قۇجاتقا سايكەس, قازاقستاندىقتار قىتايعا, ال قحر ازاماتتارى قازاقستانعا ۆيزاسىز بارا الادى, تۋريستەر شەكارادان وتكەن ساتتەن باستاپ 30 كۇننەن جانە 180 كۇندىك كەزەڭدە 90 كۇننەن اسپايتىن مەرزىمدە بولا الادى.
ەگەر وسى ەلدەردىڭ ءبىرىنىڭ ازاماتتارى ەكىنشى تاراپ مەملەكەتىنىڭ اۋماعىندا كوزدەلگەن مەرزىمنەن ۇزاعىراق قالۋعا نيەت بىلدىرسە, وندا ولار مەملەكەت اۋماعىنا كىرگەنگە دەيىن ءتيىستى ۆيزاعا جۇگىنۋگە ءتيىس.
قازاقستاندىقتار ءۇشىن جارامدى جول ءجۇرۋ قۇجاتتارى:
- قر ازاماتتىنىڭ تولقۇجاتى;
- قر اۋماعىنا قايتۋ تۋرالى كۋالىك.
قىتاي ازاماتتارى ءۇشىن:
- قحر ازاماتىنىڭ جارتىلاي قىزمەتتىك تولقۇجاتى;
- قحر ازاماتىنىڭ تولقۇجاتى;
- ۋاقىتشا جول ءجۇرۋ قۇجاتى.
«كەلىسىمگە قول قويۋ قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى تىعىز ىنتىماقتاستىقتى نىعايتۋعا سەرپىن بەرەدى», دەلىنگەن قاۋلىدا.
قۇجات 19 ساۋىرگە دەيىن قوعامدىق تالقىلاۋ ءۇشىن «اشىق نقا» سايتىندا ورنالاستىرىلعان.
ايتا كەتەيىك, تاراپتار ءوزارا ۆيزاسىز رەجيمدى 2022 جىلدىڭ ماۋسىم ايىندا تالقىلادى. كەيىن قازاقستان بىرجاقتى تارتىپتە قىتاي ازاماتتارى ءۇشىن 14 كۇنتىزبەلىك كۇنگە دەيىنگى مەرزىمگە ۆيزاسىز رەجيم اشتى.
