قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتتەرى ەشكىمگە قاجەتسىز سول قاۋىزدان كورپەشە جاساپ شىعارىپتى. ولاردىڭ ايتۋىنشا, «Active Seat»كورپەشەسى دەنساۋلىققا پايدالى بولماق.
– قازىرگى ۋاقىتتا ادامدار ۋاقىتىنىڭ كوبىن وتىرىپ جۇمىس ىستەۋمەن وتكىزەدى. قيمىل-قوزعالىستىڭ ازدىعىنان ءتۇرلى اۋرۋلاردىڭ دا پايدا بولاتىنى بەلگىلى. «Active Seat» جوباسى وسىنىڭ الدىن الۋعا سەپ بولادى دەگەن ويدامىز, – دەدى «Enactus Korkyt Ata university» كومانداسىنىڭ كاپيتانى تەمىرلان ءابجانوۆ.
الداعى ۋاقىتتا ستارتاپشىلار ەكولوگيالىق جانە الەۋمەتتىك جوبالار بايقاۋلارىنا قاتىسپاق. سونىمەن قاتار «Active Seat» جوباسىن «Enactus Kazakhstan National Expo» ستۋدەنتتىك كاسىپكەرلىكتىڭ, ستارتاپتار مەن يننوۆاتسيالاردىڭ ۇلتتىق كۋبوگى بايقاۋىنا ۇسىنۋ ويدا بار.
ۋنيۆەرسيتەتتە ستۋدەنتتەر اراسىندا كاسىپكەرلىكتى دامىتۋ, تىڭ يدەيالارعا قولداۋ كورسەتۋ ماقساتىندا كاسىپكەرلىك ورتالىعى جۇمىس ىستەيدى. وسىعان دەيىن ورتالىقتا «Startup Bolashak. Meniń armanym» جوباسى, «Zhas project» باعدارلاماسى, «HackDay» جانە «Smart city Kyzylorda» حاكاتوندارى جانە باسقا ءىس-شارالار ۇيىمداستىرىلدى. بەس جىل ىشىندە
7 مىڭنان استام جاسقا باعىت-باعدار بەرىلگەن ورتالىقتان 89 رەزيدەنت-تۇلەك شىعىپ, جالپى 70 ملن تەڭگەگە جۋىق قارجى تارتىلدى.
قىزىلوردا
