اقمولا القاپتارىنداعى بالاۋسا ەگىننىڭ كوكتەپ شىعۋى كوز قۋانتادى. بيىل كوپجىلدىق ءشوپتى قوسا العاندا ەگىستىك كولەمى 5 ميلليون گەكتاردى قۇراپ وتىر. بۇل 2013 جىلعىدان 36 مىڭ گەكتارعا ارتىق.
داقىلدار دەرەگىن تاراتىپ ايتساق, 4,7 ميلليون گەكتارعا بيداي مەن ارپا, 338,5 مىڭ گەكتارعا مايلى داقىلدار, 201,4 مىڭ گەكتارعا ەكپەشوپ, كارتوپ 18,3 مىڭ جانە كوكونىس 4,4 مىڭ گەكتارعا ورنالاستىرىلدى. بارلىق اگروتەحنيكالىق شارالار تالاپقا ساي ءارى مەرزىمىندە اتقارىلدى. بيىل ىلعال ساقتاعىش تەحنولوگيا 3,2 ميلليون گەكتاردا نەمەسە بۇكىل ەگىستىك القابىنىڭ 75 پايىزىندا قولدانىلدى. مۇنىڭ ءوزى بىلتىرعىدان 30 مىڭ گەكتارعا كوپ.
ديقاندار قاۋىمى ءىستىڭ ورايلى جۇرگىزىلۋىن مەملەكەت تاراپىنان جاسالعان كومەكتىڭ ۋاقىتىندا جەتكىزىلۋىمەن جانە جالپى دايىندىق جۇمىستارىنىڭ تىڭعىلىقتى اتقارىلعاندىعىمەن بايلانىستىرادى. الدىن الا دايىندالعان 529 مىڭ توننا تۇقىمنىڭ 75 پايىزى I-II سىنىپتىق سۇرىپتى قۇرايدى. دالا جۇمىستارىن اتقارۋعا 65 مىڭ توننا كەپىلدەندىرىلگەن ديزەل وتىنى ءبولىنىپ, ارنايى وپەراتورلار ارقىلى بەلگىلەنگەن كەستەمەن جەتكىزىلىپ تۇردى.
جاۋاپتى ناۋقاننىڭ ويداعىداي وتكىزىلۋىنە بيىل جاڭا 72 تراكتور, 30 تۇقىم سەبۋ كەشەنىنىڭ ساتىپ الىنۋى يگى ىقپالىن تيگىزدى. جالپىلاي ايتساق, ناۋقانعا 15 مىڭ دانادان استام تراكتور, 13 مىڭ تۇقىمسەپكىش, ونىڭ ىشىندە 9053 جوعارى ونىمدىلىكتەگى تۇقىم سەبۋ كەشەندەرى قاتىستىرىلدى.
وبلىستىق اۋىل شارۋاشىلىعى باسقارماسىنىڭ باسشىسى امانبەك قالجانوۆتان الىنعان مالىمەتكە سۇيەنسەك, بيىل ەگىنشىلىك سالاسىنا ءبولىنىپ وتىرعان جەڭىلدەتىلگەن قارجىلاي كومەكتىڭ مولشەرى 10 ميلليارد تەڭگەگە جۋىقتايدى. بۇل وتكەن جىلدىڭ سايكەس مەرزىمىمەن سالىستىرعاندا 3,8 ميلليارد تەڭگەگە كوپ. وسى رەتتە, تۇقىم شارۋاشىلىعىن جولعا قويۋعا 379 ميلليون تەڭگە ءبولۋ قاراستىرىلعانىن ايتقىمىز كەلەدى. ياعني, ول 25 مىڭ توننا ەليتالىق تۇقىمدى سۋبسيديالاۋعا جەتەدى دەگەن ءسوز.
سونداي-اق, «ەسىل» الەۋمەتتىك-كاسىپكەرلىك كورپوراتسياسىنىڭ كەپىلدىگىمەن كوكتەمگى جانە كۇزگى دالا جۇمىستارىن نەسيەلەۋ باعدارلاماسى بويىنشا 4,3 ميلليارد تەڭگە ءبولىندى. بۇعان قوسا, وبلىستا تامشىلاتا سۋارۋ ءادىسىن قولدانىپ, باۋ-باقشا ونىمدەرى مەن كارتوپ وسىرەتىن شارۋاشىلىقتار شىعىندارىن جەڭىلدەتۋ دە قاراستىرىلعان. ول گەكتارىنا 75 مىڭ تەڭگەدەن اينالادى.
جىلدىڭ ەڭ باستى ناۋقانىن ويداعىداي اياقتاپ, كوڭىلىن دىتتەگەنىمەن, ديقان قاۋىم بالاپاندى كۇزدە سانايتىن ادەتىمەن بۇگىپ سويلەيتىنىن بىلەمىز. ايتكەنمەن, بىلتىر رەكوردتى ءونىم جيناعان ولاردىڭ جۇرەگىندە جىلىلىق بارى سەزىلىپ تۇرادى. ءبىز دە ىرىزدىق ىرىسى مولايسىن دەگەن تىلەك جەتەگىندەمىز.
باقبەرگەن امالبەك,
«ەگەمەن قازاقستان».
اقمولا وبلىسى.
ديقاندار قاۋىمى ءىستىڭ ورايلى جۇرگىزىلۋىن مەملەكەت تاراپىنان جاسالعان كومەكتىڭ ۋاقىتىندا جەتكىزىلۋىمەن جانە جالپى دايىندىق جۇمىستارىنىڭ تىڭعىلىقتى اتقارىلعاندىعىمەن بايلانىستىرادى. الدىن الا دايىندالعان 529 مىڭ توننا تۇقىمنىڭ 75 پايىزى I-II سىنىپتىق سۇرىپتى قۇرايدى. دالا جۇمىستارىن اتقارۋعا 65 مىڭ توننا كەپىلدەندىرىلگەن ديزەل وتىنى ءبولىنىپ, ارنايى وپەراتورلار ارقىلى بەلگىلەنگەن كەستەمەن جەتكىزىلىپ تۇردى.
جاۋاپتى ناۋقاننىڭ ويداعىداي وتكىزىلۋىنە بيىل جاڭا 72 تراكتور, 30 تۇقىم سەبۋ كەشەنىنىڭ ساتىپ الىنۋى يگى ىقپالىن تيگىزدى. جالپىلاي ايتساق, ناۋقانعا 15 مىڭ دانادان استام تراكتور, 13 مىڭ تۇقىمسەپكىش, ونىڭ ىشىندە 9053 جوعارى ونىمدىلىكتەگى تۇقىم سەبۋ كەشەندەرى قاتىستىرىلدى.
وبلىستىق اۋىل شارۋاشىلىعى باسقارماسىنىڭ باسشىسى امانبەك قالجانوۆتان الىنعان مالىمەتكە سۇيەنسەك, بيىل ەگىنشىلىك سالاسىنا ءبولىنىپ وتىرعان جەڭىلدەتىلگەن قارجىلاي كومەكتىڭ مولشەرى 10 ميلليارد تەڭگەگە جۋىقتايدى. بۇل وتكەن جىلدىڭ سايكەس مەرزىمىمەن سالىستىرعاندا 3,8 ميلليارد تەڭگەگە كوپ. وسى رەتتە, تۇقىم شارۋاشىلىعىن جولعا قويۋعا 379 ميلليون تەڭگە ءبولۋ قاراستىرىلعانىن ايتقىمىز كەلەدى. ياعني, ول 25 مىڭ توننا ەليتالىق تۇقىمدى سۋبسيديالاۋعا جەتەدى دەگەن ءسوز.
سونداي-اق, «ەسىل» الەۋمەتتىك-كاسىپكەرلىك كورپوراتسياسىنىڭ كەپىلدىگىمەن كوكتەمگى جانە كۇزگى دالا جۇمىستارىن نەسيەلەۋ باعدارلاماسى بويىنشا 4,3 ميلليارد تەڭگە ءبولىندى. بۇعان قوسا, وبلىستا تامشىلاتا سۋارۋ ءادىسىن قولدانىپ, باۋ-باقشا ونىمدەرى مەن كارتوپ وسىرەتىن شارۋاشىلىقتار شىعىندارىن جەڭىلدەتۋ دە قاراستىرىلعان. ول گەكتارىنا 75 مىڭ تەڭگەدەن اينالادى.
جىلدىڭ ەڭ باستى ناۋقانىن ويداعىداي اياقتاپ, كوڭىلىن دىتتەگەنىمەن, ديقان قاۋىم بالاپاندى كۇزدە سانايتىن ادەتىمەن بۇگىپ سويلەيتىنىن بىلەمىز. ايتكەنمەن, بىلتىر رەكوردتى ءونىم جيناعان ولاردىڭ جۇرەگىندە جىلىلىق بارى سەزىلىپ تۇرادى. ءبىز دە ىرىزدىق ىرىسى مولايسىن دەگەن تىلەك جەتەگىندەمىز.
باقبەرگەن امالبەك,
«ەگەمەن قازاقستان».
اقمولا وبلىسى.
