سەزد قورىتىندىلارىن باياندادى

ورتالىق كوممۋنيكاتسيالار قىز­مەتىندە وتكەن كەزەكتى بريفينگ­كە ۇلتتىق كاسىپكەرلەر پالاتا­سى­نىڭ باسقارما توراعاسى ابىلاي مىر­زاحمەتوۆ كەلىپ, ەلوردادا ءوت­كەن پالا­تانىڭ ءى سەزىنىڭ قورى­تىن­دىلارى جايىندا ايتىپ بەردى. «سەزد قۇرىلتايلىق كەزەڭنىڭ قورىتىندىسىن شىعاردى دەپ ايتۋعا بولادى. بارلىق ورگاندار قۇرىلىپ, بىلىكتى شتاب جاساقتالدى. سەزد دە­لەگاتتارى ءبىزدىڭ الداعى ءۇش جىل­عا ارنالعان ستراتەگيامىزدى بەكىت­تى», – دەدى ۇلتتىق كاسىپكەرلەر پالاتا­سى­نىڭ باسقارما توراعاسى ا.مىر­زاحمەتوۆ. جالپى 232 دەلەگات سايلانسا, ونىڭ 50 پايىزى وڭىرلەر مەن استانا, الماتى قالالارىنىڭ وكىلدەرى. قالعان جارتىسىن اككرەديتتەلگەن سالالار مەن سالاارالىق رەسپۋبليكالىق قاۋىمداستىقتار ۇسىنىپتى. ۇكپ قۇرىلعان ساتتەن باستاپ پالاتا 10 مىڭنان استام وتىنىشتەر مەن حاتتاردى قاراستىرىپ شىققان. ونىڭ ىشىندە 1770-تەن استامى نورماتيۆتىك قۇقىقتىق اكتىلەر جوبالارىنا ساراپتاما وتكىزۋگە سۇرانىمىنان تۇرعان. مەملەكەتتىك ورگاندارعا ۇكپ-دان 1671 ساراپتامالىق قورىتىندى جول­دانعان. ۇلتتىق پالاتا بيزنەسكە پراك­تي­كالىق كومەك تە كورسەتۋدە. ورتا­لىق اپپاراتىندا دا, وڭىرلەردە دە كا­سىپكەرلەر قۇقىعىن قورعاۋ ءجونىن­دەگى كەڭەستەر قۇرىلعان. كۇن سايىن كونسۋلتاتسيا سۇراپ قوڭىراۋ شا­لۋعا بولاتىن call-center ارەكەت ەتەدى. پالاتا قۇرىلعان كەزدەن بەرى بيز­نەستى قورعاۋ جەلىسى بويىنشا ەكى مىڭنان استام ءوتىنىش تىركەلگەن. كا­سىپكەرلەر ماسەلەسىن شەشۋدىڭ ءبىرىڭ­عاي ءتىزىلىمى مەن ولاردى شەشۋ كار­­تالارى ىسكە قوسىلعان. وعان بيز­نەس­تىڭ 416 جۇيەلىك پروبلەماسى ەنگىزىلگەن. ەلباسى تاپسىرمالارى بويىنشا بيزنەستى قولداۋدىڭ ءبىرىنشى كەزەكتەگى شارالارىنىڭ جوسپارى جۇزەگە اسىرىلۋدا. جىل سوڭىنا دەيىن مەم­لەكەت باسشىسىنىڭ تاپسىرماسى بوي­­ىن­شا كاسىپكەرلىكتى دامىتۋ جانە قول­داۋدىڭ بىرىڭعاي باعدارلاماسى ازىرلەنبەك. سەزد 2017 جىلعا دەيىنگى ۇلت­تىق كاسىپكەرلەر پالاتاسىنىڭ قا­لىپ­تاسۋ جانە دامۋ ستراتەگياسىنا ۇسىنىلعان ۇستانىمداردى ما­قۇلدادى. پالاتانىڭ نەگىزگى ۇزاق مەرزىمدى ماقساتى بولىپ 2030 جىلعا قاراي ەكونوميكاداعى شوب ۇلەسىن كەم دەگەندە 40 پايىز دەڭگەيىندە وسىرۋگە جاردەمدەسۋ انىقتالدى. 2017 جىلعا قاراي ۇكپ كاسىپكەرلىك باستاماسىنىڭ ءوسۋىن قامتاماسىز ەتۋدى جانە وتاندىق ەكونوميكانى دامىتۋعا بيزنەستىڭ كۇشى مەن ينۆەس­تيتسياسىن باعىتتاۋدى جوسپارلاپ وتىر. ۇكپ ستراتەگياسى پالاتا سايتىندا ورنالاستىرىلعان. سەزد قورىتىندىلارى بويىنشا پرەمەر-مينيستر كارىم ءماسىموۆ بىرقاتار مينيسترلىكتەرگە ۇكپ-مەن بىرلەسىپ اۋىلدىق كاسىپكەرلەر ءۇشىن كرەديتتەردىڭ قولجەتىمدىلىگى ماسەلەلەرىن شەشۋ, مەملەكەتتىك ورگانداردىڭ ۇكپ-مەن ءوزارا ارەكەتتەستىگىنىڭ ۇلگىلىك رەتتەمەسىن دايىنداۋ, ۇكپ-دە اككرەديتتەۋدەن وتكەن قاۋىمداستىقتاردى سالالىق زەرتتەۋلەر جۇرگىزۋ جانە ستاندارتتار, رەتتەمەلەر جاساۋ ۇدەرىسىنە تارتۋ مۇمكىندىگى بويىنشا ۇسىنىستار ەنگىزۋ مەن دايارلاۋ جونىندە تاپسىرما بەرىپتى. سونىمەن قاتار, ۇكىمەت باسشىسى ۇلتتىق پالاتا رەسۋرستارىن وڭىرلەردەگى ىسكەرلىك احۋالداردى باعامداۋعا جانە قازاقستانداعى كاسىپكەرلىك بەلسەندىلىكتىڭ جاي-كۇيى تۋرالى جىل سايىنعى ۇلتتىق بايانداما دايارلاۋعا تۇراقتى نەگىزدە تارتۋدى ۇسىنىپتى. ايتا كەتەيىك, سەزدىڭ ءبىراۋىزدان قابىلدانعان شەشىمىمەن پالاتانىڭ تورالقا توراعاسى بولىپ تيمۋر ق ۇلىباەۆ, ۇكپ باسقارما توراعاسى بولىپ ابىلاي مىرزاحمەتوۆ قايتا سايلانعان بولاتىن. ءابدىراحمان قىدىربەك, «ەگەمەن قازاقستان».