اگروونەركاسىپ كەشەنىن قارجىلاندىرۋ ماسەلەلەرىنە ارنالدى
شىعىس وڭىرىنە پارلامەنت ءماجىلىسىنىڭ اگرارلىق ءماسەلەلەر جونىندەگى كوميتەتىنىڭ توراعاسى رومين ءمادينوۆ باستاعان دەپۋتاتتار مەن ەلىمىزدىڭ اۋىل شارۋاشىلىعى سالاسىنىڭ باسشىلارى كەلدى. ولار وسكەمەندەگى جۇمىس ساپارىن «ماي» اق زاۋىتىمەن تانىسۋدان باستادى.
اتالعان زاۋىت وڭىردەگى ماي ءونىمىنىڭ ۇشتەن ەكى بولىگىن ءوندىرەدى. 2002 جىلدان بەرى ءوز ءوندىرىسىن قايتا جاراقتاندىرعان زاۋىتتىڭ ءونىمى بۇگىندە حالىقارالىق جوعارى ساپا تالاپتارىنا سايكەس. دەلەگاتسيا مۇشەلەرى رافيناتتاۋ, ءونىمدەردى قۇيۋ, شيكىزاتتى سىعىمداۋ تسەحتارىندا, زاۋىت قويماسىندا بولىپ, زاۋىتقا ەنگىزىلگەن جاڭا تەحنولوگيانىڭ جۇمىسىمەن تانىستى. كاسىپورىننىڭ باس ينجەنەرى س.مولچانوۆتىڭ ايتۋىنشا, بەلگيالىق «Dozmet» جانە «بيۋللەر» فيرمالارىنىڭ كۇنباعىس مايىن الۋ جانە تازارتۋ جابدىقتارى ورناتىلعان زاۋىتتا كۇنىنە 140-150 توننا ماي وندىرىلەدى. 600-گە جۋىق ادام جۇمىسپەن قامتىلىپ وتىر.
بۇدان كەيىن ءوڭىر باسشىسى بەردىبەك ساپارباەۆ, ءماجىلىستىڭ اگرارلىق ماسەلەلەر جونىندەگى كوميتەتىنىڭ ءتوراعاسى رومان ءمادينوۆ, اۋىل شارۋاشىلىعى مينيسترلىگىنىڭ فيتوسانيتارلىق قاۋىپسىزدىك جانە ەگىستىك ءونىمدەرىن قايتا ءوندىرۋ دەپارتامەنتى ديرەكتورىنىڭ ءمىندەتىن اتقارۋشى باقىت ءىلياسوۆ, قورشاعان ورتانى قورعاۋ جانە سۋ رەسۋرستارى مينيسترلىگى بالىق شارۋاشىلىعى كوميتەتىنىڭ ءتوراعاسى قانات مۇساپاربەكوۆ, «قازاگرويننوۆاتسيا» اق باسقارماسىنىڭ توراعاسى ءازىمحان ساتىبالدين جانە ءوڭىردەگى اۋىل شارۋاشىلىعى قۇرىلىمدارى باسشىلارىنىڭ قاتىسۋىمەن اگرارلىق ماسەلەلەر جونىندەگى كوميتەتتىڭ كوشپەلى وتىرىسى ءوتتى.
ءوڭىر باسشىسى كوشپەلى وتىرىستىڭ شىعىس ءوڭىرىندە وتكىزىلۋى اۋىل شارۋاشىلىعى ماسەلەلەرىن وڭ شەشىپ, سالاعا قاتىستى زاڭنامانى جەتىلدىرۋگە كومەگىن تيگىزەتىنىن اتاپ ءوتىپ, اۋىل شارۋاشىلىعى كاسىپورىندارىن سۋبسيديالاۋ ماسەلەسىن كوتەردى. ماسەلەن, «ماي» اق بۇرىن مەملەكەت تاراپىنان سۋبسيديالانعان بولسا, بۇگىندە بۇل كومەككە قول جەتكىزە الماي وتىر. سول سياقتى قۇس ەتى مەن جۇمىرتقاسىن ءوندىرۋ, مارال جانە ارا شارۋاشىلىعىنىڭ اياعىنان تۇرىپ كەتۋى تىكەلەي مەملەكەتتىك قولداۋعا بايلانىستى بولماق. ايماق باسشىسى سونداي-اق ۆەتەريناريا, ەكپە ەگۋ سياقتى كەيبىر ماسەلەلەردى جەرگىلىكتى اتقارۋشى ورگانداردىڭ قۇزىرىنا بەرۋ ماسەلەسىن جەتكىزدى.
كوشپەلى وتىرىس سوڭىندا كوميتەت توراعاسى رومين ءمادينوۆ ۇسىنىستار مەن وتىنىشتەر مينيسترلىك پەن ۇكىمەت دەڭگەيىندە قاراستىرىلاتىنىن جەتكىزدى. پارلامەنت دەپۋتاتتارى مەن اۋىل شارۋاشىلىعى سالاسىنىڭ جەتەكشىلەرىنەن قۇرالعان دەلەگاتسيا مۇشەلەرى كوكپەكتى جانە كۇرشىم اۋداندارىنداعى ءبىرقاتار شارۋاشىلىقتاردىڭ جۇمىسىمەن تانىسىپ, اۋدان حالقىمەن بالىق شارۋاشىلىعىنىڭ ءتۇيىندى ماسەلەلەرى تالقىلانعان كەڭەس وتكىزدى.
دۋمان اناش,
«ەگەمەن قازاقستان».
شىعىس قازاقستان وبلىسى.
اتالعان زاۋىت وڭىردەگى ماي ءونىمىنىڭ ۇشتەن ەكى بولىگىن ءوندىرەدى. 2002 جىلدان بەرى ءوز ءوندىرىسىن قايتا جاراقتاندىرعان زاۋىتتىڭ ءونىمى بۇگىندە حالىقارالىق جوعارى ساپا تالاپتارىنا سايكەس. دەلەگاتسيا مۇشەلەرى رافيناتتاۋ, ءونىمدەردى قۇيۋ, شيكىزاتتى سىعىمداۋ تسەحتارىندا, زاۋىت قويماسىندا بولىپ, زاۋىتقا ەنگىزىلگەن جاڭا تەحنولوگيانىڭ جۇمىسىمەن تانىستى. كاسىپورىننىڭ باس ينجەنەرى س.مولچانوۆتىڭ ايتۋىنشا, بەلگيالىق «Dozmet» جانە «بيۋللەر» فيرمالارىنىڭ كۇنباعىس مايىن الۋ جانە تازارتۋ جابدىقتارى ورناتىلعان زاۋىتتا كۇنىنە 140-150 توننا ماي وندىرىلەدى. 600-گە جۋىق ادام جۇمىسپەن قامتىلىپ وتىر.
بۇدان كەيىن ءوڭىر باسشىسى بەردىبەك ساپارباەۆ, ءماجىلىستىڭ اگرارلىق ماسەلەلەر جونىندەگى كوميتەتىنىڭ ءتوراعاسى رومان ءمادينوۆ, اۋىل شارۋاشىلىعى مينيسترلىگىنىڭ فيتوسانيتارلىق قاۋىپسىزدىك جانە ەگىستىك ءونىمدەرىن قايتا ءوندىرۋ دەپارتامەنتى ديرەكتورىنىڭ ءمىندەتىن اتقارۋشى باقىت ءىلياسوۆ, قورشاعان ورتانى قورعاۋ جانە سۋ رەسۋرستارى مينيسترلىگى بالىق شارۋاشىلىعى كوميتەتىنىڭ ءتوراعاسى قانات مۇساپاربەكوۆ, «قازاگرويننوۆاتسيا» اق باسقارماسىنىڭ توراعاسى ءازىمحان ساتىبالدين جانە ءوڭىردەگى اۋىل شارۋاشىلىعى قۇرىلىمدارى باسشىلارىنىڭ قاتىسۋىمەن اگرارلىق ماسەلەلەر جونىندەگى كوميتەتتىڭ كوشپەلى وتىرىسى ءوتتى.
ءوڭىر باسشىسى كوشپەلى وتىرىستىڭ شىعىس ءوڭىرىندە وتكىزىلۋى اۋىل شارۋاشىلىعى ماسەلەلەرىن وڭ شەشىپ, سالاعا قاتىستى زاڭنامانى جەتىلدىرۋگە كومەگىن تيگىزەتىنىن اتاپ ءوتىپ, اۋىل شارۋاشىلىعى كاسىپورىندارىن سۋبسيديالاۋ ماسەلەسىن كوتەردى. ماسەلەن, «ماي» اق بۇرىن مەملەكەت تاراپىنان سۋبسيديالانعان بولسا, بۇگىندە بۇل كومەككە قول جەتكىزە الماي وتىر. سول سياقتى قۇس ەتى مەن جۇمىرتقاسىن ءوندىرۋ, مارال جانە ارا شارۋاشىلىعىنىڭ اياعىنان تۇرىپ كەتۋى تىكەلەي مەملەكەتتىك قولداۋعا بايلانىستى بولماق. ايماق باسشىسى سونداي-اق ۆەتەريناريا, ەكپە ەگۋ سياقتى كەيبىر ماسەلەلەردى جەرگىلىكتى اتقارۋشى ورگانداردىڭ قۇزىرىنا بەرۋ ماسەلەسىن جەتكىزدى.
كوشپەلى وتىرىس سوڭىندا كوميتەت توراعاسى رومين ءمادينوۆ ۇسىنىستار مەن وتىنىشتەر مينيسترلىك پەن ۇكىمەت دەڭگەيىندە قاراستىرىلاتىنىن جەتكىزدى. پارلامەنت دەپۋتاتتارى مەن اۋىل شارۋاشىلىعى سالاسىنىڭ جەتەكشىلەرىنەن قۇرالعان دەلەگاتسيا مۇشەلەرى كوكپەكتى جانە كۇرشىم اۋداندارىنداعى ءبىرقاتار شارۋاشىلىقتاردىڭ جۇمىسىمەن تانىسىپ, اۋدان حالقىمەن بالىق شارۋاشىلىعىنىڭ ءتۇيىندى ماسەلەلەرى تالقىلانعان كەڭەس وتكىزدى.
دۋمان اناش,
«ەگەمەن قازاقستان».
شىعىس قازاقستان وبلىسى.
