وقۋ-اعارتۋ مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعىنىڭ حابارلاۋىنشا, aينالدىق ويىندار استانا قالاسى, الماتى جانە پاۆلودار وبلىستارىندا 5-6, 7-8, 9-11 سىنىپتار بويىنشا 31 ناۋرىز بەن 6 ماۋسىم ارالىعىندا توپتاستىرىلىپ وتكىزىلەدى.
– ليگانىڭ العاشقى جارىستارى ەلوردادا 9-11 سىنىپ وقۋشىلارى اراسىندا باستالدى. جارىستار 8 مامىرعا دەيىن جالعاسادى. 7-8 سىنىپتار اراسىنداعى پاۆلودار قالاسىندا وتەتىن جارىستار 18 ءساۋىر – 8 مامىرعا جوسپارلانعان. ال 5-6 سىنىپ وقۋشىلارى 15 مامىر – 6 ماۋسىم ارالىعىندا الماتى وبلىسىندا مىقتىلاردى انىقتايدى, – دەدى ورتالىق ديرەكتورى ساعدات سادىقوۆ.
ۇلتتىق مەكتەپ ليگاسى اياسىندا 30 جارىس بويىنشا رەسپۋبليكالىق كەزەڭگە بەس مىڭ وقۋشى جولداما جەڭىپ العان. مەكتەپ ليگاسىنىڭ ىرىكتەۋ جارىستارى رەسپۋبليكانىڭ بارلىق ايماعىندا وقۋ جىلىنىڭ باسىنان ءساۋىر ايىنا دەيىن ءوتتى. 2022-2023 وقۋ جىلىندا مەكتەپىشىلىك, اۋداندىق, قالالىق/وبلىستىق كەزەڭدەرگە ەكى ميلليوننان استام وقۋشى قاتىسقان.
كەشە استانا قالاسىنىڭ «جاستار سارايىندا» ۇلتتىق مەكتەپ ليگاسىنىڭ سالتاناتتى اشىلۋ ءراسىمى ءوتتى.
