اسكەر • 26 ناۋرىز، 2023

اسكەريلەردىڭ الەۋمەتتىك الەۋەتى

58 رەت كورسەتىلدى

قورعانىس ءمينيسترىنىڭ ورىنباسارى گەنەرال-لەيتەنانت سۇلتان كامالەتدينوۆ باستاعان اقپاراتتىق-ءتۇسىندىرۋ توبى ەلىمىزدىڭ باتىس، شىعىس وڭىرلەرىندەگى جەتى گارنيزوندا بولىپ، بىرقاتار كەزدەسۋ وتكىزدى.

جۇمىس ساپارى بارىسىندا ءمينيستردىڭ ورىنباسارى مەر­زىمدى قىزمەت ساربازدارىمەن، كەلىسىمشارت بويىنشا اس­كەري قىزمەتشىلەرمەن جانە ولار­دىڭ وتباسى مۇشەلەرىمەن، اسكەري زەينەتكەرلەر مەن قارۋلى كۇشتەردىڭ ارداگەرلەرىمەن كەز­دەسىپ، اسكەري قىزمەتشىلەردى تۇرعىن ۇيمەن، مەديتسينالىق جانە زەينەتاقىمەن قامسىز­داندىرۋ ماسەلەلەرى بويىنشا تۇسىنىكتەمەلەر بەردى. سونىمەن قاتار ۇكىمەت جا­نىن­داعى جۇمىس توبىنىڭ زەي­نەتاقى زاڭناماسىن جەتىلدىرۋ جونىندەگى قىزمەتىنىڭ ناتيجەلەرىن جەتكىزدى.

ۇكىمەت جانىنداعى بۇل جۇ­مىس توبى قاۋىپسىزدىك كەڭە­سىنىڭ وتىرىسىندا بەرىلگەن تاپ­سىر­­مالارعا سايكەس اسكەريلەردى زەينەتاقىمەن قامسىزداندىرۋ ماسەلەلەرىن پىسىقتايدى. ول 1998 جىلدىڭ ءبىرىنشى قاڭتارىنان كەيىن شاقىرىلعان جانە 2016 جىلدىڭ ءبىرىنشى قاڭتارىنان كەيىن جۇمىستان شىعارىلعان اسكەري قىزمەتشىلەرگە زەينەتاقىنى يندەكستەۋ ماسەلەلەرىن الدىن الا وڭ تۇرعىدان قاراستىردى. كەلىسىمشارت مەرزىمى اياقتالعاننان كەيىن قىز­مەتتەن بوساتىلعان، بۇل ءۇشىن جەت­كىلىكتى ەڭبەك سىڭىر­گەن جانە ەڭبەك ءوتىلى بار اسكەري قىزمەتشىلەرگە زەينەتاقى تو­لەمدەرىن الۋ قۇقىعىن بەرۋ ماسە­لەلەرى شەشىلەدى. قازىرگى ۋاقىتتا الەۋ­مەتتىك كودەكس جوباسىنا اسكە­ري زەينەتكەرلەرگە تۇرعىن ءۇي جاعدايلارىن جاقسارتۋعا جانە ەمدەلۋگە اقى تولەۋگە تولىق كو­لەمدە زەينەتاقى جيناقتارىنىڭ قالدىقتارىن بىرجولعى پايدالانۋ قۇقىعىن بەرۋ مۇمكىندىگى تۋرالى تولىقتىرۋلار ەنگىزىلدى.

اسكەري قىزمەتتىڭ بەدەلىن ارتتىرۋ ءۇشىن دە ناقتى قادامدار جاسالدى. وتكەن جىلى قارجى نارىعىن رەتتەۋ جانە دامىتۋ اگەنت­تىگىمەن اسكەري قىزمەتشىلەرگە مەرزىمدى اسكەري قىزمەت وتكەرۋ كەزەڭىندە بانكتىك قارىزدار مەن ميكرونەسيەلەر بويىنشا تولەم­دەردى كەيىنگە قالدىرۋدى ۇسىناتىن مەموراندۋمعا قول قويىلدى. بۇگىنگى تاڭدا مەرزىمدى قىزمەتتىڭ جەتى مىڭعا جۋىق ساربازى وسى جەڭىلدىكتى پايدالانىپ وتىر. سونداي-اق قورعانىس مينيسترلىگى ەلىمىزدىڭ 45 جوعارى وقۋ ورنىمەن كەلىسىم جاساستى. وسىعان سايكەس مەرزىمدى اسكەري قىزمەتتىڭ بەلگىلەنگەن مەرزىمىن وتكەرگەن ازاماتتار ەكى جىل ىشىندە ۇبت تاپسىرماي جوعارى وقۋ ورىندارىنا تۇسە الادى.

ساربازدارمەن اڭگىمەلەسكەن قورعانىس ءمينيسترىنىڭ ورىنباسارى ولاردىڭ بولاشاق جوسپارلارىمەن تانىسىپ، ەلىمىزدىڭ اسكەري جوعارى وقۋ ورىندارىنا ءتۇسۋ ءتارتىبى مەن وقۋ شارتتارى تۋرالى ايتتى. ول وقۋ كەزەڭىندە كۋرسانتتار تەگىن تۇرىپ، تاماقپەن، زاتتاي جاردەماقىمەن، مەديتسينالىق قىزمەتپەن قامتاماسىز ەتىلەتىنىن جانە ستيپەنديا الاتىنىن اتاپ ءوتتى. قورعانىس مينيسترلىگىنىڭ وقۋ ورىندارىنا ءتۇسۋ ولارعا مان­ساپتىق ءوسۋ، سونداي-اق كوپ دەڭگەيلى ءبىلىم بەرۋ جۇيەسى شەڭ­بەرىندە، ونىڭ ىشىندە شەتەلدە ودان ءارى ءبىلىم الۋعا مۇمكىندىك بەرەدى.

ۇقساس جاڭالىقتار