كوللاجدى جاساعان قونىسباي شەجىمباي, «EQ»
ەلدەگى تسيفرلىق ترانسفورماتسيا شەڭبەرىندە قورعانىس مينيسترلىگى قىزمەتتىڭ بارلىق باعىتى بويىنشا قاجەتتى جۇمىستى ۇيىمداستىرۋدا. سوڭعى 2-3 جىل ىشىندە جەرگىلىكتى اسكەري باسقارۋ ورگاندارىن تسيفرلاندىرۋ ءىس-شارالارى جۇزەگە اسىرىلىپ كەلەدى. اسكەري كوميسسارياتتاردى تسيفرلاندىرۋدىڭ نەگىزىنە تسيفرلىق فورماتقا كوشىرۋگە, اسكەري كوميسسارياتتار جۇيەسىنىڭ جۇمىس ىستەۋىنە وڭ ىقپال ەتەتىن ءىس-شارالار بار. ول قىزمەتتىڭ بارلىق باعىتى بويىنشا, ونىڭ ىشىندە مەملەكەتتىك قىزمەتتەر كورسەتۋ كەزىندە دە بيزنەس-ۇدەرىستەردى وڭتايلاندىرۋدى قامتيدى. جەرگىلىكتى اسكەري باسقارۋ ورگاندارىن تسيفرلىق ترانسفورماتسيالاۋدىڭ ماقساتى – قىزمەتتىڭ تيىمدىلىگىن ارتتىرۋ, جۇمىلدىرۋ رەسۋرستارىن ەسەپكە الۋ ساپاسىن جاقسارتۋ, ولاردى تسيفرلاندىرۋ جانە اۆتوماتتاندىرۋ ارقىلى قىزمەتتىڭ بارلىق باعىتتارى بويىنشا ۇدەرىستەردى وڭتايلاندىرۋ.
قورعانىس مينيسترلىگى اتقارعان جۇمىستىڭ ناتيجەسى باستاپقى كوزدەردەن, ياعني مەملەكەتتىك ورگانداردان قىزمەت باعىتتارى بويىنشا مالىمەتتەر الۋ ەسەبىنەن ادام جانە كولىك رەسۋرستارىن اسكەري ەسەپكە قويۋدى تولىق اۆتوماتتاندىرۋ بولىپ وتىر. سونىمەن قاتار قورعانىس مينيسترلىگى ەلىمىزدىڭ ازاماتتارىنا قاتىستى جان-جاقتى تسيفرلاندىرۋدى دا قاراستىرادى. قازىرگى ۋاقىتتا ءومىرىمىزدى ۇيالى تەلەفون, پلانشەت نەمەسە كومپيۋتەر سياقتى ءارتۇرلى قۇرىلعىسىز ەلەستەتۋ مۇمكىن ەمەس. سول سەبەپتى زامان تالابىنا سايكەس كەلەتىن اقپاراتتى جاڭا نىساندا ۇسىنۋ قاجەتتىگى تۋىندادى. وتكەن جىلدىڭ سوڭىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ەلدە QR ارقىلى اقپاراتتىق جۇيەلەرگە قول جەتكىزۋ تەتىگىن ەنگىزۋ تۋرالى حابارلاعان بولاتىن. قورعانىس مينيسترلىگى دە تسيفرلاندىرۋدان تىس قالمايدى.
قورعانىس مينيسترلىگى كليەنتكە باعدارلانعان ءتاسىل ساياساتىن ەسكەرە وتىرىپ, ەل ازاماتتارىنىڭ قاتىسۋى مەن قامتىلۋىن ارتتىرۋ, حالىقتى اقپاراتتاندىرۋ ماقساتىندا QR كومەگىمەن حالىقتى اقپاراتتاندىرۋعا بولاتىن وزىندىك اقپاراتتىق پانەل ازىرلەدى. اتالعان QR-كودىن تۇجىرىمدامالىق تۇرعىدان جاڭا دەپ اتاۋعا بولمايدى. QR-كود – بۇل شىندىق پەن ۆيرتۋالدى الەم اراسىنداعى بايلانىس ءتۇرى. وسىعان سايكەس QR-كودتار اشقان مۇمكىندىكتەر بۇرىنعىعا قاراعاندا الدەقايدا كەڭەيدى. كەز كەلگەن زاماناۋي تەلەفون نەمەسە پلانشەت QR-كودتان اقپاراتتى بىرنەشە سەكۋند ىشىندە ەش قيىندىقسىز وقي الادى.
قورعانىس ۆەدومستۆوسى ازىرلەگەن اقپاراتتىق پانەلدىڭ ارقاسىندا ازاماتتار قارۋلى كۇشتەردىڭ قۇرىلىمى تۋرالى بىلۋگە مۇمكىندىك الادى. مۇندا شەكارا قىزمەتى, مەملەكەتتىك كۇزەت قىزمەتى, ۇلتتىق ۇلان, توتەنشە جاعدايلار مينيسترلىگى سياقتى باسقا اسكەرلەر مەن اسكەري قۇرالىمدار تۋرالى دا جان-جاقتى اقپارات ورنالاستىرىلعان. ازاماتتار اقپاراتتى تەلەفوندى نەمەسە كومپيۋتەر-پلانشەتتى QR-كودقا اپارۋ ارقىلى الا الادى. سونداي-اق, قالاساڭىز, مەملەكەتتىك ورگاننىڭ ەمبلەماسىنىڭ استىندا ورنالاسقان QR-كودتى كورسەتە وتىرىپ, ورتالىق مەملەكەتتىك ورگانداردىڭ باسشىلىعىنا تىكەلەي جۇگىنۋگە دە بولادى. سونىمەن قاتار بۇل پانەلدە جەرگىلىكتى اسكەري باسقارۋ ورگاندارىنىڭ بايلانىس تەلەفوندارى ورنالاستىرىلعان. ازاماتتار كەز كەلگەن ۋاقىتتا اسكەري كوميسسارياتتاردىڭ بايلانىس نومىرلەرىن تابا الادى. سونداي-اق تەلەفوندار مەن مەكەنجايلاردى Instagram اككاۋنتىنان دا تابۋعا بولادى. اقپاراتتىق پانەلدە جەرگىلىكتى اسكەري باسقارۋ ورگاندارى كورسەتەتىن بىرقاتار مەملەكەتتىك قىزمەتتەر دە ورنالاستىرىلعان. ياعني ازاماتتار وسى نەمەسە باسقا مەملەكەتتىك قىزمەتتەردى العىسى كەلسە, مەملەكەتتىك قىزمەتتىڭ جانىندا ورنالاسقان QR-كودتى كورسەتە الادى جانە ولار تاپسىرۋعا ءتيىستى قۇجاتتاردىڭ ناقتى تىزبەسى كورسەتىلگەن EGOV پاراقشاسىنا كىرە الادى. ءارى Egov-پورتالدىڭ وسى بەتىندە ۇسىنىلعان بەينەپرەزەنتاتسيامەن دە تانىسۋعا بولادى. سونداي-اق باقىلاۋ تاقتاسىندا ءبىز مەرزىمدى اسكەري قىزمەتكە شاقىرۋ, كەلىسىمشارت بويىنشا اسكەري قىزمەتكە قابىلداۋ تۋرالى اقپاراتتار دا ورنالاستىرىلعان.
قورعانىس مينيسترلىگى اقپاراتتىق پانەلدەردى جەرگىلىكتى اسكەري باسقارۋ ورگاندارىنان بولەك, حالىققا قىزمەت كورسەتۋ ورتالىقتارىندا, جەرگىلىكتى اتقارۋشى ورگانداردا, اۆتوبۋستاردا جانە باسقا جەرلەردە ورنالاستىرۋدى جوسپارلاپ وتىر. وسىنداي ماسەلەلەردىڭ ءبىرى رەتىندە اسكەري مىندەتتىلەر مەن اسكەرگە شاقىرىلۋشىلاردى اۆتوماتتى فورماتتا اسكەري ەسەپكە قويۋدى جانە شىعارۋدى اۋىستىرۋ دەپ اتاۋعا بولادى. ياعني كوشۋ كەزىندە, ازامات مەملەكەت ىشىندە قونىس اۋدارعان كەزدە, تىركەلگەن جەرگىلىكتى اسكەري باسقارۋ ورگانى اۆتوماتتى تۇردە اسكەري ەسەپكە اۋىستىرادى. تەحنيكالىق تۇرعىدان العاندا بۇل ءىس-شارا بۇگىندە ىسكە اسىرىلىپ جاتىر. قازىرگى ۋاقىتتا سايكەستەندىرۋ ءۇشىن نورماتيۆتىك-قۇقىقتىق اكتىگە وزگەرىس ەنگىزۋ بويىنشا ءتيىستى جۇمىستار جۇرگىزىلىپ جاتىر.
«ارينە, ەلدىڭ تسيفرلىق ترانسفورماتسياسى شەڭبەرىندە قورعانىس مينيسترلىگى قىزمەتتىڭ بارلىق باعىتى بويىنشا قاجەتتى جۇمىستاردى ۇيىمداستىرادى. سوڭعى 2-3 جىل ىشىندە جەرگىلىكتى اسكەري باسقارۋ ورگاندارىن تسيفرلاندىرۋ ءىس-شارالارى جۇزەگە اسىرىلىپ وتىر. اسكەري كوميسسارياتتاردى تسيفرلاندىرۋ, ياعني قىزمەتتىڭ بارلىق باعىتى بويىنشا بيزنەس-ۇدەرىستەردى, ونىڭ ىشىندە كورسەتىلەتىن مەملەكەتتىك قىزمەتتەردى ىنتالاندىرۋدى قامتيتىن جەرگىلىكتى اسكەري باسقارۋ ورگاندارى جۇيەسىنىڭ جۇمىس ىستەۋىن تسيفرلى فورماتقا اۋىستىرۋعا ىقپال ەتەتىن ءىس-شارالارعا نەگىزدەلگەن. جالپى, تسيفرلىق ترانسفورماتسيالار شەڭبەرىندە العا قويعان جوسپارلارىمىزدى ايتا كەتەتىن بولساق, اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە اۆتوماتتى تۇردە قويۋ. بۇل ماسەلە بىزدە, تەحنيكالىق تۇرعىدا جۇزەگە اسىرىلعان. قازىرگى تاڭدا مينيسترلىك تاراپىنان قولدانىستاعى زاڭناما تالاتارىنا سايكەس كەلتىرۋ جۇمىستارى ءجۇرىپ جاتىر. كەلەسى ءبىر جاڭالىقتاردىڭ ءبىرى – اسكەري بيلەتتەردىڭ اسكەري قىزمەت وتكەرمەگەن ازاماتتارعا بەرىلمەۋ ماسەلەسى. ونى بارىنەن بۇرىن اسكەري قىزمەتتىڭ بەدەلىن كوتەرۋ دەپ سانايمىز», دەيدى قورعانىس مينيسترلىگى ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى رۋسلان وماروۆ.
