1923 جىلى شۋ وڭىرىندە دۇنيەگە كەلگەن كۇيشىنىڭ 100 جىلدىعىنا وراي «كەڭ جايلاۋ» اتتى كۇيلەر جيناعىنىڭ تۇساۋى كەسىلدى. اتالعان كىتاپتا كۇيشىنىڭ وتىز ەكى كۇيى نوتاعا ءتۇسىرىلىپ, ءار كۇيدىڭ شىعۋ تاريحى جازىلعان. سونىمەن قاتار ورىنداۋ ەرەكشەلىگىن باستى نازارعا الا وتىرىپ, كۇيلەردى QR كود ارقىلى تىڭداۋعا مۇمكىندىك بار. بۇل كىتاپقا اۆتور «جەكەمە, باتىر, جەكەمە», «ۇكىلىمايدىڭ اناسىن اڭساۋى», «نەمەرە جۇبانىشى», «ىقىلاس تۋرالى تولعاۋ», «ەشكىلى تاۋدىڭ ەتەگى» سىندى كۇيلەردى تۇسىرگەن.
«وڭتۇستىك قازاقستان, قاراتاۋ كۇيشىلىك مەكتەبىنە ۇلەس قوسقان كۇيشى. وسى رەتتە, قازاق ونەرىنە ولشەۋسىز ۇلەس قوسقان تۇلعالارىمىزدى ارداقتاۋ – ءبىزدىڭ باستى مىندەتىمىز. ورىنداعان كۇيلەرى جاس ۇرپاقتىڭ جادىندا ماڭگىلىك ساقتالىپ قالۋىنا ۇلەس قوسۋىمىز كەرەك», دەيدى مادەنيەت قايراتكەرى, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ وقىتۋشىسى, دوتسەنت مۇرات ابۋعازى.
