«قۇرمەتتى ارىپتەستەر, قادىرلى دوستار!
بۇگىن ءبىزدىڭ كاسىبي مەرەكەمىز – عىلىم قىزمەتكەرلەرى كۇنى. وسىعان وراي بارشا عالىمدار مەن زەرتتەۋشىلەرىمىزدىڭ دۇنيەنى تانۋعا دەگەن ۇمتىلىسىن, ولاردىڭ زياتكەرلىك كۇش-قۋاتىن, عىلىمي جاڭالىق اشۋداعى ۇلەسىن ەرەكشە اتاپ وتكىم كەلەدى.
قازاقستاننىڭ عىلىمي قاۋىمداستىعى – قيسىنى قيىن عىلىمي ماسەلەلەردى شەشۋگە قابىلەتتى, زەرتتەۋ سالاسىنىڭ جارقىن باعىتىن ايقىنداتىن شابىت پەن جاڭاشىلدىقتىڭ قاينار كوزى. ەل الدىنا قويىلعان عىلىمي-تەحنيكالىق جانە الەۋمەتتىك-ەكونوميكالىق سۇراقتاردى شەشۋدە فۋندامەنتالدى دا, قولدانبالى عىلىمنىڭ ءرولى ەرەكشە.
عالىمدار, وقىتۋشىلار, زەرتتەۋشىلەر مەن عىلىمنىڭ وزگە دە قىزمەتكەرلەرىنىڭ بىلىكتىلىگىن, كاسىبي جۇمىسىن ماقتان تۇتامىز.
مينيسترلىكتىڭ جانە ءوز اتىمنان عالىمدار مەن زەرتتەۋشىلەرگە, عىلىم سالاسىنا جاقىن بارشا ۇجىمعا العىسىمدى بىلدىرەمىن. ەرەن ەڭبەكتەرىڭىز بەن تاجىريبەلەرىڭىز – ەلىمىزدىڭ وركەندەۋىنىڭ باعا جەتپەس قاينار كوزى!
عىلىم قىزمەتكەرلەرى كۇنىمەن قۇتتىقتايمىن! جاڭا بەلەستەردى باعىندىرۋدى, جاڭا جەتىستىكتەر مەن يننوۆاتسيالار تىلەيمىن! قازاقستاندىق عىلىمنىڭ دامۋىنا قوسقان ۇلەستەرىڭىزگە العىس بىلدىرەمىن!», دەلىنگەن حابارلامادا.
