كەشە تاڭ الدىندا وينالعان بەلگيا جانە اقش جاساقتارى اراسىنداعى ماتچتان كەيىن الەم چەمپيوناتىنىڭ شيرەك فينالىنا شىققان كوماندالاردىڭ اتتارى تۇگەل بەلگىلى بولدى. بۇل سەگىزدىكتى برازيليا, كولۋمبيا, گوللانديا, كوستا-ريكا, فرانتسيا, گەرمانيا, ارگەنتينا جانە بەلگيا قۇرامالارى قۇرادى.
ەندى 1/8 فينالدىڭ بۇرناعى كۇنى تۇندە جانە كەشە تاڭ الدىندا اياقتالعان ەكى كەزدەسۋىنە قىسقاشا شولۋ جاساپ وتەيىك. بۇدان بۇرىن ءمالىم ەتكەنىمىزدەي, بۇلاردىڭ الدىڭعىسىندا ارگەنتينا مەن شۆەيتساريا اراسىنداعى ويىننىڭ نەگىزگى ۋاقىتى 0:0 ەسەبىمەن تەڭ اياقتالدى. ال وۆەرتايمدا ارگەنتينالىقتار 1:0 ەسەبىمەن جەڭىسكە جەتتى.
قارسىلاستار كەزدەسۋدىڭ العاشقى 15 مينۋتىنا دەيىن ءبىر-بىرلەرىنىڭ قاقپالارىنا پالەندەي قاۋىپ توندىرە المادى. دەگەنمەن, بۇل ارالىقتا ارگەنتينالىقتاردىڭ ازداعان ارتىقشىلىعى بايقالعانى راس. ولار دوپقا دا كوبىرەك يەلىك ەتتى, شابۋىلدى دا ارتىعىراق جاسادى. بىراق شۆەيتساريا فۋتبولشىلارىنىڭ سيرەك جاساعان قارسى شابۋىلدارى قاۋىپتىرەك كورىندى. تايمنىڭ سوڭىندا ولار ەكى رەت گول سوعۋ ساتىندە تۇردى. العاشىندا 39-مينۋتتا ولار قاۋىرت جورىققا شىقتى. وڭ قاپتالدان يوسيپ درميچكە پاس تاستالدى. قاقپاشى سەرحيو رومەرو ونى قاعىپ الۋعا ۇمتىلدى. بىراق ءمۇلت كەتتى. ونى ءىلىپ اكەتكەن يوسيپ ايىپ الاڭىنا كىرىپ, رومەرودان اسىرىپ اتتى. الايدا, وتە باياۋ ۇشقان دوپتى قاقپاشى وڭاي قاعىپ الدى. 45-مينۋتتا جەردان شاكيري ۇزاق ارباسىپ بارىپ, قاقپاعا قاراي دوپ اۋەلەتتى. ونى گولكيپەر سىرتقا شىعارىپ جىبەردى.
ەكىنشى تايم دا العاشقىسىنىڭ كوشىرمەسىندەي بولىپ شىقتى. مۇندا ارگەنتينا شابۋىلداۋمەن, ال شۆەيتساريا قارسى شابۋىلعا شىعۋمەن بولدى. ەكى جاقتىڭ دا گول سوعاتىن ساتتەرى از بولعان جوق. ايتكەنمەن, ولاردان ناتيجە شىعا قويمادى. ءسويتىپ, نەگىزگى ۋاقىت تا ءبىتتى. ال قوسىمشا تايم بىتۋگە 2 مينۋت قالعان شامادا ارگەنتينالىق انحەل دي ماريا گول سوعىپ, ءوز كومانداسىنا جەڭىس سىيلادى.
بۇدان كەيىن بەلگيا مەن اقش كوماندالارى ۇشىراستى. مۇندا دا نەگىزگى ۋاقىت 0:0 ەسەبىمەن اياقتالدى. سوسىن جەڭىمپازدى قوسىمشا تايمداردا انىقتاۋعا تۋرا كەلدى. ال وۆەرتايمدا بەلگيالىقتار 2:1 ەسەبىمەن جەڭىسكە جەتتى. ماتچ باستان-اياق كەسكىلەسكەن تىرەس ۇستىندە ءوتتى. ونىڭ ونە بويىندا بەلگيالىقتار ايتارلىقتاي باسىمدىق تانىتتى. بۇل كوپتەگەن مۇمكىندىكتەردىڭ ءجۇزەگە اسىرىلماعان ماتچى بولدى. ولاردىڭ دەنىن ەۋروپالىقتار جاسادى.
قوسىمشا تايم الدىڭعى كەزەڭدەردەگى قارقىننىڭ باسىلماعانىن كورسەتتى. تاعى دا قۇيىنداي قۇيعىتقان شابۋىلدارعا كەزەك كەلدى. سولاردىڭ ءبىرى 93-مينۋتتا جاسالدى. الدىمەن رومەلۋ لۋكاكۋ وڭ قاپتالدا دوپقا تالاستى جەڭىپ شىقتى. ول سوسىن قاقپا الاڭىنا قاراي زۋىلدادى. بىراق ونىڭ سوققىسى ءدال بولمادى. قاقپاشىدان قايتقان دوپ كەۆين دە بريۋينەنىڭ وڭ جامباسىنا كەلە قالدى. ونىڭ جەرلەتىپ ۇرعان دوبى باعاننىڭ ءدال جانىنان ءوتىپ, تورعا توپ ەتە ءتۇستى. گول! كەزدەسۋدىڭ سوڭى بەلگيا قۇراماسىنىڭ باسىمدىعىن تاعى ءبىر گولعا اينالدىرىپ شىعا كەلدى. ونى لۋكاكۋ ءتۇسىردى. بۇدان ءارى ادام تۇسىنبەستەي جاعداي بولىپ كەتتى. الاڭعا ەندى عانا شىققان امەريكالىق دجۋليان گرين 107-مينۋتتا الدىنا كەلگەن دوپتى توقتاتپاستان ۇرىپ, قاقپاعا كۇمپ ەتكىزدى – 1:2.
چەمپيوناتتاعى شيرەك فينالدىق ويىندار 4-5 شىلدە كۇندەرى وينالادى. ولاردا فرانتسيا – گەرمانيا, برازيليا – كولۋمبيا, ارگەنتينا – بەلگيا جانە گوللانديا – كوستا-ريكا ءوزارا كەزدەسىپ, جارتىلاي فينالعا شىعاتىن كوماندالاردى انىقتايدى.
رۋسلان يگىلىك.
ەندى 1/8 فينالدىڭ بۇرناعى كۇنى تۇندە جانە كەشە تاڭ الدىندا اياقتالعان ەكى كەزدەسۋىنە قىسقاشا شولۋ جاساپ وتەيىك. بۇدان بۇرىن ءمالىم ەتكەنىمىزدەي, بۇلاردىڭ الدىڭعىسىندا ارگەنتينا مەن شۆەيتساريا اراسىنداعى ويىننىڭ نەگىزگى ۋاقىتى 0:0 ەسەبىمەن تەڭ اياقتالدى. ال وۆەرتايمدا ارگەنتينالىقتار 1:0 ەسەبىمەن جەڭىسكە جەتتى.
قارسىلاستار كەزدەسۋدىڭ العاشقى 15 مينۋتىنا دەيىن ءبىر-بىرلەرىنىڭ قاقپالارىنا پالەندەي قاۋىپ توندىرە المادى. دەگەنمەن, بۇل ارالىقتا ارگەنتينالىقتاردىڭ ازداعان ارتىقشىلىعى بايقالعانى راس. ولار دوپقا دا كوبىرەك يەلىك ەتتى, شابۋىلدى دا ارتىعىراق جاسادى. بىراق شۆەيتساريا فۋتبولشىلارىنىڭ سيرەك جاساعان قارسى شابۋىلدارى قاۋىپتىرەك كورىندى. تايمنىڭ سوڭىندا ولار ەكى رەت گول سوعۋ ساتىندە تۇردى. العاشىندا 39-مينۋتتا ولار قاۋىرت جورىققا شىقتى. وڭ قاپتالدان يوسيپ درميچكە پاس تاستالدى. قاقپاشى سەرحيو رومەرو ونى قاعىپ الۋعا ۇمتىلدى. بىراق ءمۇلت كەتتى. ونى ءىلىپ اكەتكەن يوسيپ ايىپ الاڭىنا كىرىپ, رومەرودان اسىرىپ اتتى. الايدا, وتە باياۋ ۇشقان دوپتى قاقپاشى وڭاي قاعىپ الدى. 45-مينۋتتا جەردان شاكيري ۇزاق ارباسىپ بارىپ, قاقپاعا قاراي دوپ اۋەلەتتى. ونى گولكيپەر سىرتقا شىعارىپ جىبەردى.
ەكىنشى تايم دا العاشقىسىنىڭ كوشىرمەسىندەي بولىپ شىقتى. مۇندا ارگەنتينا شابۋىلداۋمەن, ال شۆەيتساريا قارسى شابۋىلعا شىعۋمەن بولدى. ەكى جاقتىڭ دا گول سوعاتىن ساتتەرى از بولعان جوق. ايتكەنمەن, ولاردان ناتيجە شىعا قويمادى. ءسويتىپ, نەگىزگى ۋاقىت تا ءبىتتى. ال قوسىمشا تايم بىتۋگە 2 مينۋت قالعان شامادا ارگەنتينالىق انحەل دي ماريا گول سوعىپ, ءوز كومانداسىنا جەڭىس سىيلادى.
بۇدان كەيىن بەلگيا مەن اقش كوماندالارى ۇشىراستى. مۇندا دا نەگىزگى ۋاقىت 0:0 ەسەبىمەن اياقتالدى. سوسىن جەڭىمپازدى قوسىمشا تايمداردا انىقتاۋعا تۋرا كەلدى. ال وۆەرتايمدا بەلگيالىقتار 2:1 ەسەبىمەن جەڭىسكە جەتتى. ماتچ باستان-اياق كەسكىلەسكەن تىرەس ۇستىندە ءوتتى. ونىڭ ونە بويىندا بەلگيالىقتار ايتارلىقتاي باسىمدىق تانىتتى. بۇل كوپتەگەن مۇمكىندىكتەردىڭ ءجۇزەگە اسىرىلماعان ماتچى بولدى. ولاردىڭ دەنىن ەۋروپالىقتار جاسادى.
قوسىمشا تايم الدىڭعى كەزەڭدەردەگى قارقىننىڭ باسىلماعانىن كورسەتتى. تاعى دا قۇيىنداي قۇيعىتقان شابۋىلدارعا كەزەك كەلدى. سولاردىڭ ءبىرى 93-مينۋتتا جاسالدى. الدىمەن رومەلۋ لۋكاكۋ وڭ قاپتالدا دوپقا تالاستى جەڭىپ شىقتى. ول سوسىن قاقپا الاڭىنا قاراي زۋىلدادى. بىراق ونىڭ سوققىسى ءدال بولمادى. قاقپاشىدان قايتقان دوپ كەۆين دە بريۋينەنىڭ وڭ جامباسىنا كەلە قالدى. ونىڭ جەرلەتىپ ۇرعان دوبى باعاننىڭ ءدال جانىنان ءوتىپ, تورعا توپ ەتە ءتۇستى. گول! كەزدەسۋدىڭ سوڭى بەلگيا قۇراماسىنىڭ باسىمدىعىن تاعى ءبىر گولعا اينالدىرىپ شىعا كەلدى. ونى لۋكاكۋ ءتۇسىردى. بۇدان ءارى ادام تۇسىنبەستەي جاعداي بولىپ كەتتى. الاڭعا ەندى عانا شىققان امەريكالىق دجۋليان گرين 107-مينۋتتا الدىنا كەلگەن دوپتى توقتاتپاستان ۇرىپ, قاقپاعا كۇمپ ەتكىزدى – 1:2.
چەمپيوناتتاعى شيرەك فينالدىق ويىندار 4-5 شىلدە كۇندەرى وينالادى. ولاردا فرانتسيا – گەرمانيا, برازيليا – كولۋمبيا, ارگەنتينا – بەلگيا جانە گوللانديا – كوستا-ريكا ءوزارا كەزدەسىپ, جارتىلاي فينالعا شىعاتىن كوماندالاردى انىقتايدى.
رۋسلان يگىلىك.
