رومان ۆاسيلەنكو ناقتىلاعانداي, قاراشا ايىندا ەۋروپالىق وداقتىڭ باستاماسىمەن پرەمەر-مينيستر ءاليحان سمايىلوۆ پەن ەۋروپالىق كوميسسيا توراعاسى ۋرسۋلا فون دەر لەيەن «قازاقستان مەن ەو ونەركاسىپتىك اليانستارى اراسىنداعى قارجى جانە تەحنولوگيالىق ىنتىماقتاستىقتى ورناتۋ» مەموراندۋمىنا قول قويدى. بۇل تۋرالى ول ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتتى.
«وسى جوعارى ديناميكانىڭ جالعاسى رەتىندە بيىل ەۋروپالىق كوميسسيانىڭ توراعاسى ۋرسۋلا فون دەر لەيەن قازاقستانعا كەلەدى. بۇل كەزدەسۋ قازاقستان مەن ەو اراسىنداعى قارىم-قاتىناستىڭ 30 جىلدىعىنا وراي ۇيىمداستىرىلادى», دەدى رومان ۆاسيلەنكو.
