تاجىريبەلى اكىمدەر ىسكە كىرىستى

مۇنايلى ءوڭىر ورتالىعى –اتىراۋ قالاسى مەن يساتاي اۋدانىن باسقارۋعا جاڭا اكىمدەر تاعايىندالدى. ءبىر ەرەكشەلىگى, جاڭا قىزمەتتەرىنە كىرىسكەن اكىمنىڭ ەكەۋى دە ءوڭىر جۇرتشىلىعى ءۇشىن بەيتانىس تۇلعالار ەمەس. ماسەلەن, ءوڭىر اكىمى ب.ىزمۇحامبەتوۆتىڭ وكىمىمەن اتىراۋ قالاسىنىڭ باسقارۋ تىزگىنىن نۇرلىبەك وجاەۆ قولىنا الدى. وسى كەزگە دەيىن يساتاي اۋدانىنا ءبىر جىلداي باسشىلىق جاساعان ن.وجاەۆتىڭ مەملەكەتتىك قىزمەتتە ايتارلىقتاي تاجىريبەسى بار. بۇرىن ماحامبەت اۋدانىنىڭ اكىمدىگىندە ءتۇرلى لاۋازىمدار اتقارىپ, كەيىننەن اتىراۋ قالالىق جانە وبلىستىق اكىمدىكتەردە اپپارات باسشىسى رەتىندە مەملەكەتتىك قىزمەتتىڭ قىر-سىرىنا مولىنان قانىققان. ال يساتاي اۋدانىنىڭ اكىمى قىزمەتىنە كىرىسكەن تۇراربەك سۇل­تان­­­­­بەكوۆتىڭ ەسىمى دە, اتقارعان قىز­­مەت­تەرى دە يساتايلىق تۇرعىن­­دارعا كەڭىنەن تانىس دەۋگە بولادى. ويت­كەنى, ول ەڭبەك جولىن وسى اۋداندا باس­تاعاننان بەرى ءتۇرلى قىزمەتتەردە تاجىريبە جيناقتادى. ءتىپتى, بىلتىرعى ماۋسىمنىڭ ورتاسىنا دەيىن اتالعان اۋداننىڭ   بولىپ ەدى. سودان كەيىن ءبىر جىلعا جۋىق وبلىستىق جەر قاتىناستارى باسقارماسىنا باس­شىلىق ەتكەن ت.سۇلتانبەكوۆكە ءوڭىر اكىمى تاعى دا سەنىم ارتىپ, يساتاي اۋدانىن قايتا باسقارۋعا جىبەردى. جولداسبەك شوپەعۇل, «ەگەمەن قازاقستان». اتىراۋ وبلىسى.