ءمۇشايرا مارەگە جەتتى

ەلوردادا استانا قالاسى اكىم­دىگى قالا كۇنىنىڭ قۇرمەتىنە وسى­مەن ءتورتىنشى رەت وتكىزىپ وتىر­عان ءداستۇرلى ءمۇشايرا ءوز مارە­سىنە جەتتى. بيىلعى «ماڭگىلىك ەل – ۇلت مۇراتى» ايدارىمەن جا­ريالانعان جىر بايگەسىنە ەلىمىز­دىڭ تۇكپىر-تۇكپىرىنەن, قىتاي حالىق رەسپۋبليكاسىنان, موڭ­عوليادان 60-تان استام اقىننىڭ شىعارمالارى كەلىپ تۇسكەن ەدى. ماڭگىلىك ەل تاقىرىبى – وتان­شىل­دىق, ۇلتتىق رۋحتىڭ مەرەيىن اسىراتىن, ەلدىككە, بىرلىككە ۇندەيتىن, جاس ۇرپاقتىڭ جىگەرىن جانىپ, نامىسىن قايرايتىن, تۋعان ەل مەن تۋعان تىلگە دەگەن سۇيىسپەنشىلىگىن وياتاتىن تۇعىرلى دا عۇمىرلى تاقى­رىپ. بايگەدە باعىن سىناعان اقىن­داردىڭ بەرىلگەن تاقىرىپتى تەرەڭ­نەن قوزعاپ, كەڭىنەن قامتىپ جىر­لاۋعا بارىن سالعاندىعى باي­قالادى. اسىرەسە, بيىلعى ءمۇشاي­رادا ەلباسىنىڭ ماڭگىلىك ەل ۇلت­تىق يدەياسىنا بەلسەنە ءۇن قوس­قان­ ارمان شەريزاتوۆ, اقسۇيرىك ءىز­­­مۇقانوۆا سەكىلدى جاڭا ەسىم – جاس اقىن­دار قاتارىنىڭ كوپ بولۋى قۋان­تادى. سونداي-اق, قاراعاندىلىق اب­زال بوكەن, ءىلياس مۇقاەۆ, جەز­قاز­عاندىق كەنجەباي احمەتوۆ, الماتىلىق رافاەل نيازبەكوۆ, استانالىق تالعات ەشەن ۇلى سياقتى تانىمال اقىندار دا ءوز بيىكتەرىنەن كورىنە ءبىلدى. جالپى العاندا, ەل تاۋەلسىزدىگىن, ۇلت بولا­شاعىن, حالقىمىزدىڭ ازاتتىق جولىنداعى ەرلىك تاريحىن, جاڭا زاماننىڭ جارقىن كەلبەتىن ولەڭ­مەن ورنەكتەپ, ەلباسىمىز ءوز قو­لىمەن ورناتقان استانانىڭ جىر-­شەجىرەسىن جاساۋدى ماقسات ەت­كەن ءمۇشايرا دىتتەگەن جەرىنە جەتتى. اكادەميك, ەۋرازيا ۇلتتىق ۋنيۆەرسيتەتى فيلولوگيا كافە­درا­سىنىڭ مەڭگەرۋشىسى  سەيىت قاس­­­قاباسوۆ توراعالىق ەتكەن, قۇرا­مىن­دا جازۋشى, مەملەكەتتىك سىي­لىق­تىڭ لاۋرەاتى قويشىعارا سال­عارا ۇلى, اقىن, مەملەكەتتىك سىي­لىقتىڭ لاۋرەاتى نەسىپبەك ايت­ ۇلى, حالىقارالىق «الاش» سىي­لىعىنىڭ يەگەرى سەرىك اق­سۇڭ­قار ۇلى, اقىن, «تۇمار» جۋر­نالى­نىڭ باس رەداكتورى وڭايگۇل تۇر­جان بار قازىلار القاسى ءمۇشاي­راعا تۇسكەن شىعارمالاردى مۇقيات وقىپ, ساراپتاپ, سارالاپ, اقىلداسا كەلە تومەندەگىدەي شەشىم شىعاردى: باس جۇلدە – تەمىر تۇلپاردى سەمەيلىك جاس اقىن ارمان شەري­زاتوۆ تاقىمىنا باستى. ءبىرىنشى ورىندى (1 ميلليون 500 مىڭ تەڭگە) الماتىلىق تالانتتى قىزىمىز اقسۇيرىك ىزمۇقانوۆا قانجىعاسىنا بايلادى. ەكى ەكىنشى ورىندى (800 مىڭ تەڭگەدەن) قاراعاندىلىق  قوس اقىن – ابزال بوكەن مەن ءىلياس مۇقاەۆ يەلەندى. ءۇشىنشى ورىنعا تىگىلگەن ءۇش جۇلدەنى (400 مىڭ تەڭگەدەن) حالىقارالىق «الاش» سىيلىعىنىڭ يەگەرى, الماتىلىق رافاەل نيازبەكوۆ, جەزقازعاندىق  كەنجەباي احمەتوۆ جانە استانالىق تالعات ەشەن ۇلى ءوزارا ءبولىستى. بەس ىنتالاندىرۋ سىيلىعىن (150 مىڭ تەڭگەدەن) موڭعوليالىق قارت اقىن شىناي راحمەت ۇلى, الماتىلىق باتىق ءماجيت ۇلى, قىتاي حالىق رەسپۋبليكاسىنىڭ ازاماتى سەرىك ءتۇسىپحان ۇلى, اقتوبەلىك بالتابەك نۇرعاليەۆ, اياگوزدىك جاس تالاپكەر ءبىرجان احمەر ەنشىلەدى. سونداي-اق, ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ, استانا قالالىق ءتىل باسقارماسىنىڭ باستىعى ەربول تىلەشەۆ,  ەلورداداعى «فوليانت» باسپاسىنىڭ ديرەكتورى نۇرلان يسابەكوۆ تاعايىنداعان ءۇش ارنايى سىيلىق (100 مىڭ تەڭگەدەن) استانالىق باقىتجان توباياقوۆقا, شىمكەنتتىك جارىلقاسىن بو­رانباەۆقا, اقتوبەلىك گۇلجاينار قالديناعا بۇيىردى. جۇلدە العان جانە ءمۇشايرا قورجىنىنا كەلىپ تۇسكەن شىعار­مالاردىڭ تاڭداۋلىلارى جىل اياعىنا دەيىن جەكە كىتاپ بولىپ باسىلادى. ماراپاتتاۋ ءراسىمى استاناداعى «كونگرەسس-حولل» سارايىندا 1 شىلدە كۇنى كەشكى 18.00 ساعاتتا ونەر جۇلدىزدارىنىڭ قاتىسۋىمەن وتەدى. سەرىكحان سابىربەكوۆ, س.سەيفۋللين مۇراجايى ديرەكتورىنىڭ ورىنباسارى, قازىلار القاسىنىڭ جاۋاپتى حاتشىسى. استانا.