ناۋرىز مەيرامى بايقوڭىر اۋدانىندا ۇزدىك داستۇرلەرمەن اتاپ وتىلەدى.
مەيرامنىڭ كوپتەن كۇتكەن ساتتەرىنىڭ ءبىرى – ناۋرىزكوجەنىڭ ەڭ كوپ كولەمىن دايىنداۋ بويىنشا رەكوردتى تىركەۋ بولدى. ءدامدى استى دايىنداۋ ءۇشىن اسپازشىلارعا تۋرا ءبىر كۇن ۋاقىت جانە جۇزدەگەن كيلوگرامم بيداي, كۇرىش جانە ەت قاجەت بولدى. ناۋرىزكوجە اتاتۇرىك ساياباعىنا كەلگەن جۇرتشىلىققا تەگىن تاراتىلدى.
«2 مىڭ 140 ليتر ناۋرىزكوجە – ءابسوليۋتتى رەكورد. بۇرىن بۇل استى دايىنداۋ كورسەتكىشى تۇركىستاندىقتارعا تيەسىلى بولعان. ەكى جىل بۇرىن ولار 2 مىڭ ليتر ناۋرىزكوجە دايىنداعان بولاتىن. بۇگىن ول رەكورد رەسمي تۇردە جاڭارتىلدى», دەدى قازاقستاننىڭ گيننەس رەكوردتار كىتابىنىڭ رەسمي وكىلى قۋاندىق قۇدايبەرگەنوۆ.
اسپازشى گۇلنار جۇمابەكوۆا ناۋرىزكوجە كولەمى 60-تان 150 ليترگە دەيىنگى 10 قازاندا دايىندالعانىن اتاپ ءوتتى. سودان كەيىن ولار ارقايسىسى 95 ليترلىك 20 ىدىسقا قۇيىلدى.
«مەرەكەنىڭ باستى تاعامىن مۇمكىندىگىنشە كوپ ادامعا ىشكىزۋگە تىرىسامىز. ءبىزدىڭ ءۇش اسپاز ونى ءبىر كۇن بويى قايناتتى. ناۋرىزكوجەنىڭ قۇرامىندا قۇرت, قازى, جىلقى ەتى, تارى, بيداي جانە كۇرىش بار. مۇنداي يدەيا استانالىقتاردى قۋانتىپ, بارلىعىنا كوكتەمگى كوڭىل-كۇي سىيلاعىمىز كەلگەندىكتەن پايدا بولدى. ءبىز ءۇشىن بۇل تاريحي ءسات. ناۋرىز مەيرامىن جاقسى كورەمىز», دەدى ول.
ءىس-شاراعا استانا قالاسى اكىمىنىڭ ورىنباسارى ەسەت بايكەن مەن بايقوڭىر اۋدانىنىڭ اكىمى ەرلان جاۋلىباەۆ قاتىسىپ, استانالىقتارعا اماندىق, دەنساۋلىق, بەيبىتشىلىك پەن كەلىسىم جانە جاڭا جىلدا بار جاقسىلىقتى تىلەدى.
