قازاقستان رەسپۋبليكاسى ۇكىمەتىنىڭ قاۋلىسى №726

2014 جىلعى 28 ماۋسىم, استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەرىن مەن تولىقتىرۋلار بەكىتىلسىن. 2. وسى قاۋلى 2014 جىلعى 1 ساۋىردەن باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ. قازاقستان رەسپۋبليكاسى ۇكىمەتىنىڭ 2014 جىلعى 28 ماۋسىمداعى №726 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار 1. «جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامداردى وقىتۋدى, ولاردىڭ جۇمىسقا ورنالاسۋىنا جاردەمدەسۋدى جانە ولارعا مەملەكەتتىك قولداۋ شارالارىن كورسەتۋدى ۇيىمداستىرۋ جانە قارجىلاندىرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى № 815 قاۋلىسىندا (قازاقستان رەسپۋبليكاسىنىڭ ءپۇاج-ى, 2011 ج., № 47, 639-قۇجات): كورسەتىلگەن قاۋلىمەن بەكىتىلگەن جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامداردى وقىتۋدى, ولاردىڭ جۇمىسقا ورنالاسۋىنا جاردەمدەسۋدى جانە ولارعا مەملەكەتتىك قولداۋ شارالارىن كورسەتۋدى ۇيىمداستىرۋ جانە قارجىلاندىرۋ قاعيداسىندا: 5-تارماق مىناداي رەداكتسيادا جازىلسىن: «5. جۇمىسپەن قامتۋ ماسەلەلەرى جونىندەگى ۋاكىلەتتى ورگان كاسىپتىك باعدارلاۋدى حالىقتىڭ ءوزىن-ءوزى جۇمىسپەن قامتىعان, جۇمىسسىز جانە تابىسى از توپتارى, ورتا ءبىلىم بەرۋ ۇيىمدارىنىڭ 9, 11-سىنىپتارىنىڭ وقۋشىلارى اراسىندا ءبىلىم بەرۋ سالاسىنداعى ۋاكىلەتتى ورگانمەن كەلىسىم بويىنشا جۇمىسپەن قامتۋ ماسەلەلەرى جونىندەگى ورتالىق ۋاكىلەتتى ورگان ازىرلەگەن ادىستەمەلىك ۇسىنىمدارعا سايكەس جۇزەگە اسىرادى.»; 44-تارماق مىناداي مازمۇنداعى التىنشى بولىكپەن تولىقتىرىلسىن: «باعدارلاماعا قاتىسۋشى مەن حالىقتى جۇمىسپەن قامتۋ ورتالىعى اراسىندا باعدارلاما وپەراتورى بەكىتكەن نىساندار بويىنشا جۇمىسقا ورنالاستىرۋعا جانە كاسىپتىك باعدارلاۋعا جاردەمدەسۋ بويىنشا مەملەكەتتىك قولداۋ كورسەتۋ تۋرالى, مەملەكەتتىك قولداۋ شارالارىن كورسەتۋسىز جۇمىسقا ورنالاستىرۋعا جاردەمدەسۋ تۋرالى الەۋمەتتىك كەلىسىمشارتتار جاسالادى.»; 48-تارماق مىناداي رەداكتسيادا جازىلسىن: «48. جاستار پراكتيكاسىنا جىبەرىلگەن جەكە تۇلعالاردىڭ ەڭبەكاقىسىنىڭ مولشەرى ەكولوگيالىق ۇستەمەاقىلار تولەمدەرىن ەسەپكە الماعاندا, ايىنا 18 اەك (سالىقتاردى, مىندەتتى الەۋمەتتىك اۋدارىمداردى, پايدالانىلماعان ەڭبەك دەمالىسى ءۇشىن وتەماقىلاردى جانە بانك قىزمەتتەرىن ەسكەرە وتىرىپ) قۇرايدى.». 2. «جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامدارعا كاسىپكەرلىكتى دامىتۋدى مەملەكەتتىك قولداۋدى ۇيىمداستىرۋ جانە قارجىلاندىرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى № 816 قاۋلىسىندا (قازاقستان رەسپۋبليكاسىنىڭ ءپۇاج-ى, 2011 ج., № 47, 640-قۇجات): كورسەتىلگەن قاۋلىمەن بەكىتىلگەن جۇمىسپەن قامتۋعا جاردەمدەسۋدىڭ بەلسەندى شارالارىنا قاتىساتىن ادامدارعا كاسىپكەرلىكتى دامىتۋعا مەملەكەتتىك قولداۋدى ۇيىمداستىرۋ جانە قارجىلاندىرۋ قاعيداسىندا: 28-تارماق مىناداي مازمۇنداعى ەكىنشى جانە ءۇشىنشى بولىكتەرمەن تولىقتىرىلسىن: «اقمولا, الماتى, شىعىس قازاقستان, پاۆلودار جانە قىزىلوردا وبلىستارىندا ء(ار وڭىردە ءبىر تىرەك اۋىلدان) پيلوتتى رەجيمدە ازىرلەنگەن تىرەك اۋىلداردى دامىتۋدىڭ ماستەر-جوسپارلارىن قارجىلاندىرۋعا ارنالعان قاراجات جەتكىزىلگەن ليميتتەردىڭ جالپى سوماسىنىڭ 10 پايىزىنان اسپايتىن مولشەردە قوسىمشا جوسپارلانادى. تىرەك اۋىلداردى دامىتۋدى قارجىلاندىرۋ ءۇشىن ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بولىنگەن قاراجاتتى وڭىرلەر اراسىندا ءبولۋ بەكىتىلگەن تىرەك اۋىلداردى دامىتۋدىڭ ماستەر-جوسپارلارىنىڭ نەگىزىندە ءتيىستى رەسپۋبليكالىق بيۋدجەتتىك باعدارلاما اكىمشىسىنىڭ ءوتىنىمى بويىنشا ۆاك شەشىمىنىڭ نەگىزىندە جۇزەگە اسىرىلادى.». 3. «جۇمىسپەن قامتۋ 2020 جول كارتاسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 19 ماۋسىمداعى № 636 قاۋلىسىندا (قازاقستان رەسپۋبليكاسىنىڭ ءپۇاج-ى, 2013 ج., № 39, 567-قۇجات): كورسەتىلگەن قاۋلىمەن بەكىتىلگەن جۇمىسپەن قامتۋ-2020 جول كارتاسىندا: 9-تارماق مىناداي رەداكتسيادا جازىلسىن: «9. باعدارلامانى قارجىلىق قامتاماسىز ەتۋ ءۇشىن باعدارلاما وپەراتورى مەملەكەتتىڭ قارجى-ەكونوميكالىق مۇمكىندىكتەرىن ەسكەرە وتىرىپ, جىل سايىن 1 اقپانعا دەيىن الداعى ءۇش جىلعا ارنالعان قارجىلاندىرۋ ليميتتەرىن ايقىندايدى جانە قاراجاتتى وڭىرلەر بويىنشا ءبولۋ جونىندە ۆاك-قا ۇسىنىستار ەنگىزەدى. قارجىلاندىرۋ ليميتتەرى وڭىرلەر اراسىندا مىناداي تارتىپپەن بولىنەتىن بولادى: 80 % – حالىقتىڭ سانىنا بارابار, بۇل رەتتە استانا جانە الماتى قالالارى حالقىنىڭ سانى ستاتيستيكا جونىندەگى ۋاكىلەتتى ورگاننىڭ دەرەكتەرى بويىنشا ءبولۋ الدىنداعى توقسانداعى جاعداي بويىنشا قازاقستان رەسپۋبليكاسى حالقىنىڭ جالپى سانىندا ەلدىڭ قالا حالقىنىڭ ۇلەسى رەتىندە ەسەپتەلەتىن تۇزەتۋ كوەففيتسيەنتىنە تۇزەلەدى. 20 % – وتكەن جىلعى جۇمىستىڭ ناتيجەلەرىنە بايلانىستى ءبولۋ الدىنداعى توقسانداعى جاعداي بويىنشا. جۇمىس ناتيجەلەرى رەتىندە باعدارلاماعا قاتىسۋشىلاردى جۇمىسقا ورنالاستىرۋ جانە جۇمىسسىز, ءوزىن-ءوزى ناتيجەسىز جۇمىسپەن قامتىعان, تابىسى از حالىقتىڭ سانىن قىسقارتۋ بويىنشا كورسەتكىشتەر ەسكەرىلەدى. بۇل رەتتە, الداعى ءۇش جىلعا جوسپارلانعان قاراجاتتىڭ 20 %-ى شارتتى ەسەپتەۋ سوماسى بولىپ سانالادى, ول وتكەن جىلعى جۇمىستىڭ ءىس جۇزىندەگى ناتيجەلەرى بويىنشا باستالعان قارجى جىلىندا قايتا قارالۋعا جاتادى. استانا جانە الماتى قالالارىن قوسپاعاندا, جەرگىلىكتى اتقارۋشى ورگاندار جەتكىزىلگەن ءليميتتىڭ جالپى سوماسىنىڭ: كەمىندە 10 %-ىن باعدارلاماعا قاتىسۋشىلارعا ميكروكرەديت بەرۋگە; 50 %-ىنان اسىرماي, ينفراقۇرىلىمدىق جوبالاردى ىسكە اسىرۋعا, ونىڭ ىشىندە ينفراقۇرىلىمدىق جوبالاردى ىسكە اسىرۋعا بولىنگەن قاراجاتتىڭ كەمىندە 70 %-ىن اۋىلدىق جەرگە جىبەرەدى. اقمولا, الماتى, شىعىس قازاقستان, پاۆلودار جانە قىزىلوردا وبلىستارىندا ء(ار وڭىردە ءبىر تىرەك اۋىلدان) پيلوتتى رەجيمدە ازىرلەنگەن تىرەك اۋىلداردى دامىتۋدىڭ ماستەر-جوسپارلارى شەڭبەرىندە تىرەك اۋىلداردى دامىتۋدى قارجىلاندىرۋعا ارنالعان قاراجات جەتكىزىلگەن قارجىلاندىرۋ ليميتتەرىنىڭ سوماسىنا كىرمەيتىن بولادى جانە اتالعان قاراجاتتىڭ (جەتكىزىلگەن ليميتتەردىڭ) 10 %-ىنان اسپايتىن مولشەردە قوسىمشا جوسپارلاناتىن بولادى. ينۆەستيتسيالىق جانە ينفراقۇرىلىمدىق جوبالاردى قارجىلاندىرۋ جوبانىڭ جالپى قۇنىنىڭ كەمىندە 10 %-ى جەرگىلىكتى بيۋدجەت ەسەبىنەن قوسا قارجىلاندىرىلعان جاعدايدا جۇزەگە اسىرىلادى. كوپپاتەرلى تۇرعىن ءۇيدى, سونداي-اق جەكە, ەكى ء(ۇش) پاتەرلى تۇرعىن ۇيلەردى سالۋ جانە ساتىپ الۋ كەزىندە جۇمىس بەرۋشى تۇرعىن ءۇيدىڭ جالپى سمەتالىق قۇنىنىڭ كەمىندە 10 %-ى مولشەرىندە قوسا قارجىلاندىرۋدى جۇزەگە اسىرادى. قىزمەتتىك تۇرعىن ۇيلەر مەن جاتاقحانالار سالۋدى جانە (نەمەسە) ساتىپ الۋدى قارجىلاندىرۋ «قولجەتىمدى تۇرعىن ءۇي – 2020» باعدارلاماسىنا سايكەس ايقىندالعان جالعا بەرىلەتىن (كوممۋنالدىق) تۇرعىن ءۇيدىڭ 1 شارشى مەترى قۇنىنىڭ مولشەرىن نەگىزگە الا وتىرىپ, رەسپۋبليكالىق بيۋدجەتتەن جۇزەگە اسىرىلادى. «قولجەتىمدى تۇرعىن ءۇي – 2020» باعدارلاماسىندا ايقىندالعان قۇننان اساتىن شىعىستار جەرگىلىكتى بيۋدجەتتەر قاراجاتى ەسەبىنەن قارجىلاندىرىلادى. جەرگىلىكتى اتقارۋشى ورگاندار بەلگىلەنگەن ليميتتەردى نەگىزگە الا وتىرىپ, باعدارلامانىڭ نەگىزگى پارامەترلەرى بويىنشا كۇتىلەتىن ناتيجەلەردى (نىسانالى ينديكاتورلاردى) كورسەتە وتىرىپ, باعدارلامانىڭ باعىتتارى, بيۋدجەتتىك زاڭنامادا بەلگىلەنگەن نىساندار بويىنشا الداعى قارجى جىلىنا ارنالعان بيۋدجەتتىك ءوتىنىمدى قالىپتاستىرادى جانە ءتيىستى ورتالىق مەملەكەتتىك ورگاندارعا جىل سايىن 15 ساۋىرگە دەيىنگى مەرزىمدە ۇسىنادى. ءتيىستى ورتالىق مەملەكەتتىك ورگاندار باعدارلامانىڭ نەگىزگى پارامەترلەرى بويىنشا كۇتىلەتىن ناتيجەلەردى (نىسانالى ينديكاتورلاردى) كورسەتە وتىرىپ, باعدارلاما وپەراتورىنا بيۋدجەت زاڭناماسىندا بەلگىلەنگەن نىساندار بويىنشا بيۋدجەتتىك وتىنىمدەردى جىل سايىن 1 مامىرعا دەيىنگى مەرزىمگە ۇسىنادى. باعدارلاما وپەراتورى جىل سايىن 15 مامىرعا دەيىنگى مەرزىمدە بيۋدجەتتىك وتىنىمدەردى بيۋدجەتتى جوسپارلاۋ جونىندەگى ورتالىق مەملەكەتتىك ورگانعا ۇسىنادى. وبلىستىق بيۋدجەتتەرگە, تومەن تۇرعان بيۋدجەتتەرگە اعىمداعى نىسانالى ترانسفەرتتەر مەن نىسانالى دامۋ ترانسفەرتتەرىنىڭ سومالارىن ءبولۋدى قوسا العاندا, باعدارلامانىڭ ءىس-شارالارىن ىسكە اسىرۋعا رەسپۋبليكالىق بيۋدجەتتە ءتيىستى كەزەڭگە كوزدەلگەن قاراجاتتى رەسپۋبليكالىق بيۋدجەتتىك باعدارلامالاردىڭ اكىمشىلەرى بويىنشا ءبولۋ قازاقستان رەسپۋبليكاسىنىڭ ۇكىمەتى شەشىمىنىڭ نەگىزىندە جۇزەگە اسىرىلادى. رەسپۋبليكالىق جانە جەرگىلىكتى بيۋدجەتتىك باعدارلامالار اكىمشىلەرى اعىمداعى نىسانالى ترانسفەرتتەر مەن نىسانالى دامۋ ترانسفەرتتەرىن تومەن تۇرعان بيۋدجەتتەرگە اۋدارۋدى بيۋدجەت زاڭناماسىنا سايكەس جۇزەگە اسىرادى. وڭىرلەر بولىنگەن جانە (نەمەسە) بولىنەتىن قاراجاتتان باس تارتقان, سونداي-اق ينۆەستيتسيالىق جانە ينفراقۇرىلىمدىق جوبالارعا ءتيىستى قۇجاتتامانى ۇسىنباعان جاعدايدا, باعدارلاما وپەراتورى رەسپۋبليكالىق بيۋدجەتتىك باعدارلامالار اكىمشىلەرىنىڭ ءتيىستى قۇجاتتاما قوسا بەرىلگەن قوسىمشا وتىنىمدەرىنىڭ نەگىزىندە حالىقتىڭ سانى بويىنشا كريتەريلەردى جانە جۇمىس ناتيجەلەرىن ەسەپكە الماي, ۆاك-تىڭ قاراۋىنا قاراجاتتى قايتا ءبولۋ جونىندە ۇسىنىستار ەنگىزەدى. رەسپۋبليكالىق بيۋدجەتتى ناقتىلاعان كەزدە جوعارىدا كورسەتىلگەن راسىمدەر ساقتالادى, بيۋدجەتتىك وتىنىمدەردى ۇسىنۋ مەرزىمىن باعدارلاما وپەراتورى بەلگىلەيدى. ليميت بويىنشا ۇسىنىلعان قاراجاتتى نىسانالى پايدالانۋدى جانە باعدارلامادا كوزدەلگەن ناتيجەلەرگە (نىسانالى ينديكاتورلارعا) قول جەتكىزۋدى قامتاماسىز ەتۋ ءۇشىن رەسپۋبليكالىق بيۋدجەتتىك باعدارلامالاردىڭ اكىمشىلەرى مەن جەرگىلىكتى اتقارۋشى ورگاندار اراسىندا مىناداي نەگىزگى پارامەترلەر بويىنشا نىسانالى ترانسفەرتتەر جونىندەگى ناتيجەلەر تۋرالى كەلىسىمدەر (بۇدان ءارى – كەلىسىم) جاسالادى: 1) جۇمىسسىزدىق دەڭگەيى; 2) تۇراقتى جۇمىس ورىندارىنا جۇمىسقا ورنالاستىرىلعانداردىڭ قاتىسۋشىلاردىڭ جالپى سانىنداعى ۇلەس سالماعى; 3) ءوزىن-ءوزى جۇمىسپەن قامتىعان حالىقتىڭ جالپى سانىنداعى ناتيجەلى جۇمىسپەن قامتىلعانداردىڭ ۇلەسىن ۇلعايتۋ; 4) ەڭبەككە قابىلەتتى ازاماتتاردىڭ حالىقتىڭ از قامتىلعان قۇرامىنداعى ۇلەسىن قىسقارتۋ; 5) باعدارلاما باعىتتارىنىڭ ارقايسىسىندا مەملەكەتتىك قولداۋ شارالارىمەن قامتىلعان باعدارلاماعا قاتىسۋشىلاردىڭ ۇلەسى; 6) الەۋمەتتىك جۇمىس ورىندارى مەن جاستار پراكتيكاسىنا جۇمىسقا ورنالاستىرىلعان, ونىڭ ىشىندە باعدارلاما شەڭبەرىندە كاسىپتىك وقۋدان وتكەن ادامدار قاتارىنان باعدارلاماعا قاتىسۋشىلاردىڭ ۇلەسى; 7) ينفراقۇرىلىمدىق جوبالار بويىنشا قۇرىلاتىن جۇمىس ورىندارىنىڭ (تۇراقتى جانە ۋاقىتشا) سانى جانە ورتاشا ايلىق جالاقىنىڭ مولشەرى. رەسپۋبليكالىق مەنشىكتەگى وبەكتىلەردى كۇردەلى جانە اعىمداعى جوندەۋ بويىنشا 2013 جىلى باستالعان جوبالار جۇمىستار تولىق اياقتالعانعا دەيىن قارجىلاندىرىلادى.»; 12-تارماقتىڭ ءبىرىنشى بولىگىنىڭ 1) تارماقشاسى مىناداي رەداكتسيادا جازىلسىن: «1) وقۋدى اياقتاعاننان كەيىن ءبىر جىل ىشىندە جالپى ءبىلىم بەرۋ مەكتەپتەرىنىڭ 9, 11-سىنىپتارىن, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى بىلىمنەن كەيىنگى ءبىلىم بەرۋ ۇيىمدارىن بىتىرۋشىلەردى جانە وقۋشىلارىن قوسا العاندا, جيىرما توعىز جاسقا دەيىنگى جاستارعا;»; 48-تارماق مىناداي مازمۇنداعى ەكىنشى جانە ءۇشىنشى بولىكتەرمەن تولىقتىرىلسىن: «اقمولا, الماتى, شىعىس قازاقستان, پاۆلودار جانە قىزىلوردا وبلىستارىندا ء(ار وڭىردە ءبىر تىرەك اۋىلدان) پيلوتتىق رەجيمدە ازىرلەنگەن تىرەك اۋىلداردى دامىتۋدىڭ ماستەر-جوسپارلارىن قارجىلاندىرۋعا ارنالعان قاراجات جەتكىزىلگەن ليميتتەردىڭ جالپى سوماسىنىڭ 10 پايىزىنان اسپايتىن مولشەردە قوسىمشا جوسپارلانادى. تىرەك اۋىلداردى دامىتۋدى قارجىلاندىرۋ ءۇشىن ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بولىنگەن قاراجاتتى وڭىرلەر اراسىندا ءبولۋ تىرەك اۋىلداردى دامىتۋدىڭ بەكىتىلگەن ماستەر-جوسپارلارىنىڭ نەگىزىندە ءتيىستى رەسپۋبليكالىق بيۋدجەتتىك باعدارلاما اكىمشىسىنىڭ ءوتىنىمى بويىنشا ۆاك شەشىمىنىڭ نەگىزىندە جۇزەگە اسىرىلادى.»; 55-تارماق مىناداي رەداكتسيادا جازىلسىن: «55. تىرەك اۋىلدى دامىتۋ جونىندەگى ۇسىنىلاتىن شارالار اقمولا, الماتى, شىعىس قازاقستان, پاۆلودار جانە قىزىلوردا وبلىستارىندا ء(ار وڭىردە ءبىر تىرەك اۋىلدان) پيلوتتىق رەجيمدە سىناقتان وتكىزىلەدى.»; 59-تارماقتىڭ ەكىنشى بولىگى مىناداي رەداكتسيادا جازىلسىن: «جۇمىسپەن قامتۋ ماسەلەلەرى جونىندەگى ۋاكىلەتتى ورگان كاسىپتىك باعدارلاۋدى حالىقتىڭ ءوزىن-ءوزى جۇمىسپەن قامتىعان, جۇمىسسىز جانە تابىسى از توپتارى, ورتا ءبىلىم بەرۋ ۇيىمدارىنىڭ 9, 11-سىنىپتارىنىڭ وقۋشىلارى اراسىندا ءبىلىم بەرۋ سالاسىنداعى ۋاكىلەتتى ورگانمەن كەلىسىم بويىنشا جۇمىسپەن قامتۋ ماسەلەلەرى جونىندەگى ورتالىق ۋاكىلەتتى ورگان ازىرلەگەن ادىستەمەلىك ۇسىنىمدارعا سايكەس جۇزەگە اسىرادى.»; 62, 70-تارماقتار مىناداي رەداكتسيادا جازىلسىن: «62. كاسىپتىك باعدارلاۋ 2014 جىلى پاۆلودار, شىعىس قازاقستان, سولتۇستىك قازاقستان جانە وڭتۇستىك قازاقستان وبلىستارىندا سىناقتان وتكىزىلەدى.»; «70. جاستار پراكتيكاسىنا قاتىسۋشىلاردىڭ جالاقىسىن سۋبسيديالاۋ 6 ايدان اسىرماي جۇزەگە اسىرىلادى. ەكولوگيالىق ۇستەمەاقىلار بويىنشا تولەمدەردى ەسەپكە الماعاندا, سۋبسيديا مولشەرى ايىنا 18 ايلىق ەسەپتىك كورسەتكىشتى (سالىقتاردى, مىندەتتى الەۋمەتتىك اۋدارىمداردى, پايدالانىلماعان ەڭبەك دەمالىسى ءۇشىن وتەماقىلاردى جانە بانك قىزمەتتەرىن ەسكەرە وتىرىپ) قۇرايدى.»; 84-تارماقتىڭ 4) تارماقشاسى مىناداي رەداكتسيادا جازىلسىن: «4) باعدارلاما شەڭبەرىندە كەشەندى دامىتۋ ءۇشىن ايقىندالعان تىرەك اۋىلدىق ەلدى مەكەندەردىڭ تىزبەسىن جانە تىرەك اۋىلداردى دامىتۋدى قارجىلاندىرۋعا ارنالعان قاراجاتتى وڭىرلەر اراسىندا ءبولۋدى قارايدى جانە كەلىسەدى.»; «جۇمىسپەن قامتۋ-2020 جول كارتاسىن ىسكە اسىرۋ جونىندەگى ءىس-شارالار جوسپارى» دەگەن 15-بولىمدە: رەتتىك ءنومىرى 11-جول الىنىپ تاستالسىن. 4. «جۇمىسپەن قامتۋ -2020 جول كارتاسىن ىسكە اسىرۋ ماسەلەلەرى جونىندەگى ۆەدومستۆوارالىق كوميسسيا قۇرۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 22 قازانداعى № 1136 قاۋلىسىندا: كورسەتىلگەن قاۋلىمەن بەكىتىلگەن جۇمىسپەن قامتۋ-2020 جول كارتاسىن ىسكە اسىرۋ ماسەلەلەرى جونىندەگى ۆەدومستۆوارالىق كوميسسيا تۋرالى ەرەجەدە: 5-تارماقتا: 3) جانە 4) تارماقشالار مىناداي رەداكتسيادا جازىلسىن: «3) باعدارلاما شەڭبەرىندە كەشەندى دامىتۋ ءۇشىن ايقىندالعان تىرەك اۋىلدىق ەلدى مەكەندەردىڭ تىزبەسى جانە تىرەك اۋىلداردى دامىتۋدى قارجىلاندىرۋعا ارنالعان قاراجاتتى وڭىرلەر اراسىندا ءبولۋ بويىنشا ۇسىنىستاردى قاراۋ; 4) قارجىلاندىرۋ ليميتتەرىن كەلىسۋ جانە باعدارلاما باعىتتارى جانە وڭىرلەر بويىنشا قاراجات ءبولۋ جونىندە ۇسىنىمدار ازىرلەۋ;»; مىناداي مازمۇنداعى 3-1), 6) تارماقشالارمەن تولىقتىرىلسىن: «3-1) رەسپۋبليكا بويىنشا جانە وڭىرلەر بولىنىسىندە جۇمىس ورىندارىن قۇرۋ جوسپارلارىن قاراۋ;»; «6) باسقا وڭىرلەردىڭ بولىنگەن جانە (نەمەسە) بولىنەتىن قاراجاتتان باس تارتۋى, سونداي-اق ءتيىستى قۇجاتتامانى ۇسىنباۋى ناتيجەسىندە قالىپتاسقان سومالاردى وڭىرلەر اراسىندا قايتا ءبولۋ بويىنشا ۇسىنىمدار ازىرلەۋ بولىپ تابىلادى.».