2022 جىلدىڭ ەكىنشى كەزەڭىندە دەپوزيت مولشەرى 16,4 ترلن تەڭگە بولعان. ياعني بيىل جيناق سوماسى 18 پايىزعا نەمەسە 3 ترلن تەڭگەگە ۇلعايدى.
قاراجاتتىڭ كوپ بولىگى, اتاپ ايتقاندا 13,4 ترلن تەڭگە - جەكە تۇلعالاردىڭ جيناعى. ال زاڭدى تۇلعالاردىڭ دەپوزيتتەرى 6 ترلن تەڭگەدەن استى.
سالىمىشىلاردىڭ باسىم بولىگى اقشاسىن ۇلتتىق ۆاليۋتامەن ساقتايدى.
وڭىرلەرگە كەلەتىن بولساق, الماتى مەن استانا تۇرعىندارى دەپوزيتكە كوبىرەك اقشا سالادى. الماتى تۇرعىندارى جيناعان دەپوزيت مولشەرى 8,05 ترلن تەڭگە بولسا, استانا تۇرعىندارى 4,2 ترلن تەڭگە جيناعان.
سونداي-اق قاراعاندى وبلىسىندا – 922,7 ملرد تەڭگە, قوستاناي وبلىسىندا – 637,1 ملرد تەڭگە جانە شىعىس قازاقستان وبلىسىندا – 610,4 ملرد تەڭگە جيناقتالعان.
ەڭ از قاراجات, ياعني 62,2 ملرد تەڭگە ۇلىتاۋ وبلىسىندا جينالعان.
