«اۋىلداعى مەديتسينالىق كومەكتىڭ ساپاسىن ارتتىرۋ ماقساتىندا «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىڭ اياسىندا وڭىرلەردە 655 العاشقى مەديتسينالىق-سانيتارلىق كومەك نىسانىن, ونىڭ ىشىندە 253 مەديتسينالىق پۋنكت, 242 فەلدشەرلىك-اكۋشەرلىك پۋنكت جانە 160 دارىگەرلىك امبۋلاتوريا سالۋ كوزدەلىپ وتىر. 32 كوپبەيىندى ورتالىق اۋداندىق اۋرۋحانانى (2024 جىلى – 7, 2025 جىلى – 25) جاڭعىرتۋ جوسپارلانىپ وتىر. وندا ينسۋلت ورتالىقتارى, كارديولوگيا, جانساقتاۋ جانە وڭالتۋ بولىمشەلەرى اشىلىپ, ولار كت, مرت, ۋدز, ءوجج اپپاراتتارىمەن جاراقتاندىرىلماق», دەدى دەنساۋلىق ساقتاۋ ءمينيسترى اجار عينايات.
سونىمەن قاتار ول اۋىلدىق دەنساۋلىق ساقتاۋ وبەكتىلەرى ءۇشىن 1 100 مەديتسينا قىزمەتكەرىن دايارلاۋ جۇزەگە اسىرىلاتىنىن ايتتى.
پرەمەر-مينيستر بيىل قۇرىلىسى باستالاتىن مەديتسينالىق نىسانداردىڭ بارلىعىنا دەرلىك جەر بولىنگەنىن اتاپ ءوتتى. تەك ۇلىتاۋ وبلىسىندا عانا اتالعان جۇمىستار جالعاسۋدا.
«اكىمدىك جەر ۋچاسكەسىن ءبولۋ جۇمىستارىن ءبىر اپتا ىشىندە اياقتاۋى ءتيىس», دەدى ءاليحان سمايىلوۆ.
ءاليحان سمايىلوۆتىڭ ايتۋىنشا, جاڭا مەديتسينالىق نىسانداردى كادرلارمەن قامتاماسىز ەتۋدى الدىن الا قاراستىرىپ, ولارعا الەۋمەتتىك قولداۋ شارالارىنىڭ تولىق پاكەتىن ۇسىنۋ قاجەت.
«تاعى دا اتاپ وتەمىن, ۇلتتىق جوبانى ىسكە اسىرۋدىڭ ءاربىر كەزەڭىن جوبالىق باسقارۋ جۇيەسى شەڭبەرىندە تۇراقتى باقىلاۋعا الامىز», دەدى ۇكىمەت باسشىسى.
