ءپىتىر ساداقانى قۇراندا ايتىلعان جاعدايى جوق جاندارعا, ەشتەڭەسى جوق مىسكىنگە, زەكەت جيناۋعا تاعايىندالعان بەلگىلى ادامدارعا, قارىزعا باتقاندارعا, اللا جولىندا قىزمەت ەتىپ جۇرگەن ازاماتتارعا, قارجىلارى ءبىتىپ, جولدا قالعان جولاۋشىلارعا بەرىلەدى. اكە-شەشەسىنە, اتا-اجەسىنە, ايەلىنە, ءوزىنىڭ ۇل-قىزدارىنا, ولاردان تۋعان نەمەرەلەرىنە ساداقا بەرۋ دۇرىس ەمەس. بىراق ءپىتىر ساداقانى الدىمەن ءوز تۋىستارىنا, اعايىندارىنا, كورشىلەرىنە بەرگەنى ابزال. ودان ارتىلىپ جاتسا نەمەسە بەرەتىن جەرى بولماسا, مەشىتكە اپارىپ بەرسە دە بولادى. بۇل ءۇردىس بىزدە بۇرىننان قالىپتاسقان. مەشىت ونى مۇقتاج جاندارعا ۇلەستىرەدى جانە ءدىن جولىندا پايدالانادى.
