كەشە قازاقستاننىڭ تۇڭعىش پرەزيدەنتى مۇراجايىندا, ەلوردا كۇنىنە وراي, «نۇر وتان» پارتياسى قاتارىنا قابىلداۋدىڭ ءداستۇرگە اينالعان سالتاناتتى ءراسىمى ءوتتى. «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك پارتيا قۇرامىنا كىرگەن 11 ازاماتقا جاڭا ۇلگىدەگى پارتيالىق بيلەتتەردى تابىس ەتتى.
سالتاناتتى شارا بارىسىندا ول «نۇر وتاننىڭ» قاتارىنا قوسىلعان ازاماتتاردى قۇتتىقتاپ, پارتياعا ءوتۋ ويلانباستان, اياقاستى جاسالاتىن قادام ەمەس, ادامنىڭ ازاماتتىق ۇستانىمىن كورسەتەتىن, سالماقتى ءارى اقىلمەن تارازىلانعان شەشىمنىڭ ناتيجەسى دەگەن ويىن جەتكىزدى. «بۇگىنگى شارا پارتيانىڭ ەلباسى نۇرسۇلتان نازارباەۆتىڭ جەتەكشىلىگىمەن باعىندىرعان اسۋلارى مەن ەۆوليۋتسيالىق دامۋ بيىگىن بەينەلەيتىن 15 جىلدىق مەرەيتويىمەن تۇسپا-تۇس كەلۋىمەن جانە استانا كۇنى مەرەكەسىنىڭ قارساڭىندا وتكىزىلۋىمەن ەرەكشە. پارتيا ليدەرى بارلىق نۇروتاندىقتاردى ساياسي كوشباسشىلىقتى كۇندەلىكتى ىستە دالەلدەپ, قوعام ءومىرىنىڭ بارلىق باعىتتارىندا الدىڭعى ورىندا بولۋىمىزدى مىندەتتەگەنىن بىلەسىزدەر. سىزدەر دە وسى سەنىمنىڭ ۇدەسىنەن تولىقتاي شىعادى دەگەن ۇمىتتەمىن», – دەدى ب. بايبەك.
بۇل كۇنى پارتياعا بەلگىلى ءساۋلەتشى, ەل ەلتاڭباسىنىڭ اۆتورى جانداربەك مالىبەك ۇلى, قازاقستان پرەزيدەنتى جۇلدەسى ءۇشىن «قازاقستان بارىسى» ءتۋرنيرىنىڭ 2013 جىلعى جەڭىمپازى ايبەك نۇعىماروۆ, بىرقاتار رەسپۋبليكالىق ايتىستاردىڭ جەڭىمپازى ءبىرجان بايتۋوۆ, پاۆلودار وبلىسى قحا جاستار بىرلەستىگى ۇيلەستىرۋ كەڭەسىنىڭ ءتورايىمى ەلينا پاۋلي, «پەتروپاۆل قۇرىلىس ماتەريالدارى زاۋىتى» جشس ساتۋ جانە ىشكى ەكونوميكالىق بايلانىستار جونىندەگى ديرەكتورى اندرەي تيتوۆ, «ەۋرازيا» ءبىرىنشى ارناسىنداعى ساراپتامالىق باعدارلامانىڭ جەتەكشىسى الەكساندر ترۋحاچەۆ, «اربا» تىرەك-قيمىل اپپاراتىنىڭ فۋنتسياسى بۇزىلعان مۇگەدەك ازاماتتاردى قولداۋ قوعامى» قوعامدىق بىرلەستىگىنىڭ ءتورايىمى گۇلميرا باتپاقۇلوۆا, قازاقستان پرەزيدەنتى ءىس باسقارماسىنا قاراستى «وقجەتپەس» ەمدەۋ-ساۋىقتىرۋ كەشەنى» مەديتسينالىق ورتالىعى» اق پرەزيدەنتى تالعات تۇڭعىشباەۆ, تالعار اۋدانىنداعى «نۇر» بالالار ءۇيىنىڭ ديرەكتورى تۇياق ەسقوجينا, «قازاقستان كۆن وداعى» رەسپۋبليكالىق جاستار قوعامدىق ءبىرلەستىگىنىڭ پرەزيدەنتى ەسەنتۇگەل ەلەۋكەن, «استانا قالالىق جاستار ساياساتى باسقارماسى» مب جەتەكشىسى تالعات راحمانبەردى قوسىلدى.
كەزدەسۋدە ءسوز العان جانداربەك مالىبەك ۇلى پارتيا قاتارىنا قوسىلۋ ءوزى ءۇشىن وتە ماڭىزدى شەشىم بولعانىنا توقتالدى. «ەلتاڭبانىڭ اۆتورى رەتىندە ەلباسىنىڭ سوناۋ تاۋەلسىزدىككە قول جەتكىزىپ, مەملەكەتتى قۇرعان ساتىندەگى ءاربىر باستاعان يگى ىستەرىنە ءوز ۇلەسىمدى قوسىپ كەلدىم دەپ ويلايمىن. الداعى ۋاقىتتا پرەزيدەنتتىڭ بارلىق باعىت-باعدارلارىن قولداۋشى رەتىندە ونىڭ ەلدى دامىتۋ ىسىنە ءالى دە بولسا ءوز كومەگىمدى تيگىزگىم كەلەدى», – دەدى ءسوز ورايىندا ج.مالىبەكوۆ.
ال ب.بايتۋوۆ: «قازاق ەلى ەكونوميكاسى, ساياساتى, مادەنيەتى جاعىنان دا دامۋدىڭ جاڭا بەلەستەرىنە جول تارتتى. ارينە, مەملەكەت دامۋىنىڭ جاڭا ساتىسىنا كوتەرىلەر تۇستا جاستارعا ارتىلار جۇك تە اۋىر بولماق. مەملەكەت باسشىسى ءوزىنىڭ حالىققا ارناعان بيىلعى جولداۋىندا ماسەلەنىڭ بارلىعىن جان-جاقتى تۇسىندىرە كەلىپ, سوڭىندا: «جاستار مەن مۇنىڭ ءبارىن سەندەرگە ارناپ ايتىپ جاتىرمىن», دەگەن ەدى. مەن سول كەزدە ەلباسىمىز بۇل ءسوزدى ماعان دا ارناپ ايتقانداي اسەردە بولدىم», دەي كەلە, ەل ءۇشىن قىزمەت ەتۋ – جاستىڭ دا, جاسامىستىڭ دا پارىزى سانالاتىنىن, دەمەك, جاستار جاعى سوزبەن دە, ىسپەن دە قىزمەت ەتۋگە ءتيىس ەكەندىگىن اتاپ ءوتتى. «جالپى, «نۇر وتان» پارتياسىنىڭ مۇشەلىگىنە ءوتۋىمدى ەل ءۇشىن ەڭبەك ەتۋدىڭ ءبىر جولى دەپ تۇسىنەمىن. پارتيانىڭ مۇشەسى بولۋ كوكەيىڭدەگى پىكىردى جوعارى جاققا جەتكىزۋدىڭ تاپتىرماس تەتىگى دەپ بىلەمىن», – دەدى ءوز ويىن تۇيىندەگەن ايتىسكەر اقىن.
سالتاناتتى ءراسىم اياسىندا ايبەك نۇعىماروۆ تا ءسوز الدى. ول ءوزىنىڭ پارتيا قاتارىنا قوسىلۋىن بىلايشا ءتۇسىندىردى: «ءبىز – سپورتشى بولعاندىقتان, قاشان دا ءوز ەلىمىزدىڭ پاتريوتىمىز. ال پاتريوت ادام ءوز مەملەكەتىنىڭ مارتەبەسىن اسقاقتاتۋدا ايانىپ قالمايدى. مەنى «نۇر وتان» پارتياسى قاتارىنا, مىنە, وسىنداي سەزىم جەتەلەپ كەلدى. بويىندا نامىسى بار, جۇرەگى ەلىم دەپ سوققان ازاماتتاردىڭ بارلىعى بۇل پارتيانىڭ مۇشەسى بولۋعا لايىقتى دەپ سانايمىن. سوندىقتان, قازاقستاننىڭ تۋىن جەلبىرەتىپ جۇرگەن سپورتشى رەتىندە پارتيا قاتارىنا ءوتۋ جونىندە شەشىم قابىلدادىم, بۇگىن, مىنە, قولىما پارتيا بيلەتىن الىپ وتىرمىن», دەدى ول.
قازىرگى تاڭدا بۇل پارتيانىڭ قۇرامىندا 875 مىڭعا تارتا ازامات بار. ولاردىڭ قاتارى كۇن ساناپ تولىعا تۇسۋدە.
ءلايلا ەدىلقىزى,
«ەگەمەن قازاقستان».
سالتاناتتى شارا بارىسىندا ول «نۇر وتاننىڭ» قاتارىنا قوسىلعان ازاماتتاردى قۇتتىقتاپ, پارتياعا ءوتۋ ويلانباستان, اياقاستى جاسالاتىن قادام ەمەس, ادامنىڭ ازاماتتىق ۇستانىمىن كورسەتەتىن, سالماقتى ءارى اقىلمەن تارازىلانعان شەشىمنىڭ ناتيجەسى دەگەن ويىن جەتكىزدى. «بۇگىنگى شارا پارتيانىڭ ەلباسى نۇرسۇلتان نازارباەۆتىڭ جەتەكشىلىگىمەن باعىندىرعان اسۋلارى مەن ەۆوليۋتسيالىق دامۋ بيىگىن بەينەلەيتىن 15 جىلدىق مەرەيتويىمەن تۇسپا-تۇس كەلۋىمەن جانە استانا كۇنى مەرەكەسىنىڭ قارساڭىندا وتكىزىلۋىمەن ەرەكشە. پارتيا ليدەرى بارلىق نۇروتاندىقتاردى ساياسي كوشباسشىلىقتى كۇندەلىكتى ىستە دالەلدەپ, قوعام ءومىرىنىڭ بارلىق باعىتتارىندا الدىڭعى ورىندا بولۋىمىزدى مىندەتتەگەنىن بىلەسىزدەر. سىزدەر دە وسى سەنىمنىڭ ۇدەسىنەن تولىقتاي شىعادى دەگەن ۇمىتتەمىن», – دەدى ب. بايبەك.
بۇل كۇنى پارتياعا بەلگىلى ءساۋلەتشى, ەل ەلتاڭباسىنىڭ اۆتورى جانداربەك مالىبەك ۇلى, قازاقستان پرەزيدەنتى جۇلدەسى ءۇشىن «قازاقستان بارىسى» ءتۋرنيرىنىڭ 2013 جىلعى جەڭىمپازى ايبەك نۇعىماروۆ, بىرقاتار رەسپۋبليكالىق ايتىستاردىڭ جەڭىمپازى ءبىرجان بايتۋوۆ, پاۆلودار وبلىسى قحا جاستار بىرلەستىگى ۇيلەستىرۋ كەڭەسىنىڭ ءتورايىمى ەلينا پاۋلي, «پەتروپاۆل قۇرىلىس ماتەريالدارى زاۋىتى» جشس ساتۋ جانە ىشكى ەكونوميكالىق بايلانىستار جونىندەگى ديرەكتورى اندرەي تيتوۆ, «ەۋرازيا» ءبىرىنشى ارناسىنداعى ساراپتامالىق باعدارلامانىڭ جەتەكشىسى الەكساندر ترۋحاچەۆ, «اربا» تىرەك-قيمىل اپپاراتىنىڭ فۋنتسياسى بۇزىلعان مۇگەدەك ازاماتتاردى قولداۋ قوعامى» قوعامدىق بىرلەستىگىنىڭ ءتورايىمى گۇلميرا باتپاقۇلوۆا, قازاقستان پرەزيدەنتى ءىس باسقارماسىنا قاراستى «وقجەتپەس» ەمدەۋ-ساۋىقتىرۋ كەشەنى» مەديتسينالىق ورتالىعى» اق پرەزيدەنتى تالعات تۇڭعىشباەۆ, تالعار اۋدانىنداعى «نۇر» بالالار ءۇيىنىڭ ديرەكتورى تۇياق ەسقوجينا, «قازاقستان كۆن وداعى» رەسپۋبليكالىق جاستار قوعامدىق ءبىرلەستىگىنىڭ پرەزيدەنتى ەسەنتۇگەل ەلەۋكەن, «استانا قالالىق جاستار ساياساتى باسقارماسى» مب جەتەكشىسى تالعات راحمانبەردى قوسىلدى.
كەزدەسۋدە ءسوز العان جانداربەك مالىبەك ۇلى پارتيا قاتارىنا قوسىلۋ ءوزى ءۇشىن وتە ماڭىزدى شەشىم بولعانىنا توقتالدى. «ەلتاڭبانىڭ اۆتورى رەتىندە ەلباسىنىڭ سوناۋ تاۋەلسىزدىككە قول جەتكىزىپ, مەملەكەتتى قۇرعان ساتىندەگى ءاربىر باستاعان يگى ىستەرىنە ءوز ۇلەسىمدى قوسىپ كەلدىم دەپ ويلايمىن. الداعى ۋاقىتتا پرەزيدەنتتىڭ بارلىق باعىت-باعدارلارىن قولداۋشى رەتىندە ونىڭ ەلدى دامىتۋ ىسىنە ءالى دە بولسا ءوز كومەگىمدى تيگىزگىم كەلەدى», – دەدى ءسوز ورايىندا ج.مالىبەكوۆ.
ال ب.بايتۋوۆ: «قازاق ەلى ەكونوميكاسى, ساياساتى, مادەنيەتى جاعىنان دا دامۋدىڭ جاڭا بەلەستەرىنە جول تارتتى. ارينە, مەملەكەت دامۋىنىڭ جاڭا ساتىسىنا كوتەرىلەر تۇستا جاستارعا ارتىلار جۇك تە اۋىر بولماق. مەملەكەت باسشىسى ءوزىنىڭ حالىققا ارناعان بيىلعى جولداۋىندا ماسەلەنىڭ بارلىعىن جان-جاقتى تۇسىندىرە كەلىپ, سوڭىندا: «جاستار مەن مۇنىڭ ءبارىن سەندەرگە ارناپ ايتىپ جاتىرمىن», دەگەن ەدى. مەن سول كەزدە ەلباسىمىز بۇل ءسوزدى ماعان دا ارناپ ايتقانداي اسەردە بولدىم», دەي كەلە, ەل ءۇشىن قىزمەت ەتۋ – جاستىڭ دا, جاسامىستىڭ دا پارىزى سانالاتىنىن, دەمەك, جاستار جاعى سوزبەن دە, ىسپەن دە قىزمەت ەتۋگە ءتيىس ەكەندىگىن اتاپ ءوتتى. «جالپى, «نۇر وتان» پارتياسىنىڭ مۇشەلىگىنە ءوتۋىمدى ەل ءۇشىن ەڭبەك ەتۋدىڭ ءبىر جولى دەپ تۇسىنەمىن. پارتيانىڭ مۇشەسى بولۋ كوكەيىڭدەگى پىكىردى جوعارى جاققا جەتكىزۋدىڭ تاپتىرماس تەتىگى دەپ بىلەمىن», – دەدى ءوز ويىن تۇيىندەگەن ايتىسكەر اقىن.
سالتاناتتى ءراسىم اياسىندا ايبەك نۇعىماروۆ تا ءسوز الدى. ول ءوزىنىڭ پارتيا قاتارىنا قوسىلۋىن بىلايشا ءتۇسىندىردى: «ءبىز – سپورتشى بولعاندىقتان, قاشان دا ءوز ەلىمىزدىڭ پاتريوتىمىز. ال پاتريوت ادام ءوز مەملەكەتىنىڭ مارتەبەسىن اسقاقتاتۋدا ايانىپ قالمايدى. مەنى «نۇر وتان» پارتياسى قاتارىنا, مىنە, وسىنداي سەزىم جەتەلەپ كەلدى. بويىندا نامىسى بار, جۇرەگى ەلىم دەپ سوققان ازاماتتاردىڭ بارلىعى بۇل پارتيانىڭ مۇشەسى بولۋعا لايىقتى دەپ سانايمىن. سوندىقتان, قازاقستاننىڭ تۋىن جەلبىرەتىپ جۇرگەن سپورتشى رەتىندە پارتيا قاتارىنا ءوتۋ جونىندە شەشىم قابىلدادىم, بۇگىن, مىنە, قولىما پارتيا بيلەتىن الىپ وتىرمىن», دەدى ول.
قازىرگى تاڭدا بۇل پارتيانىڭ قۇرامىندا 875 مىڭعا تارتا ازامات بار. ولاردىڭ قاتارى كۇن ساناپ تولىعا تۇسۋدە.
ءلايلا ەدىلقىزى,
«ەگەمەن قازاقستان».
