جەكە جاۋاپكەرشىلىكتى كۇشەيتۋ تالاپ ەتىلدى

پرەزيدەنت اكىمشىلىگى باس­قارۋشى لاۋازىمدى تۇلعالاردىڭ مەملەكەت باسشىسى العا قوي­عان مىندەتتەردى جۇزەگە اسىرۋ ءۇشىن جەكە جاۋاپكەرشىلىگىن كۇشەي­تۋ جونىندەگى ساياساتىن جالعاس­تىرۋدا. اپتا سايىنعى پىشىندە مەم­لەكەت باسشىسىنىڭ اكتىلەرى مەن تاپسىرمالارىن ساپالى ءجا­نە ۋاقتىلى ورىنداۋ بويىنشا پرەمەر-مينيستر كەڭسەسى باس­شى­لىعىنىڭ, مينيسترلەردىڭ ورىن­باسارلارىنىڭ, جاۋاپتى حات­شىلاردىڭ, وبلىس اكىمدەرى ورىن­باسارلارى مەن ۇلتتىق كوم­پانيالار باسشىلارىنىڭ ءجۇر­گىزىلىپ جاتقان جۇمىس تۋرالى ەسەپتەرىن تىڭداۋ وتكىزىلەدى. پرەزيدەنتتىڭ 2010 جىل­دىڭ 27 ساۋىرىندەگى №976 جار­لى­عىنا سايكەس كەزەكتى ەسەپ بەرۋ قو­رىتىندىلارى بويىنشا مەم­لەكەت باسشىسىنىڭ تاپسىرمالارىن ساپاسىز ورىنداعانى ءۇشىن 5 ساياسي مەملەكەتتىك قىزمەتكەر تارتىپتىك جاۋاپكەرشىلىككە تارتىلدى. پرەمەر-ءمينيستردىڭ وكى­مىمەن مەملەكەت باسشىسىنىڭ «ەل اگروونەركاسىپ كەشەنىن دامى­تۋدىڭ 2020 جىلعا دەيىنگى باعدار­لاماسىن جاساۋ بويىنشا» تاپسىرماسىن ساپاسىز ورىنداعانى ءۇشىن اۋىل شارۋاشىلىعى ۆيتسە-ءمينيسترى س.وماروۆقا ەسكەرتۋ جاريالاندى. استانا قالاسى, شىعىس قا­زاق­ستان, قاراعاندى, ماڭعىستاۋ وبلىستارى اكىمدەرىنىڭ وكىمدەرىمەن: – مەملەكەت باسشىسىنىڭ «كوم­مۋنالدىق قىزمەت پەن جەر­ۇيىق ساياباعىنىڭ قۇرىلىسىنا تولەم ءۇشىن ءبىرتۇتاس تولەم قۇ­جا­تىن ەنگىزۋ بويىنشا» تاپسىرماسىن ساپاسىز ورىنداعانى ءۇشىن استانا قالاسى اكىمىنىڭ ورىنباسارى ۆ.ل.كرىلوۆقا سوگىس جاريا­لاندى; – وسكەمەن قالاسىنداعى قان ورتالىعى قۇرىلىسىن اياق­­تاۋ مەرزىمىن بىرنەشە ءمار­تە اۋىس­تىرعانى, سونداي-اق, مەملەكەت باس­شىسىنىڭ دەنساۋلىق ساق­تاۋ نىساندارى بويىنشا تاپسىر­ماسى شەڭبەرىندە «350 ءدارى­گەرلىك امبۋلاتوريالار مەن ەمحانالار قۇرىلىسى بويىنشا» قۇجاتتامالاردى ۋاقتىلى جاساماعانى ءۇشىن شىعىس قازاق­ستان وبلىسى اكىمىنىڭ ورىنباسارى ە.تەكەشوۆكە قاتاڭ سوگىس جاريالاندى, قاراعاندى وبلىسى اكىمىنىڭ ءبىرىنشى ورىنباسارى ع.مۇحامبەتوۆكە سوگىس جاريالاندى, ماڭعىستاۋ وبلىسى اكىمىنىڭ ءبىرىنشى ورىنباسارى س.الداشوۆقا ەسكەرتۋ جاريالاندى. پرەزيدەنت اكىمشىلىگى مەن ۇكىمەتتىڭ مەملەكەت باس­شى­سىنىڭ تاپسىرمالارىن ۋاق­تىلى جانە ساپالى ورىنداۋ بوي­ىنشا بىرلەسكەن جۇمىسى جالعاستىرىلاتىن بولادى.