FIDE سايتىنداعى مالىمەت بويىنشا, ۇندىستانعا بارعان شاحماتشىلار ۇيىمداستىرۋشىلاردىڭ قاتەلىگىنەن بىرقاتار كەلەڭسىزدىككە تاپ بولعان. سول سەبەپتى قازاقستاندىق شاحماتشى جانسايا ابدىمالىك جارىسقا قاتىسۋدان باس تارتقان. 11 شاحماتشى قالعاندىقتان, تۋرنير كەستەسىن قايتا جاساۋعا تۋرا كەلگەن.
وسى رەتتە ا. دۆوركوۆيچ قالعان 11 قاتىسۋشىدان كەشىرىم سۇراپ, بارلىعىنا حات جولداعان. بىراق ول تىزىمدە جانساي ابدىمالىك بولماعان.
FIDE باسشىسى گران-ءپريدىڭ ءۇشىنشى كەزەڭىن ۇيىمداستىرۋداعى وقيعانى شەشۋگە ۋادە بەردى. FIDE شاحماتشىلاردىڭ ۇندىستانعا كەلگەن كەزدەگى قوسىمشا شىعىندارىن وتەيدى.
ەسكە سالايىق, بۇعان دەيىن بليتس بويىنشا ەكى دۇركىن الەم چەمپيونى ءبيبىسارا اساۋباەۆا شاحماتشى جانسايا ابدىمالىكتى دەليدەگى ماڭىزدى حالىقارالىق ءتۋرنيردى تاستاپ كەتكەنى ءۇشىن سىنعا العان بولاتىن.
