1981 جىلى سەمەي قالاسىندا تۋعان.
مارشاللتاۋن كوللەدجىن (اقش), ل.ن.گۋميلەۆ ەۋرازيا ۇلتتىق ۋنيۆەرسيتەتىن, La Sapienza (يتاليا) ۋنيۆەرسيتەتىن ءبىتىردى. اقش, سينگاپۋر, بەلگيا, جاپونيا, گوللانديادا تاعىلىمدامادان جانە بىلىكتىلىكتى ارتتىرۋ كۋرستارىنان ءوتتى.
2002-2004 جىلدارى قازاقستاننىڭ جاستار ساياساتىن ىسكە اسىرۋعا قاتىستى.
2006-2009 جىلدارى «قازىنا» تۇراقتى دامۋ قورى» اق ينۆەستيتسيالىق جوبالار سالاسىندا جۇمىس ىستەدى, قر پرەزيدەنتى اكىمشىلىگىنىڭ كادر ساياساتى سەكتورىنىڭ مەڭگەرۋشىسى, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ حالىقارالىق ىنتىماقتاستىق جانە عىلىم جونىندەگى ۆيتسە-رەكتورى, «سامۇرىق-قازىنا» ۇلتتىق ءال-اۋقات قورى» اق دەپارتامەنت ديرەكتورى, كادر ساياساتى جانە باسقارۋ جونىندەگى اتقارۋشى ديرەكتور بولىپ قىزمەت اتقاردى.
2009 جىلى – قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك ساياساتتىڭ ۇلتتىق مەكتەبىنىڭ ديرەكتورى.
2010-2013 جىلدارى – قر ءبىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» اق پرەزيدەنتى.
2013-2015 جىلدارى – «نۇر وتان» پارتياسىنىڭ قوعامدىق ساياسات ينستيتۋتىنىڭ ديرەكتورى.
2015-2016 جىلدارى الماتى قالاسى اكىمدىگى ىشكى ساياسات باسقارماسى باسشىسىنىڭ مىندەتىن اتقارۋشى.
2016 جىل – «استانا» حالىقارالىق قارجى ورتالىعىنىڭ باسقارۋشى ديرەكتورى, باسقارما مۇشەسى.
2019-2022 جىلدارى – BTS Education كومپانياسىنىڭ باسشىسى, قازاقستاننىڭ جاڭا ماماندىقتار اتلاسى جوباسىنىڭ جەتەكشىسى, National Geographic Kazakhstan ىزگى ەلشىcى, ۇلتتىق قوعامدىق سەنىم كەڭەسىنىڭ مۇشەسى.
2022 جىلدىڭ اقپان ايىنان باستاپ – قر پارلامەنتى ءماجىلىسىنىڭ دەپۋتاتى.
پرەزيدەنت ق.توقاەۆتىڭ 2022 جىلعى 11 ماۋسىمداعى جارلىعىمەن قر عىلىم جانە جوعارى ءبىلىم ءمينيسترى بولىپ تاعايىندالدى.
