تۇركىستاننىڭ تاريحي ماڭىزىن اشىپ, دارىندى جاستار شىعارماشىلىعىنا قانات ءبىتىرىپ, ۇلتتىق قۇندىلىقتارعا دەگەن ەرەكشە قۇرمەتىن, ەلجاندىلىق, وتانسۇيگىشتىك سىندى پاتريوتتىق سەزىمدەرىن قالىپتاستىرۋ, اۋەسقوي فوتوگراف ماماندىعىنا جول اشۋ ماقساتىنداعى بايقاۋعا قاتىسۋشىلاردىڭ جاس ەرەكشەلىكتەرىنە شەكتەۋ قويىلمادى. تۇركى الەمىنىڭ رۋحاني استاناسى – تۇركىستاننىڭ تاريحى مەن بۇگىنگى كورىنىسى بەينەلەنەتىن تۋىندىلار قابىلدانعان ونەر بايقاۋى «ەتنواۋىل» قالاشىعىندا قورىتىندىلاندى.
بايقاۋعا تۇركىستان, قىزىلوردا وبلىستارى مەن الماتى, ورال, اتىراۋ, اقتاۋ قالالالارىنان 30-دان استام فوتوگراف پەن سۋرەتشى قاتىسقان. ەرەجەگە سايكەس بايقاۋدىڭ ماراپاتتاۋ سالتاناتى ەكى باعىتتا وتكىزىلدى. ءبىرىنشىسى – كونە جانە جاڭا تۇركىستان كورىنىسىنەن سىر شەرتەتىن فوتوسۋرەتتەر بولسا, ەكىنشىسى – رۋحاني استانانىڭ كەلبەتى بەينەلەنگەن كارتينالار. ناتيجەسىندە, «فوتوسۋرەت» اتالىمى بويىنشا سەرىكبولسىن شەرى جەڭىمپاز اتانسا, اسىل جۇماحانوۆ ەكىنشى, انتون ليششەنكو مەن ۇلپان ءابدىراحمان ءۇشىنشى ورىنعا يە بولدى. ال «قىلقالام شەبەرلەرى» اتالىمى بويىنشا تەمىربەك نۇرماشەۆ جەڭىمپاز اتاندى, مۇرات شاحانباەۆ ەكىنشى جانە سەرىك قيناباەۆ پەن ەرجان رىسىمبەتوۆ ءۇشىنشى ورىن يەلەندى. جەڭىمپازدار مەن جۇلدەگەرلەر ارنايى العىسحات جانە قارجىلاي سىيلىقپەن ماراپاتتالدى.
تۇركىستان
