اقپاراتتار اعىنى

*ەكسپو-2017 پاۆي­لون­دارىنىڭ نەگىزگى قۇرى­لىمدارى 2015 جىلعى قازان ايىنا دەيىن سالىنىپ بىتەدى. «استانا ەكسپو-2017»  ۇلتتىق كوم­پانياسىنىڭ باسشىسى تالعات ەرمەگياەۆ, سونىمەن قاتار, ەكسپو-قالاشىقتىڭ «نولدىك كەزەڭىن» قۇرىلىسشىلار كەستەدەن بۇرىن اياقتاۋدى جوس­پارلاپ وتىرعانىن ايتتى. *كەلەسى جىلى قازاقستاندا تاعى 20 مەملەكەتتىك قىزمەت اۆتومات جۇيەسىنە كوشەدى. بۇل تۋرالى حابارلاعان بايلانىس جانە اقپارات اگەنتتىگى ءباسپاسوز قىزمەتىنىڭ مالىمەتىنشە, 2015 جىلى ەلەكتروندىق ۇكىمەت ارقىلى «قازتەست» جۇيەسى بويىنشا جۇرگىزىلەتىن مەملەكەتتىك ءتىلدى مەڭگەرۋ دەڭگەيىن باعالاۋعا قاتىسۋ ءۇشىن قۇجاتتى تاپسىرۋعا بولادى. l تارازدا «نۇر وتان» پار­تيا­سى قاتارىنا قابىلدان­عان­دارعا پارتيا بيلەتى تاپسىرىلدى.  بۇل شارانى جۇرگىزگەن جام­بىل وبلىستىق فيليالىنىڭ توراعاسى, وبلىس اكىمى كارىم كوكى­رەكباەۆ جينالعانداردى اس­تانا قالاسىنىڭ مەرەكەسىمەن قۇتتىقتادى. *اقمولا وبلىسىندا قۇ­رى­لىس ماتەريالدارىن وندىرەتىن زاۋىت اشىلدى. بۇلاندى اۋدا­نىنىڭ ورتالىعى ماكين قا­لا­سىندا بوي كوتەرگەن بۇل ءوندى­رىس ورنى اعاشتان قۇرىلىس ما­تەريالدارىن شىعاراتىن «TransTechMash LTD» جشس كۇشىمەن پايدا بولدى. كاسىپ­ورىننىڭ قۋاتتىلىعى جىلىنا 300 000 دانا شپال, 5 مىڭ تەكشە مەتر تاقتاي شىعارۋعا جەتەدى. *شىعىس قازاقستاندا ۇزدىك جۋرناليستەر ماراپاتتارعا يە بولدى. وسكەمەندە وتكەن جۋرناليستەر فورۋمىندا وبلىس اكىمى بەردىبەك ساپارباەۆ باق وكىلدەرىن وتكەن كاسىبي مەرەكەلەرىمەن قۇتتىقتاي وتىرىپ, ولاردىڭ اراسىنداعى جۋرناليستيكا سالاسىن دامىتۋعا ۇلەس قوسىپ كەلە جاتقاندارىنا سىي-سياپاتتار تاپسىردى. جيىندا جالپى 63 جۋرناليست ماراپاتتارعا قول جەتكىز­سە, سولاردىڭ 9-ى ايماق باسشى­سىنىڭ نومينانتى اتاندى. *قىزىلوردا قالاسىندا اۋىل شارۋاشىلىعى ونىمدەرى 25,8 پايىزعا ارتىق ءوندىرىلدى. بۇل تۋرالى مالىمدەگەن قالا اكىمى نۇرلىبەك نالىباەۆ 5 اي­دىڭ قورىتىندىسىندا اۋىل شا­رۋاشىلىعى ءونىمىنىڭ كولەمى 453,1 ملن. تەڭگەنى قۇراپ, ونىڭ ناقتى كولەمىنىڭ يندەكسى وتكەن جىلدىڭ سالىستىرمالى كەزەڭىنىڭ 125,8 پايىزىن قۇراعانىن ايتتى. *اقتاۋ ءورت ءسوندىرۋ­شى­­لەرى «قاۋىپسىز بالالىق شاق» اكتسيا­سىن وتكىزدى. ول ءار­تۇر­لى كونكۋرس تۇرىندە ۇيىمداس­تىرىلدى. سايىسقا 4 بالالار تىنىعۋ لاگە­رىنىڭ كوماندالارى قاتىستى. ءناتي­جەسىندە جەڭىم­پازدارعا ءجۇل­دەلەر تابىس ەتىلدى. حابارلار «قازاقپارات», اltaynews.kz, Lada.kz,Egemen.kz اگەنتتىكتەرى, «ۋرالسكايا نەدەليا» گازەتى مەن قىزىلوردا قالاسى اكىمدىگى سايتتارىنىڭ دەرەكتەرى بويىنشا دايىندالدى.