ەلنۇر بەيسەنباەۆ ءار جىلدارى الماتى قالاسى اكىمدىگىنىڭ جاستار ساياساتى ماسەلەلەرى باسقارماسىنىڭ باسشىسى, استانا قالاسى اكىمىنىڭ كەڭەسشىسى, Nur Otan پارتياسى جانىنداعى Jas Otan جاستار قاناتىنىڭ توراعاسى لاۋازىمدارىن اتقاردى. ول سونداي-اق پارلامەنت ءماجىلىسىنىڭ VII شاقىرىلىم دەپۋتاتى بولدى.
بيىلعى 4 قاڭتاردان باستاپ «AMANAT» پارتياسىنىڭ اتقارۋشى حاتشىسى قىزمەتىن اتقارىپ كەلەدى.
ەسكە سالا كەتەيىك, پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنىڭ قورىتىندىسىنا سايكەس, «AMANAT» پارتياسى سايلاۋشىلاردىڭ 53,9% داۋىسىن جينادى. بۇل 40 دەپۋتاتتىق مانداتقا سايكەس كەلەدى. پارلامەنتتىڭ تومەنگى پالاتاسىنداعى Amanat پارتياسى فراكتسياسىنىڭ جاڭا قۇرامىنداعى ايەلدەر, 35 جاسقا دەيىنگى جاستار جانە ەرەكشە قاجەتتىلىكتەرى بار ادامداردىڭ ۇلەسى 32%-دى قۇرايدى.
