ۇلتتىق جوبالار اياسىندا – 5 مىڭ, بوس جۇمىس ورىندارىنا – 22 مىڭ, جەكە باستامالار اياسىندا 17 مىڭ ادام ەكى قولعا ءبىر كۇرەك تاپسا, كاسىپكەرلىكتى دامىتۋدىڭ ۇلتتىق جوباسى ارقىلى – 31 مىڭ, ونىڭ ىشىندە سۋبسيديالاناتىن جۇمىس ورىندارىنا 5 مىڭنان اسا ايماق تۇرعىنى ورنالاسا الادى. مۇنىڭ سىرتىندا 1,5 مىڭ ادام قىسقا مەرزىمدى كۋرستاردان ءبىلىم الادى. وندا جۇمىس بەرۋشىلەردىڭ سۇرانىسىمەن 481 ادام بار. ال Skills Enbek پلاتفورماسى ارقىلى مىڭنان اسا ادام جاڭا كاسىپ مەڭگەرمەكشى. بۇگىندە 7 مىڭ ادام جۇمىسپەن قامتۋعا قاتىستى ءتۇرلى شارالارعا جۇمىلدىرىلعان. ونىڭ 6 مىڭعا جۋىعى جۇمىسقا ورنالاسىپتى.
جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسپەكوۆانىڭ ايتۋىنشا, جاستار كاسىپكەرلىگىن دامىتۋ ماقساتىندا جاڭا تەتىك قولدانىلادى. بۇل – جىلدىق پايىزى 2,5% جەڭىلدەتىلگەن نەسيە.
– جاستار كاسىپكەرلىگىن دامىتۋ ءۇشىن بيىل جاڭا تەتىك – جىلدىق 2,5% جەڭىلدىكپەن نەسيەلەۋ ەنگىزىلىپ جاتىر. سونىڭ ىشىندە ايماقتا 324 نەسيەگە بولىنگەن قارجى كولەمى – 1,6 ملرد تەڭگە. ەڭ جوعارى سوما – 5 جىل مەرزىمگە 5 ملن تەڭگە. ال مال شارۋاشىلىعىنداعى جوبالار ءۇشىن 7 جىلعا دەيىنگى مەرزىم قاراستىرىلعان. مۇندا كەپىلگە قويار م ۇلىك – باستى تالاپ. قۇجاتتار مەن بيزنەس-جوسپار اگرارلىق نەسيە كورپوراتسيانىڭ فيليالىنا ۇسىنىلادى. نەسيە بەرۋ تۋرالى شەشىمدى كوميسسيا قابىلدايدى, دەيدى باسقارما باسشىسى.
بۇعان قوسا الەۋمەتتىك وسال توپتاعى تۇرعىنداردىڭ دا كاسىپكەرلىكپەن اينالىسۋىنا قولايلى مۇمكىندىك بار. بۇل – تىڭ جوبالارعا تاپسىرىلاتىن گرانت. مىسالى, بيىل قاراعاندى وبلىسىندا بيزنەس-يدەيالاردى ىسكە اسىرۋعا 190-نان اسا گرانت بەرىلمەكشى. جالپى, سوماسى 263 ملن تەڭگەدەن اسىپ جىعىلادى. قازىرگى كەزدە ولار 49 گرانت الدى.
«كۇمىس جاس» جوباسىنداعى وزگەرىستەرگە بايلانىستى بۇل جوباعا ەندى 50 جاسقا تولعان ازاماتتار دا قاتىسا الادى. بۇرىن باعدارلاما 58 جاستان اسقان ادامداردى عانا قامتىپ كەلگەن ەدى.
وبلىستاعى جۇمىسسىزداردى جەكە كومەكشى جانە الەۋمەتتىك قىزمەتكەر ماماندىقتارىنا وقىتۋ جوسپارلانىپ وتىر. وسىدان كەيىن ولار زەينەتكەرلىككە شىققانعا دەيىن كەمىندە ءبىر جىل, ال زەينەتكەرلىككە دەيىنگى جاستاعى (58 جاستان اسقان) ادامدار تۇراقتى جۇمىس ورنىنا ورنالاسادى.
«جاستار تاجىريبەسى», ء«بىرىنشى جۇمىس ورنى» جانە «ۇرپاقتار كەلىسىمشارتى» جوبالارىندا ەڭبەكاقى مولشەرى 30 اەك-كە دەيىن ۇلعايعانى ءمالىم. بۇل جوباعا قاتىسۋ مەرزىمى – 12 ايعا دەيىن.
– كادر ماسەلەسىن شەشۋ ءۇشىن «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىنىڭ وڭىرارالىق ەڭبەك ۇتقىرلىعى اياسىندا وبلىسقا جۇمىسكەرلەردى تارتۋ بويىنشا جۇمىس جۇرگىزىلىپ جاتىر. بۇگىنگى تاڭدا تۇركىستان وبلىسىمەن بىرلەسىپ, ءوزارا مىندەتتەمەلەر تۋرالى مەموراندۋم جاسالدى. وبلىس جۇمىس بەرۋشىلەرىمەن تۇركىستان وبلىسىندا بوس جۇمىس ورىندارى جارمەڭكەسى وتكىزىلدى, دەيدى باسقارما باسشىسى.
ءوڭىردىڭ وزىندە دە كاسىپورىندارعا حالىقتىڭ قولجەتىمدىلىگىن كوزدەگەن بوس جۇمىس ورنىنىڭ جارمەڭكەسى ۇدايى ۇيىمداستىرىلادى. سونىمەن قاتار جۇمىس ورىندارى مەن جۇمىسپەن قامتۋ باعدارلامالارى تۋرالى تۇرعىندارعا كەڭەس بەرەتىن ءموبيلدى توپتار جۇمىس ىستەيدى.
قاراعاندى وبلىسى
