جاڭا اۆتوبۋستاردىڭ ءبارى جىلدامدىق شەكتەگىشپەن, قاۋىپسىزدىك بەلدىكتەرىمەن جانە كونديتسيونەرمەن جابدىقتالعان. ءتىپتى ەرەكشە بالالارعا ارنالعان پاندۋستار مەن جۇرگىزۋشىنى شاقىراتىن تۇيمەلەرىنە دەيىن بار.
وبلىستىق ءبىلىم باسقارماسىنىڭ مالىمەتىنشە, ءوڭىر مەكتەپتەرىنە كۇن سايىن 2,5 مىڭنان استام وقۋشى ارنايى بولىنگەن اۆتوبۋستارمەن قاتىنايدى. ءبىلىم مەكەمەلەرىنىڭ اۆتوپاركى دە جىل سايىن جاڭارتىلىپ, تولىقتىرىلىپ وتىرادى. ماسەلەن, سوڭعى ەكى جىل ىشىندە وبلىستىق بيۋدجەت ەسەبىنەن 322 ملن تەڭگەدەن استام قارجىعا 9 اۆتوبۋس جانە 12 شاعىن اۆتوبۋس ساتىپ الىنعان.
اۆتوبۋستاردى تاپسىرۋ راسىمىندە مەملەكەت باسشىسىنىڭ قالا مەن اۋىل اراسىنداعى الشاقتىقتى قىسقارتۋ جونىندەگى تاپسىرماسىنىڭ ورىندالۋ بارىسى دا ءسوز بولدى. ءبىلىم باسقارماسى وكىلدەرىنىڭ ايتۋىنشا, 2025 جىلعا دەيىن وڭىردە 407 اۋىلدىق مەكتەپتى جاڭعىرتۋ جوسپارلانعان. ونىڭ 81-ءى بيىل جۇزەگە اسىرىلادى. سونداي-اق سوڭعى ەكى جىل ىشىندە 12,9 ملرد تەڭگەگە 193 ءبىلىم نىسانى جوندەۋدەن وتكەن. بيىل 138 مەكتەپكە جوندەۋ جۇرگىزىلمەك. وعان 3 ملرد تەڭگە قاراستىرىلىپ وتىر. «جايلى مەكتەپ» ۇلتتىق جوباسى اياسىندا دا بىتەتىن شارۋا كوپ. ماسەلەن, 2025 جىلعا دەيىن قالالىق جانە اۋىلدىق مەكەندەردە 7500 ورىندىق 9 مەكتەپ سالىنباق.
قوستاناي وبلىسى
