ەل جانە ەلباسى
ليۋدميلا ماكارچۋك ,
ەكىباستۇز قالاسىنداعى «دوستىق ءۇيىنىڭ» ديرەكتورى:
ەكىباستۇز قالاسىنداعى «دوستىق ۇيىندە» 11 ەتنومادەني بىرلەستىك جۇمىس ىستەيدى. وتكەن جىلى وزبەك, ارميان ەتنومادەني بىرلەستىكتەرى اشىلدى. ەتنومادەني بىرلەستىكتەردى جىگەرلى, شىعارماشىل, ىنتالى ادامدار باسقارادى. ءبارىمىز ءبىر ماقساتتى قولدايمىز جانە ەلباسى ساياساتىنىڭ بىرلىك, تاتۋلىق جولىنداعى ەڭبەگىن جوعارى باعالايمىز.
قالامىزدا نۇرسۇلتان نازارباەۆتىڭ تىكەلەي قولداۋىمەن زاماناۋي جاڭا جارقىراعان مۋزىكا مەكتەبى سالىندى. قازىر مەكتەپتە 600-گە جۋىق ونەرلى بالالار ءبىلىم الۋدا. ساۋلەتى قالا كوركىن اشىپ, كوز تارتادى. ونەرلى بالالار جىل سايىن وتەتىن «دوستىق. بىرلىك. تاۋەلسىزدىك» دەپ اتالاتىن وبلىستىق ەتنومادەني فەستيۆالىنە قاتىسادى. ۇلتتىق ءبىرلىك بۇل ءبارىمىزدىڭ دە تاڭداۋىمىز, تىنىشتىق بارىمىزگە كەرەك. بارىنەن دە قۋاناتىنىمىز, «دوستىق ۇيىندەگى» مادەني جيىن-شارالاردان وزگە ۇلت وكىلدەرىنىڭ ۇل-قىزدارى, اسىرەسە, قارتتارىمىز ەشقاشان قالىس قالىپ كورگەن ەمەس. وزگە ۇلت وكىلدەرى مەملەكەتتىك ءتىل – قازاق ءتىلىن دە وقىپ-ۇيرەنۋدە.
قاي مەرەكە, قانداي شارا وتكىزبەيىك, ءبىزدىڭ بۇل ماقساتتاعى ءان-شاشۋىمىز ەل بىرلىگىنە, وتاندى سۇيۋگە, پاتريوتتىق رۋحتى كوتەرۋگە, شىنايى بەلسەندىلىكتى كوتەرۋگە, قازاق حالقىمەن بىرگە كەلە جاتقان دوستىقتى دارىپتەۋگە ارنالادى. ەتنومادەني بىرلەستىكتەردىڭ قاتارىن بۇل كۇندەرى جاستارىمىز تولىقتىرا باستادى. «دۋلكىن», «گيۋزال-اي», «سلاۆيانوچكا», «سۆىتانوك», «مارشو», «بوياحاد» «زودورينكا» سياقتى ءان-بي انسامبلدەرى ۇلكەندەردىڭ ءىزىن باستى. بۇگىن «دوستىق ۇيىنە» ولاردىڭ اتا-اجەلەرى كەلەتىن بولسا, ەرتەڭگى كۇنى اكە-شەشەلەرى جاس بالالارىمەن كەلىپ, ورتا تولتىراتىنىنا كوزىمىز جەتتى.
مەملەكەتتىك ءتىلدى وقىپ ءۇيرەنۋ ەتنومادەني بىرلەستىك مۇشەلەرىن پاتريوتتىق رۋحتا ءتاربيەلەۋگە ىقپال ەتەدى. تەاترلاندىرىلعان كورىنىستەرى بار «نازەركە», «ماسلەنيتسا», «سابانتوي» مەرەكەلەرى داستۇرگە اينالدى انا-ايەلدەر, اپالارىمىز «قىمىزمۇرىندىق», «مۇشەل توي», «شاشباۋلى ارۋ» مەرەكەلەرىنە شاقىرادى. «يۆان كۋپالا», «روجدەستۆولىق كەزدەسۋلەر», «سلاۆيان جازۋى مەن مادەنيەتى كۇنى», ەۆرەيلەردىڭ «روشاشانا» سياقتى جاڭا جىلدى قارسى الۋى مەرەكەلەر وتەدى. سونىمەن قاتار, ءبىز «دوستىق ۇيىنە» وسكەلەڭ ۇرپاقتى: بالالار مەن جاستاردى شاقىرىپ, جاستار قاناتىن نىعايتۋدى قولعا الدىق. بۇگىنگى كۇنى جاستار قاناتى ءار ەتنومادەني بىرلەستىكتە بار. ءبىز «ءۇمىت» بالالار ۇيىمەن, ورتا ارناۋلى جانە جوعارى وقۋ ورىندارمەن بىرلەسە شارالار وتكىزىپ كەلەمىز.
وتكەن جىلى «دوستىق ءۇيى» ءبىر اي بويى «شىركىن, لايف» ەتنو-جوباسىنىڭ ىسكە اسۋىنا قاتىستى. سونىڭ بارىسىندا ءار ەتنومادەني بىرلەستىك «قاينار» ءبىلىم بەرۋ-بوس ۋاقىتتى قامتۋ كەشەنىنە كەلگەن بالالارعا ۇلتتىق اس تۇرلەرىن, ءداستۇردى, مادەنيەت پەن ونەر ەرەكشىلىكتەرىن كورسەتتى. «پولونيا» اتتى پولياكتار ءبىرلەستىگى بالالار ءانسامبلى قۇرىلدى. «ۆوزروجدەنيە» نەمىستەر مادەني ورتالىعى نەمiس تiلiنە كوڭىل بولەدi. نەمiس تiلiن ۇيرەتۋگە جۇمسالاتىن شىعىنداردى گەتە اتىنداعى نەمiس مادەنيەت ورتالىعى تولەيدi. «براتستۆو» اتتى سلاۆيان ورتالىعى جىل سايىن «سلاۆيان جازباسى مەن مادەنيەتىنىڭ كۇندەرىن» ءوتكىزەدى. تاتار-باشقۇرتتاردىڭ «شاتلىق» بىرلەستىگى «سابانتوي» ويىن-ساۋىق كەشتەرىنە شاقىرىپ تۇرادى. چەشەن-ينگۋشتاردىڭ «ۆايناح» جانە ازەربايجانداردىڭ «ازەربايجان» بىرلەستىكتەرىندە ورازا ايىندا مۇمكىندىكتەرى شەكتەۋلى بالالارعا «دوستىق ءۇيىندە» قايىرىمدىلىق اسى بەرىلەدى.ۋكراينداردىڭ «سۆىتانوك» بىرلەستىگىنىڭ جانىندا «دۋدارىكي» بالالار ءانسامبلى مەن «سۆىتانوك» حورى ءان سالادى. كارىستەردىڭ «چوسون» جانە ەۆرەيلەردىڭ «بەياحات» بىرلەستىكتەرى اۋىلداردى ارالاپ, قازاق حالقىنىڭ ادەت-عۇرىپتارى مەن سالت-ءداستۇرلەرىن دارىپتەيدى. «نازەركە» تەلەكلۋبى ەفيرگە شىعادى.
ءبىزدىڭ قالا تۇرعىندارى ءۇشىن ۇلكەن مانگە يە «دوستىق ۇيىنە» بۇگىنگى كۇنى ءارتۇرلى ۇلت وكىلدەرى كەلىپ, بىرلەستىكتەرمەن بىرگە ورتاق ءىسكە جۇمىلعان. ءار ەتنومادەني ءبىرلەستىكتى وزىندىك ەرەكشە حالىقتىق فولكلورى, قايتالانباس ەرەكشەلىكتەرى مەن بولاشاق ۇرپاق الدىنداعى جاۋاپكەرشىلىك پەن پارىز, بولاشاققا نىق قادام جاساپ وتىرعان ءبىزدىڭ حالقىمىزعا ءتان قازاقستاندىق پاتريوتيزم بىرىكتىرەدى.
پاۆلودار وبلىسى.
«ەلىمدى, ەلباسىمدى, ەلوردامدى ماقتان ەتەمىن»
ەركىن اقىلبەكوۆ, ارىس ستانساسىنداعى سۇرىپتاۋ تسەحىنىڭ وپەراتورى:
ارىس – توعىز جولدىڭ تورابى, ورتالىق ازيانىڭ قاقپاسى. مۇندا ەجەلدەن تۇراتىن حالىقتىڭ كوپشىلىگى اكەدەن بالاعا مۇرا بولىپ كەلە جاتقان تەمىرجولشى ماماندىعىن يەلەنگەن. ماماندىعىن ماقتانىش سانايتىن, ونىڭ جەمىسىن كورىپ جۇرگەن تەمىرجولشىلارىمىز كوپ-اق. ەڭبەكپەن جەتىلگەن ءبىز قاشان دا ماماندىعىمىزدى ماقتان تۇتامىز.
ەلباسى نۇرسۇلتان نازارباەۆتىڭ ەلدى, ەلوردانى كوركەيتۋدەگى ەڭبەگى ەرەكشە. ءاربىر كىرپىشىنىڭ قالانۋىنا ىقپال ەتكەندىكتەن, استانامىز ەلباسىنىڭ ءتول بالاسى سەكىلدى. نۇرسۇلتان نازارباەۆتىڭ سارابدال ساياساتىنىڭ ارقاسىندا بۇگىندە ەلوردامىز استانا جىلدان-جىلعا كوركەيىپ, الەمگە ايگىلى ورتالىققا اينالدى. الەم ساۋلەتشىلەرىنە تاڭداي قاقتىرعان بەيبىتشىلىك جانە كەلىسىم سارايى, «حان شاتىر», «بايتەرەك» سەكىلدى تەڭدەسى جوق عيماراتتار ورىن تەپكەن وعان تاڭدانا دا تامسانا قارايتىندار كۇننەن-كۇنگە ارتىپ كەلەدى.
بۇگىندە ميلليونعا جۋىق حالىق تۇراتىن استانانىڭ بولاشاعى بۇدان دا جارقىن بولماق. بۇعان مەن قالتقىسىز سەنەمىن. عاسىرلار توعىسىندا ىرگەتاسى قالانعان استانانىڭ اسقاق اتى ءالى تالاي ولەڭ-جىرلارعا ارقاۋ بولارى ءسوزسىز.
قىزىعى مەن قيىندىعى مول تەمىرجولشى ماماندىعىن يەلەنگەن ادامنىڭ ەڭبەك دەمالىسىنا شىعۋى دا ەرەكشە مەرەكە. ۋاقىتىمدى بارىنشا كوڭىلدى وتكىزۋگە تىرىسامىن. ەڭبەكتىڭ زەينەتىن كورۋ, ەلىڭدى, ەلباسىڭدى, ءوزىڭنىڭ ارىس سىندى قالاڭدى, تەمىرجولىڭدى, ارينە, ايرىقشا استاناڭدى ماقتان ەتۋ, ايتىپ ءجۇرۋ دە ءبىر عانيبەت! سوندىقتان دا 2017 جىلى استانادا وتەتىن ەكسپو-2017 مامانداندىرىلعان حالىقارالىق كورمەسىنە مىندەتتى تۇردە قاتىسامىن. بۇل – مەنىڭ ەل پاتريوتى رەتىندە قابىلداعان شىنايى شەشىمىم. ۋاقىت تالابىنان وزا جۇمىس ىستەيتىن پرەزيدەنتى مەن الەمدەگى اسەم قالالاردىڭ قاتارىنا قوسىلىپ كەلە جاتقان ەڭسەلى ەلورداسى بار ەلىمىزدىڭ بولاشاعى قاشاندا جارقىن بولماق.
وڭتۇستىك قازاقستان وبلىسى,
ارىس قالاسى.
«قۇرداسىما قۇرمەتىم جوعارى»
قازبەك نۇرىمگەرەي ۇلى, زەينەتكەر:
مەن – ەلباسى نۇرسۇلتان نازارباەۆپەن تۇيدەي قۇرداسپىن, ءبىر جىلدىڭ ءتولىمىز. ءوزىم كوپ ۋاقىت الىس اۋداندا دارىگەر بولىپ, دەنساۋلىق ساقتاۋ سالاسىندا ۇزاق جىل ەڭبەك ەتتىم. قازىر ەڭبەگىمنىڭ زەينەتىن كورىپ وتىرمىن.
شىنى كەرەك, مەملەكەت باسشىسىمەن قۇرداس ەكەنىمدى ماقتانىش ەتەمىن ءارى ۇدايى ەگەمەن ەلىمىزدى باسقارۋداعى قادامدارىن قاداعالاپ وتىرامىن. نۇرسۇلتان ءابىش ۇلى, شىن مانىندە, حالقىنىڭ باعىنا تۋعان دارا تۇلعا, ءبىرتۋار مەملەكەت باسشىسى. تاۋەلسىز مەملەكەتىمىزدىڭ تىزگىنىن ۇستاعاننان بەرگى تۋعان حالقى ءۇشىن, ەگەمەن ەلى ءۇشىن جاساعان جۇمىستارى ۇشان-تەڭىز. تاريحي قىسقا ۋاقىتتا قازاقستاندى الەمگە مويىنداتتى. وداقتىڭ بودانىنان بوساعان ءالجۋاز مەملەكەتتى ەكونوميكالىق دامۋدىڭ سارا جولىنا ءتۇسىردى. اۋىلدىڭ اجارى تايىپ, ەل اراسىندا كۇڭكىل-سۇڭكىل كوبەيگەندە دە العان باعىتىنان تايماي, مۇنىڭ ۋاقىتشا قيىندىق ەكەنىنە, اجارلى كۇندەردىڭ الدا ەكەنىنە حالقىن سەندىردى. ايتقاندايىن-اق, قازىر اۋىلداردا تۇرمىس جاقسارىپ, ۇدەرە كوشۋ توقتادى, ادامدار ءوز شارۋاسىن جۇرگىزۋگە داعدىلانا باستادى. مال وسىرۋگە, ەگىن سالۋعا, شاعىن جانە ورتا بيزنەسپەن اينالىسۋىنا مەملەكەتتىك قولداۋ كورسەتۋدىڭ بىرنەشە باعدارلامالارى جۇمىس ىستەۋدە. قازىر ۇيىرلەپ جىلقى, وتارلاپ قوي, تابىنداپ سيىر جانە كەلەلەپ تۇيە ءوسىرىپ وتىرعانداردى كورىپ سۇيسىنەسىڭ. ولار ءوز جاعدايىن دا جاساپ, ەل ەكونوميكاسىن نىعايتۋعا دا ۇلەس قوسىپ ءجۇر.
ەلباسى استانانى سارىارقا تورىنە كوشىرىپ, ەشكىمنىڭ ءۇش ۇيىقتاسا تۇسىنە كىرمەيتىن عاسىر عاجايىبىن جاسادى دەپ ويلايمىن. استانا ارقىلى ەلىمىزدى الەمگە تانىتتى, قازاقستاندى دامىعان ەلۋ ەلدىڭ قاتارىنا ەنگىزدى. جىل وتكەن سايىن ەكونوميكامىز نىعايىپ, جاڭا الىپ كاسىپورىندار سالىنىپ, جاڭا جۇمىس ورىندارى اشىلدى. قازىر جۇمىس جوق دەگەندەردىكى بوس ءسوز, ەڭبەك ەتەمىن دەگەنگە جۇمىس جەتەدى. ءتىپتى, جۇمىس تاڭدايتىن دارەجەگە جەتتىك. مۇندا دا جۇمىسسىزدارعا «بالىق ەمەس, قارماق بەر» دەگەندى باسشىلىققا العان ەلباسىنىڭ كورەگەندىگىنىڭ قايتارىمدى بولعانىن ايتپاسقا بولمايدى.
مەن زەينەتكە شىققاننان كەيىن پرەزيدەنت سايلاۋلارىنا بەلسەنە قاتىناسىپ, حالىقتى دۇرىس تاڭداۋ جاساۋعا ۇگىتتەدىم. العاشقىلاردىڭ ءبىرى بولىپ «وتان» پارتياسىنا مۇشە بولىپ, قۇرداسىمنىڭ جۇرگىزىپ جاتقان ساياساتىن حالىققا تۇسىندىرۋگە اتسالىستىم. قازىر دە «نۇر وتان» پارتياسىنا مۇشەمىن. مەن بۇل كىسىنىڭ جاي ادام ەمەس ەكەنىنە, تاۋەلسىز مەملەكەتىمىزدىڭ تۇعىرىن بەكىتەتىن سارابدال ساياساتشى, دارا تۇلعا ەكەنىنە و باستان-اق سەنگەنمىن. وعان نۇرسۇلتان ءابىش ۇلىنىڭ ەگەمەندىكتىڭ ەلەڭ-الاڭىندا-اق حالقىنىڭ بولاشاعى ءۇشىن جاساعان قادامدارىنىڭ حالىققا قالتقىسىز قىزمەت ەتۋگە باعىتتالعانى دا اسەر ەتكەنى ءسوزسىز.
قازاقستاندى الەمگە تانىتاتىنداي كوپتەگەن شارۋالاردىڭ باسىن قايىردى. ءار الۋان ءدىن وكىلدەرىنىڭ باسىن استانادا الدەنەشە رەت قوسۋىنىڭ ءوزى نەگە تۇرادى؟ قازاقستاندى يادرولىق قارۋسىز ەلگە اينالدىرۋى, سوڭعى جىلدارداعى ەكونوميكالىق باستامالارى, ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىق ەتۋىمىز, ەكسپو-2017 حالىقارالىق كورمەسىن وتكىزۋ قۇقىن جەڭىپ الۋىمىز كەز كەلگەن ەلدىڭ يىعى كوتەرەتىن شارۋالار ەمەس. مۇنداي ىستەر ىرگەسى بەرىك, ىنتىماعى مىقتى, ساياسي تۇراقتىلىعى جوعارى, ەكونوميكالىق جاعدايى جاقسى ەلدەردىڭ عانا قولىنان كەلەدى.
مىنە, ءبىزدىڭ قازاقستانىمىزدى ەلباسى وسىنداي الەم تانىعان مەملەكەت قاتارىنا جەتكىزدى. بۇعان قۋانباعاندا, وسىندايدا ەلباسىنىڭ ەرەن ەڭبەگى مەن سارابدال ساياساتىنىڭ جەمىسى ەكەنىن ايتپاعاندا قايدا ايتامىز دەپ قولىما قالام الىپ, ريزاشىلىعىمدى ءبىلدىرۋ قۇرداستىق تا, ازاماتتىق تا پارىزىم دەپ ويلادىم.
ەلباسىنىڭ ەل ءۇشىن جاساعان جاقسىلىعىن اڭعارۋ ءۇشىن الىسقا بارىپ كەرەگى جوق. كۇندەلىكتى ءوز ومىرىمىزدە بولىپ جاتقان وڭ وزگەرىستەردى ايتساق تا جەتكىلىكتى. جىل سايىن زەينەتاقى, شاكىرتاقى ءوسىپ كەلەدى. ءبىلىم بەرۋدە, دەنساۋلىق ساقتاۋدا ىلگەرىلەۋلەر بار. كۇنى كەشەگى جابىلىپ قالعان مادەنيەت ۇيلەرى حالىققا قىزمەت ەتۋدە. الەۋمەتتىك جاعدايىمىز جىلدان-جىلعا جاقسارا تۇسۋدە.
مەملەكەت باسشىسىنىڭ باستامالارىنىڭ باياندىلىعىن ءوزىم تۇراتىن ويىل وڭىرىندەگى وزگەرىستەردەن دە بايقاۋعا بولادى. ەگەمەندىك العان از عانا ۋاقىتتا اۋىلىمىز ادام تانىماستاي وزگەردى. كەڭەس وداعى ۇستەمدىك ەتكەن جەتپىس جىلدا اتقارىلماعان تىڭ شارۋالار جاسالعانىن وتكەنمەن سالىستىرعان ادام بىردەن بىلەدى. وبلىس ورتالىعى اقتوبەگە دەيىن 300 شاقىرىم جولعا اسفالت توسەلىپ, بۇرىن تاۋلىكتەپ جۇرەتىن جولدى قازىر 2-3 ساعاتتا ەڭسەرەتىن بولدىق. جاڭادان سالىنعان سپورت كەشەنى, اۋرۋحانا, مەكتەپتەر حالىققا قىزمەت ەتۋدە. بۇرىن ساياباق دەگەننىڭ نە ەكەنىن بىلمەيتىن ويىلدىقتار ءبىر ەمەس, ەكى ساياباققا يە بولىپ وتىر. كوشەلەر اسفالتتالىپ, تۇنگى ويىلدىڭ سامالاداي جارقىراپ تۇرعانى نۇرسۇلتان قۇرداسىمنىڭ ەڭبەگىنىڭ جەمىسى دەپ بىلەمىز.
بۇل ارادا بوستاندىق العان جىلداردا ەلباسىنىڭ كومانداسىندا بىرلەسىپ جۇمىس اتقارىپ كەلە جاتقان ەلەۋسىن ساعىندىقوۆقا, ونىڭ جۇمىسىن جالعاستىرۋشى, قازىرگى وبلىس اكىمى ارحيمەد مۇحامبەتوۆكە دە العىسىمىز شەكسىز. وسى ازاماتتاردىڭ ارقاسىندا ويىل حالقى ءبىر-ەكى جىلدىڭ شاماسىندا گازدىڭ دا قىزىعىن كورىپ قالۋى مۇمكىن. لايىم, سولاي بولعاي. وسىنداي جاعىمدى وزگەرىستەر ەلىمىزدىڭ كەز كەلگەن وڭىرىندە بولىپ جاتۋى قۇرداسىمنىڭ ساليقالى ساياساتىنىڭ ارقاسى. ول كىسى ماقتاۋ-ماراپاتتارعا كەندە ەمەس شىعار. دەگەنمەن دە, مەن ەلباسىنا ۇيقىسىز وتكەن تۇندەردىڭ, كۇلكىسىز وتكەن كۇندەردىڭ جەمىسىن كورىڭىز, حالقىڭىزدىڭ قۇرمەتىنە بولەنە بەرىڭىز دەگەن تىلەگىمدى جەتكىزگىم كەلەدى.
اقتوبە وبلىسى,
ويىل اۋدانى.
«استانا جول كورسەتەر شامشىراعىمىز»
ريمما بەكتۇرعانوۆا,
«نۇر وتان» پارتياسى قوستاناي وبلىستىق فيليالى
توراعاسىنىڭ ءبىرىنشى ورىنباسارى, قوستاناي وبلىستىق ءماسليحاتىنىڭ حاتشىسى:
مەن استانانى تسەلينوگراد, سونداي-اق, اقمولا كەزىنەن بىلەمىن. بۇگىندە ءبىز وعان وتكەن كۇندەر كوزىمەن قارايمىز دا تاڭعالامىز. ويتكەنى, ونىڭ ۇيلەرىن, كوشەلەرىن, وزگە دە عيماراتتارىن سالىستىرامىز. ايىرماشىلىقتىڭ جەر مەن كوكتەي ەكەنىنە كوڭىل توعايادى.
مەن ەلوردادا ءجيى بولىپ تۇرامىن. وندا تۋعان-تۋىسقاندارىم جەتكىلىكتى. ءار بارعان سايىن ءۇلكەن وزگەرىستەرگە تاپ كەلەمىن. ءتىپتى, ءبىر ايدىڭ ءىشىندە جاڭا عيماراتتاردىڭ بوي تۇزەپ ۇلگەرگەنىنە تاڭعالىسىمدى جاسىرا المايتىن كەزدەرىم ءجيى كەزدەسەدى.
اسىرەسە, مەنى استانانىڭ ساۋلەتى ەرەكشە اسەرگە بولەيدى. ول مۇلدەم عاجايىپ! مۇندا ءبىردە-ءبىر عيمارات ەكىنشىسىنە مۇلدەم ۇقسامايدى. ەلوردانىڭ قۇرىلىسىنا انگليانىڭ, جاپونيانىڭ ءساۋلەتشىلەرى قاتىسقانىن جاقسى بىلەمىن جانە ولاردىڭ ەرەكشە ۇيلەسىمدىلىككە قول جەتكىزگەنىنە ءبۇگىندە بۇكىل الەم كۋا دەسەم, قاتەلەسپەيتىن شىعارمىن.
استانادا الەمگە ورتاق ساۋلەت ونەرى مولىنان پايدالانىلسا, ۇلتتىق, قازاقي ناقىش تا ۇمىت قالماعان. ءتۇرلى ماماندار وسى كۇنگە دەيىن استانا ۇلگىسىن انىقتاۋعا قانشا ۇمتىلسا دا ناقتى ءبىر ۇستانىمعا توقتاي العان جوق. سوندىقتان ولار ەلوردادا ەۋرازيا ۇلگىسى كورىنىس تاپقان دەگەن ورتاق پىكىرگە كەلدى. قازاقستاننىڭ پاتريوتى رەتىندە مۇنىڭ ءبارىن مەن ەرەكشە ماقتان تۇتامىن.
وسىنىڭ بارلىعى – پرەزيدەنت نۇرسۇلتان نازارباەۆتىڭ ارقاسىندا ءمۇمكىن بولعانىن اتاپ كورسەتكىم كەلەدى. مەملەكەت باسشىسى وتە قۋاتتى ەرىك-جىگەرگە, رۋحاني كۇشكە يە. سوندىقتان ول اقمولا استانا بولادى دەگەن كەزدە بۇل يدەياعا يلانباعاندار دا از بولعان جوق. ءبىراق ن.نازارباەۆتا جاڭا ەلوردا سالۋعا كۇش-ءجىگەر دە, سەبەپ-دالەل دە جەتكىلىكتى دەڭگەيدە تابىلدى.
بۇگىنگى كۇن بيىگىنەن قاراعاندا, وسىنىڭ بارلىعى تابيعي جانە ءوزىن ءوزى اقتاعانداي بولىپ كورىنەدى. شىن مانىندە, مۇنىڭ ۇلكەن كۇش-جىگەر مەن تاباندىلىقتى تالاپ ەتكەنى شىعار كۇندەي اقيقات. بۇعان قوسا, پرەزيدەنتىمىز استانادا جاسالىپ جاتقاننىڭ بارلىعى وبلىس ورتالىقتارىندا, ال وبلىس ورتالىقتارىندا جاسالىپ جاتقان شارۋالار اۋدان ورتالىقتارىندا ىستەلۋگە ءتيىستى دەگەن بولاتىن. وسىلايشا, استانا وبلىستار مەن اۋداندارعا دا وزگەشە ءبىر سەرپىن بەرىپ وتىر. ءسويتىپ, بۇكىل ەلدى مەكەن ەلوردامەن بوي تۇزەۋگە ۇمتىلىس تانىتۋدا. وسىنىڭ بارلىعى, تۇپتەپ كەلگەندە, ورتاق وتانىمىزدىڭ ءوسىپ-وركەندەۋىنە اكەلەتىن كاتاليزاتورعا اينالۋدا.
قورىتا ايتقاندا, استانا ەلىمىز ءۇشىن ەلوردا عانا ەمەس, وزىندىك ءبىر كوشباسشى, جول كورسەتەر شامشىراق ءرولىن دە اتقارىپ وتىر. مۇندا ەڭ باستى ەڭبەك, ارينە, پرەزيدەنتىمىز نۇرسۇلتان نازارباەۆقا تيەسىلى.
قوستاناي.
