سپورتتى دامىتۋ ديرەكتسياسىنىڭ مالىمەتى بويىنشا دامير تەمىرحانوۆ جاتتىقتىراتىن قازاقستان ەرلەر قۇراماسى ازيا چەمپيوناتىنىڭ العاشقى تۋرىندا فيليپپيننەن باسىم تۇسسە (19:6), كەيىنگى ماتچتا گونكونگ قۇراماسىن ويسىراتا جەڭدى – 22:7. ال فينالعا جولداما بەرەتىن ماتچتا يرانمەن كەزدەسىپ, پەنالتي سەرياسىندا قارسىلاستارىنا ەسە جىبەردى. قورىتىندى ەسەپ – 14:15. دەگەنمەن قولا جۇلدە ءۇشىن وتكەن باسەكەدە جەرلەستەرىمىز تايلاند ۆاتەرپولشىلارىن 18:7 ەسەبىمەن جەڭىپ, ازيا بىرىنشىلىگىنىڭ قولا جۇلدەسىمەن بىرگە الەم كۋبوگى كەزەڭىنىڭ جولداماسىن جەڭىپ الدى.
ال قىزدار اراسىنداعى جارىستا اسەل جاقاەۆا باپتايتىن قازاقستان ايەلدەر قۇراماسى چەمپيون اتانعان بولاتىن. ولار بارلىق ماتچتا قارسىلاستارىنان باسىم ءتۇستى. وسىلايشا, سۋ دوبىنان قازاقستاننىڭ ەرلەر مەن ايەلدەر قۇراماسى مامىر ايىندا گەرمانيانىڭ باس شاھارى – بەرليندە جالاۋى جەلبىرەيتىن Əلەم كۋبوگىنە قاتىساتىن بولدى.
