مامانداردىڭ بولجامى بويىنشا شەگىرتكە 1,6 ملن گا اۋماققا تارالۋى مۇمكىن. بۇگىنگى تاڭدا 385,3 مىڭ گا الاڭدا پەستيتسيدتەردىڭ قاجەتتى قورى قالىپتاستىرىلدى.
اكىمدىكتەرمەن بىرلەسىپ وڭىرلەردە جەدەل شتابتار قۇرىلىپ, مونيتورينگ جانە حيميالىق وڭدەۋ جونىندەگى جۇمىس جوسپارى بەكىتىلدى.
اۋماقتاردى وڭدەۋگە مامانداندىرىلعان تەحنيكا, ونىڭ ىشىندە جەر ءۇستى جانە اۋە كولىگى جۇمىلدىرىلادى.
بۇگىنگى تاڭدا تۇركىستان وبلىسىندا ماروككالىق شەگىرتكە دەرناسىلدەرىنىڭ پايدا بولعانى انىقتالدى. ايماققا پەستيتسيدتەر تولىعىمەن جەتكىزىلدى. 8-9 ساۋىردە وڭدەۋ ءىس-شارالارىن باستاۋ جوسپارلانىپ وتىر.
باسقا ايماقتاردا جەردى حيميالىق وڭدەۋ جۇمىستارى شەگىرتكەلەردىڭ تارالۋ وشاقتارى انىقتالعان كەزدە باستالادى. كورشىلەس مەملەكەتتەرمەن شەكارالاس اۋماقتاردا بىرلەسكەن زەرتتەۋلەر جۇرگىزىلەدى. بۇل تۋرالى اشم ماماندارى رەسەي, قىتاي جانە وزبەكستان مەملەكەتتەرىندەگى ارىپتەستەرىمەن الدىن الا كەلىستى.
