومپانيالار (كاسىپتىك-تەحنيكالىق ءبىلىم بەرۋ, كاسىپورىنداردى جانە ونىڭ قىزمەتكەرلەرىن سەرتيفيكاتتاۋ, ونىڭ ىشىندە حالىقارالىق سەرتيفيكاتتاۋ) دەڭگەيىن, تەحنيكالىق رەتتەۋ, مەترولوگيا جانە مەنەدجمەنت جۇيەسى سالاسىنداعى قىزمەتكەرلەردىڭ بىلىكتىلىگىن ارتتىرۋ, سونداي-اق, مۇناي وڭدەۋ جانە مۇناي ءوندىرۋ قۇبىرلار ونەركاسىبى ءۇشىن ماشينا مەن جابدىقتار شىعارۋ سالاسىنداعى جوبالاردىڭ جۇزەگە اسىرىلۋى ءتارىزدى ماسەلەلەر ورىن الدى. قاتىسۋشىلار on-ءlىne رەجىمىندەگى پىكىرتالاس كەزىندە كوتەرىلگەن ماسەلەلەرگە قاتىستى سىندارلى ۇسىنىستارى مەن ەسكەرتپەلەرىن ءبىلدىرىپ, پىكىرلەرىن دە ورتاعا سالدى. كونگرەستە جۇمىس قورىتىندىسى بويىنشا قارار قابىلداندى. قاتىسۋشىلار كوكەيكەستى ماسەلەلەردىڭ ورىندالۋىن ۇنەمى نازاردا ۇستاۋعا ۇسىنىس جاسادى. سونىڭ نەگىزىندە بىرقاتار قۇجاتتار ازىرلەنىپ, كەزەڭ-كەزەڭىمەن جۇزەگە اسىرىلۋى جۇكتەلدى. مارات اققۇل, «ەگەمەن قازاقستان».