پارتيالاردىڭ رەسپۋبليكالىق شتابى اشىلىپ, سايلاۋالدى ۇگىت-ناسيحات كەزەڭى وڭىرلەردە جان-جاقتى جۇرگىزىلدى. كانديداتتار بىرتىندەپ حالىقتى سايلاۋالدى باعدارلاماسىمەن تانىستىرىپ جاتىر. بۇگىنگى قارقىندى دامىپ كەلە جاتقان تسيفرلىق ورتادا حالىق پەن ساياسي پارتيالار اراسىنداعى بايلانىس مۇمكىندىكتەرى بۇرىن-سوڭدى بولماعان دەڭگەيدە. ويتكەنى سايلاۋالدى ناۋقان مەن كانديداتتار تۋرالى اقپارات بۇرىنعىدان بىرنەشە ەسە جىلدام ءارى وڭاي تارالادى.
مەديا كەڭىستىكتەگى ارتىقشىلىقتار دا انىق سەزىلىپ وتىر. ارينە, بۇل جەردە سايلاۋشىلارمەن تىكەلەي ارالاسۋ, وبەكتيۆتى دەرەكتەر نەگىزىندە سايلاۋ دوداسىندا جەڭىسكە جەتۋ مۇمكىندىگىن تالداۋ, جاستاردى ساياسي ۇدەرىستەرگە تارتۋ (ەلەكتورالدىق بەلسەندىلىكتى ارتتىرۋ) مۇمكىندىگى ءوستى. اشىق اقپاراتتىق كەڭىستىكتەگى كوممۋنيكاتسيا ەڭ الدىمەن دەموكراتيالىق قاعيدالاردى كورسەتەدى. ورتالىق سايلاۋ كوميسسياسى وكىلىنىڭ مالىمدەمەسىنەن بەلگىلى بولعانداي, اقپاراتتىق كەڭىستىك پەن سايلاۋ الدىنداعى ءىس-شارالار ارقىلى ۇگىت-ناسيحات جۇمىستارىن جۇرگىزۋمەن قاتار, ۇگىت ماتەريالدارىن شىعارۋ دا ونلاين پلاتفورمالار ارقىلى دا جۇزەگە اسىرىلىپ كەلەدى.
تاعى ءبىر ايتا كەتەرلىك جاڭالىق, ەندى ءاربىر بۇقارالىق اقپارات قۇرالىنىڭ ءبىر وكىلى جانە تەلەارنالاردىڭ ءۇش وكىل داۋىس بەرۋ كۇنى قىزمەتتىك كۋالىگىن كورسەتىپ, سايلاۋ ۋچاسكەسىنە كىرۋگە مۇمكىندىك الدى. بۇل ءمىنسىز مەملەكەتتىك ساياساتتىڭ اشىقتىق قاعيداتىنا نەگىزدەلگەنىن كورسەتەدى.
ايجان مولداعاليەۆا,
قازاقستان ستراتەگيالىق زەرتتەۋلەر ينستيتۋتىنىڭ اعا ساراپشىسى
