يگى جوبالار ەل يگىلىگىنە ۇسىنىلدى

استانا. 2 شىلدە. مەملەكەت باسشىسىنىڭ قاتىسۋىمەن وتكەن تەلەكوپىر بارىسىندا ەلىمىز بويىنشا بىرقاتار جوبالار ىسكە قوسىلدى. بۇل تۋرالى egemen.kz ءتىلشىسى حابارلادى. پرەزيدەنت رۇقسات بەرىسىمەن ىسكە كىرىسكەن بۇل ءوندىرىس ورىندارى مەن قۇرىلىس جۇمىستارى ەل ەكونوميكاسىن دامىتۋعا سۇبەلى ۇلەس قوسادى دەپ كۇتىلۋدە. سونىمەن, مەملەكەت باسشىسى ونلاين رەجىمدە ىسكە قوسقان جوبالاردى اتاپ وتەيىك. بىرىنشىدەن, پرەزيدەنت «قورعاس -شىعىس قاقپاسى» ارنايى ەكونوميكالىق ايماقتىق قۇرعاق پورتىن جانە سەمەيدەگى «سولتۇستىك-شىعىس-وڭتۇستىك» ەلەكتر قۋاتىن بەرۋ جەلىلەرىن  سالۋعا «ونلاين» رەجىمىندە رۇقسات بەردى. بۇدان بولەك, تەلەكوپىر بارىسىندا مىنا تومەندەگى جاڭا نىساندار پايدالانۋعا بەرىلدى. بۇرعىلاۋ قاشاۋلارى (PDC-قاشاۋلارى) زاۋىتى (اتىراۋ وبلىسى), حيميالىق رەاگەنتتەر زاۋىتى (جامبىل وبلىسى), شار كراندارىن جانە جاپقىش ارماتۋرانى دايىندايتىن زاۋىت (قاراعاندى وبلىسى), تسەمەنت زاۋىتى (ماڭعىستاۋوبلىسى), ەنەرگەتيكالىق قازاندىق جابدىعىن شىعاراتىن «پەتروپاۆل اۋىر ماشينا جاساۋ زاۋىتى» اكتسيونەرلىك قوعامى (سولتۇستىك قازاقستان وبلىسى), قوستاناي قالاسى ءۇي قۇرىلىسى كومبيناتى, شارپروكات ورناعى زاۋىتى (پاۆلودار وبلىسى), قوسپاجەم زاۋىتى (كوكشەتاۋ قالاسى). تاعى ءبىر توقتالا كەتەر ءجايت, 2014 جىلدىڭ ءبىرىنشى جارتىجىلدىعىندا يندۋستريالاندىرۋ كارتاسى شەبەرىندە 21 جوبا پايدالانۋعا بەرىلدى. سونىڭ ناتيجەسىندە 2 مىڭعا جۋىق تۇراقتى جۇمىس ورىندارى قۇرىلدى. ال ەكىنشى جارتىجىلدىقتا شامامەن 100 جوبا پايدالانۋعا بەرىلىپ, جاڭادان 8 مىڭ تۇراقتى جۇمىس ورنى اشىلادى دەپ كۇتىلۋدە. جولدىباي بازار. دەرەككوز: egemen.kz. فوتو: thenews.kz.