سونىمەن قاتار ا. ش. نۇرازحان, ا. ق. كوشەنوۆ جانە ا. ت. سادۋاقاسوۆتاردىڭ دا ءىسى سوتقا جەتتى.
«اتالعان قىلمىستىق ءىس بويىنشا نەگىزگى سوت تالقىسى 2023 جىلى 17 ساۋىردە ساعات 10.00-گە تاعايىندالدى», دەلىنگەن استانا قالاسى بايقوڭىر اۋدانىنىڭ №2 سوتىنىڭ حابارلاماسىندا.
سوت وتىرىسى اشىق وتەدى.
2022 جىلى 29 مامىردا ارىستان مۇحامەدي ۇلىنىڭ قاماۋعا الىنعانى بەلگىلى بولدى. وعان قاتىستى حالىقارالىق كورمەلەردى وتكىزۋگە بولىنگەن 140 ملن تەڭگەدەن استام قاراجاتتى جىمقىردى دەگەن كۇدىك بويىنشا قاماۋعا الۋعا سانكتسيا بەرىلدى.
16 شىلدەدە ارىستانبەك مۇحامەدي ۇلىنىڭ ءىسى بويىنشا ۇرلىقتىڭ تاعى ءبىر ەپيزودى انىقتالدى. انتيكور ۇلتتىق مۋزەي ورىندالعان جۇمىستار ءۇشىن مەردىگەر ۇيىمعا 1,3 ملرد تەڭگە اسىرا تولەگەنىن حابارلادى. ال تەكسەرۋ جۇمىستىڭ ناقتى قۇنى 83,4 ملن تەڭگەنى قۇراعانىن ايقىنداعان.
26 تامىزدا ارىستانبەك مۇحامەدي ۇلىنىڭ ءىسى بويىنشا جاڭا مالىمەتتەر پايدا بولدى. سىبايلاس جەمقورلىققا قارسى قىزمەتتە تەرگەۋ «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىن وتكىزۋگە, سونداي-اق «قازاقستاننىڭ ۇلتتىق كيەلى ورىندارى مەن مۇراجاي قورلارىن جالپىمەملەكەتتىك فوتوگراممەتريالىق 3D-سكانەرلەۋ» جانە «قازاقستان رەسپۋبليكاسىنىڭ ۇلتتىق تسيفرلىق كينوكوللەكتسياسىن تسيفرلاندىرۋ» جوبالارىنا بولىنگەن بيۋدجەت قاراجاتىن ۇرلاۋ فاكتىلەرى بويىنشا جۇرگىزىلىپ جاتقاندىعىن ايتتى.
2023 جىلى 17 قاڭتاردا استانانىڭ مامانداندىرىلعان اۋدانارالىق تەرگەۋ سوتى ارىستانبەك مۇحامەدي ۇلىن قاماۋعا الۋ تاعى ءبىر ايعا ۇزارتىلعانىن حابارلاعان.
24 قاڭتاردا ارىستانبەك مۇحامەدي ۇلىنىڭ ءىسى بويىنشا قازاقستان ۇلتتىق مۋزەيى ديرەكتورىنىڭ بۇرىنعى ورىنباسارى ۇستالعانى بەلگىلى بولدى. انتيكوردىڭ مالىمەتىنشە, الماز نۇرازحان مۇحامەدي ۇلىمەن جانە باسقالارمەن ءسوز بايلاسىپ, «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىنىڭ جوباسىن ىسكە اسىرۋ كەزىندە 221 ملن تەڭگە سوماسىندا سەنىپ تاپسىرىلعان بيۋدجەت قاراجاتىن ۇرلاعان.
