«قىزدىڭ اتا-اناسى حايۋاناتتار باعى اكىمشىلىگىنىڭ باق ارقىلى تاراتقان ەسكەرتۋىنەن قۇلاعدار بولىپ, مەكەمەگە كەلگەن, كەشىرىم سۇراعان. وسىدان كەيىن حايۋاناتتار باعىنىڭ باسشىلىعى ولاردىڭ ۇستىنەن تۇسىرگەن ارىزىن كەرى قايتارىپ الدى. سونداي-اق قورشاۋ اينەگىن قالپىنا كەلتىرۋ شىعىنىن تولىق وتەۋگە دايىن دەمەۋشى دە تابىلدى», دەلىنگەن Otyrar.kz تاراتقان اقپاراتتا.
ءوز كەزەگىندە حايۋاناتتار باعىنىڭ باسشىلىعى مۇنداعى قاراپايىم ەرەجەلەردى ساقتاۋدى سۇرايدى.
- اينەكتى ۇرۋعا بولمايدى;
- جانۋارلاردى تاماقتاندىرۋعا, ولاردى مازاق ەتىپ, اشۋلاندىرۋعا بولمايدى;
- حايۋاناتتار باعىنداعى ەسكەرتۋ بەلگىلەرىن ەلەپ-ەسكەرۋ قاجەت.
ايتا كەتسەك, 5 ساۋىردە شىمكەنتتە كىشكەنتاي قىز مايمىلدار وتىرعان قورشاۋدىڭ اينەگىن سىندىرىپ العانى حابارلانعان بولاتىن. وقىس وقيعاعا كۋا قىزدىڭ اتا-اناسى حايۋاناتتار باعىنان تەز كەتۋگە اسىققان. حايۋاناتتار باعى باسشىلىعى ەگەر ەرەسەكتەردىڭ وزدەرى مەكەمەگە كەلىپ, كەشىرىم سۇراماسا, وندا قالالىق پوليتسيا دەپارتامەنتىنە ارىزداناتىندارىن مالىمدەدى.
