ورتاق ساۋدا الاڭى اشىلدى

كەشە قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى مەن «اقپاراتتىق-ەسەپتەۋ ورتالىعى» اق بىرىگە وتىرىپ, مەملەكەتتىك م ۇلىك پەن كۆازيمەملەكەتتىك سەكتور اكتيۆىنىڭ ورتاق ەلەكتروندىق  ۆەب-پورتالىنىڭ  قولدانىلۋىن تۇسىندىرگەن سەمينار وتكىزدى. سەمينارعا «اقپاراتتىق-ەسەپتەۋ ورتالىعى» اق باسقارما باسشىسى جاناسىل وسپانوۆ پەن مەملەكەتتىك م ۇلىك جانە جەكەشەلەندىرۋ كوميتەتىنىڭ توراعاسى ەدۋارد وتەپوۆ قاتىستى. سەمينار جەكەشەلەندىرۋدىڭ كەزەكتى تولقىنىنىڭ قالاي وتەتىندىگىن ءتۇسىندىرۋ, ازاماتتار اراسىندا كەڭىنەن ناسيحاتتاۋ ماقساتىندا ءوتتى. جەكەشەلەندىرۋدى ەلەكتروندى ساتىپ الۋ ارقىلى قالاي جۇزەگە اسىرۋعا بولادى دەگەن سۇراقتاردان باستاپ, جالعا بەرىلگەن مەملەكەتتىك وبەكتىلەرگە جالعا الۋشىلار سالعان قاراجات كىمنەن قايتارىلماق دەگەن ماسەلەلەرگە دەيىن ايتىلدى. مەملەكەتتىك م ۇلىك رەەسترىنىڭ ۆەب-پورتالىنىڭ اتقاراتىن قىزمەتى جەكەشەلەندىرۋ نىساندارىن ساتۋ ەرەجەلەرىنە سايكەس قايتا تۇزەتىلگەن, ەلەكتروندى كونكۋرس پەن تەندەر وتكىزۋ ۇدەرىسى اۆتوماتتاندىرىلىپ, حولدينگتەر جۇمىسىنا لايىقتالعان. ياعني, تەك مەملەكەتتىك م ۇلىكتەر عانا ەمەس, حولدينگتەر بويىنشا دا ساتىلىمدار وسى الاڭدا جۇرگىزىلەتىن بولادى. ۆەب-پورتالدا ينفوگرافيكا مەن م ۇلىكتى قالاي ساتىپ الۋعا بولاتىنى تۋرالى بەينەنۇسقاۋلىق ورنالاستىرىلعان. ساتىلاتىن نىساندار تۋرالى بارلىق مالىمەتتەردى جيناقتاعان باننەر دە بار. باننەر ارقىلى ساتىلىمعا شىقپاي تۇرىپ-اق, ساتىلاتىن نىساندار تۋرالى مالىمەت بىلۋگە بولادى. مۇنداي ساۋدا الاڭى ساتۋدىڭ 3 نەگىزگى قاعيداتىن جۇزەگە اسىرۋعا كومەكتەسەدى. ساتۋدىڭ ەلەكتروندى فورماسى, ساۋدانىڭ ورتاق فورمالارى (ەلەكتروندى اۋكتسيون, ەلەكتروندى تەندەر, ەلەكتروندى كونكۋرس) جيناقتالعان. ەلەكتروندى اۋكتسيون وتكىزۋ ۇدەرىسىنە, ونىڭ ناتيجەسىنە اسەرىن تيگىزبەس ءۇشىن ادامدىق اسەر ەتۋ فاكتورى مۇلدەم جويىلعان كورىنەدى. بولاشاقتا قارجى مينيسترلىگى مۇنداي ءتۇسىندىرۋ جۇمىستارى مەن سەمينارلاردى ءجيى وتكىزە بەرمەك. ۆەنەرا تۇگەلباي, «ەگەمەن قازاقستان».